Hibru 12:23 - Oksapmin

²³ Ama ihat pati tei oh Got orhe duuptei brer win brak mar aw tei mahat atip brer ire tap tei hat ma pati tei ohmur. Gure sus ma pati tei oh kakdah hanip gonsi dirnong nasatipra han Got orhe pat tei ohmur. Got oh duung dasi naham eimat yahnap dasi natporhan hapura ama duung da oh sus pati tei ohmur.

Hibru 12:23 ပူးပေါင်းရင်းမြစ်များ

Ruk oh yah meng ma brak matip ohe meng oh 10:20

Ihtin kasipsi nahatporhan gur Nuhur ama ohe kasip ohsi mongsup ihirnong maras sona potperhan nure meng amram maras saptihe daham ama ohe danong ham amam hapri. Nure win oh Got oh aw tei mahat brak mar nat patwa daham ama ohe danong amam ham patenmur pongopri.

Jon oh yah meng ma brak matip ohe meng oh 5:27

Inahat ma napapat at oh Gin go Hanip Brer ohoh ihan ihirnong Moh er hanhe. Moh yah hanhe por satinmur napotporhan noh arpin nasapat hanmur.

Aposer 20:28

Ihtin ohoh ihan guragure danonghe pomar paptenmur. Pomar paptim Got orhe Yahsup oh gurnong Mama Got orhe nita kuuhan bap ihirnonghe gur wamat paptenmuro napor kis nahat napapat ohoh ihan gur ihirnong pomat orhor awamat paptenmur. Got oh nohe nita bapwi ha hatingwe daham orhe mon ohe heim ohsi mohotip bap ihir ohoh ihan gur ihirnonghe pomat orhor awamat paptenmur.

1 Korin 13:12

Gin mama kat kat am hat pati da moh dire tom hru temnong tom kakeir wamar rumkin pomat na wandeiptiru hat patimur. Kaputnong oh orhe rumkin teinong ham wamara pomat am hatiprimur. Gin dir orhe pat danong ma am hapti oh kat kat pok am haptimur. Kaputnong oh orhordapat dirnong am hat patru hatin hat orhor orhornonghe dir imat orhor pomat wamara am hatiprimur.

1 Korin 15:49

Gin dire kakdah mama pati ina moh rih kakdah mama patesuh han Adam orhor hatin hat patimur. Aw tei ma pateprihe aw tei mahatdapat ma wanhup han orhe pat ina da hatin hat pateprimur.

1 Korin 15:54

Diradire hapur timbas hapti ina watah moh yawar hama na timbas hapat ina watah ma datipri oh rih ma brak matpa mengnong oh dam mar imtipramur. Ma brak matpa meng oh mamaru hat patmur. Got oh haputin supnong oh orhe hrepnong mar ambapte mar eimatnap timbas matipmur.

2 Korin 5:8

Ihat pati ohoh ihan nuhur na garhama watahpei ham kasip hat orhor patimur. Ihat patima isip ma dahat pati oh Gin mama pati da oh mandama Hanipyah ohsi tap hat paten ohe danongwi isip hat patimur.

Epesas 1:22

Got oh erer oh gonsi Krais orhe kasip hrepnongwi mat mandapat Gin go norhe nita sios ire kakhan hapat erer gon mohsi gorhe hrepnong mar wamat paptenmur por ihat papten kakhan matipmur.

Piripai 4:3

Ihit tit dawi hat ha indingwe rim nohe tap tamreindin ma kasip hat tamreipat han go Piripai aptei tamreipat ohoh ihan go ihitnong panggeitinmur. Ihit norhe yah meng pisapatnong moh ihit napanggeipti kuu yot ohoh ihan itait tit dawi ham da gosat ha patengwe rim nohan go ihitnong pomat orhor panggeitinmur. Ama kuu yot ihitwi na napanggeiptimura; Kremeno norhorsi tap hat tamreipti kat hano ihirsi tap ham tamreim napanggeiptimur. Ama imat napanggeipti bap ihir Got orhe danong hat pati ohoh ihan ire win oh Hanipyah orhe eimat paten dasi hat pati ohe brak ban tei oh patimur.

Korosi 1:12

Kasip hat patin gorhe nita nure yah han erer ma gorhe napapindipra has hrep ma wanin mat nat pat erer oh nuhurnong datin inasi nahat napapat ma hapat daham weso inahapat hano dahatwi ha napaptengwemur por nuhut Got ohnong nadahandeiptimur.

Korosi 1:24

Noh gure pe oh ruumsup dat sapatmur. Ruumsup dat ma sapat moh Krais ohe Go norhe nita bap norhe ina hatin hat pati bap ihirnong go ire gwemat mihat batbet dat sonmur. Susa asotei ihat sa timbas hatipra napor ma kis nahat napapat teinong timbas matinmat ihat sapatmur. Ihpat ohoh ihan noh ruumsupsi hat orhor amam hat patmur.

1 Timoti 3:5

Han orhe kuu brernong pomat na papatin ihirhe itap ohe mengnong na amraptisi han oh sios ihirnong atnap er mat papindipra han ma hapat daham ama ihtin han ihirnongri kis deipri. Kuu brer ihirnong yah mat ma papat han ihirnongwi kis deinmur.

Hibru 11:4

Eper oh Got oh arpin inahat napapat hanwa ma dahasuh ohe pe oh Got ohnong yah han tit apdapmur. Ken oh Got ohwi inahatin hatin hanwa na dahat pat ohe pe oh Got ohe amam hatin han oh ti na apdapmur. Eper oh Got ohwi inahatin hatin hanwa dahat patdapat yah han oh Got ohnong apriporhan Got oh yahnap han tit napirmur potipmur. Ma gipotip oh orhornong Go yah hanmur potip ma hapat dahaptimur. Gahan Eper oh haputip orhora; orhe Got ohnong Ohwi inahatin hatin hanwa daham apop ma apdap da oh pat ohoh ihan Got ohwi inahatin hatin hanwa dahatin ohe da oh dirnong namgipatmur.

Hibru 11:40

Ire na dat patim ma hapurishe oh mamarumur. Got oh hapurishe han ihirsi; na haput pati han ihirsi irairnong tap mat orhor apirhan yahmur. Aprisa irairnong tap kat titwi yahnap matiprawa daham mamen mat napapat da oh ihirhe na dat patim orhor hapurishemur.

Hibru 2:12

Ma naporpat oh tit meng Got ohnong potporhan ma brak matpa oh mamaru hat patmur. At gorhe ihpat ohe da oh norhe taptem ihirnong poripramur. Norhe taptem ire tarmuriya mutuh tandeim gonong armi nahatin ga rimo hapramur. gipotporhan brak matpamur.

Hibru 9:27

Hanip dire tit dahwi ma hapuriptinong oh dahenmur. Hanip dir tit dah pokwi hapur saperhan dahanahatin inasi hat pati ohoh ihan Got orhe dahanahatipra tei oh dahanahatipramur.

Jemis 1:18

Inahapat han orhe damdapat orhor Noh norhe mon ohe arpin ihtip ohe meng dap teidapat ihirnong norhe brer matporo. Norhe gon han matin oh maihirnongri norhe gon han bap matipramur. Mara norhe erer ma darpa oh komdapat norhewi matipramur daham orhe da orhor orhe brer nahapatmur.

1 Pita 2:23

Ihat ma patesuh han ohnong dasei mar er meng ohe boknong matperhanhe oh it diteim na porisuh han ohmur. Batbet oh ohe boknong matperhanhe oh Nohhe gurnong inahatipramur por ihirnong kas menghe ti na deisuhmur. Be kimirim batbet dara At duung dasi yah mat nasapat han orhorwi sama duung dasi sa matipra daham diteim na pora itap orhe bes teinong mat mandasuhmur.

Erer tarpatipra 13:8

Imat wamat patin mong mong mama pati gonsi ihir ama kurwah ohe danong ham ihir armi deiprimur. Gonsi armi deipri orhor kat ihir mong na tarpat patin orhor da dipwi paten ohe brak tei ma win atip ihir ohnong na armi deiprimur. Da dipwi ma patepri ohe brak oh sipsip bap hatin ma sutpa han ohe brak ohmur.

Erer tarpatipra 14:4

Ama han bap ihir kuu ihir tap na saw ham ongeng taham yahnap hatwi ma pati han ihirmur. Ihir sipsip bap ohe Noh anong sapora daham saporhan ihirhe ohe komnongwi ma dinggoshapti bap ihirmur. Kakdah han maire mutuhdapat ihirnong ma ambutip oh kopen pa awduup pera han pohon ihirnong apriptiru Got ihit taman kopenat ma amburiya moh nute taman tit pokwimur rim ma ambutpa han ihirmur.

Erer tarpatipra 20:15

Mandapat eimat paten ohe brak matip tei oh ire win ma na brak matip ihir ama win timbas ihirnonghe tahe pora ama irat taurpat tanggap isip dahnong ohom tihi tahe por mandangop.

Erer tarpatipra 6:11

Dahamtiperhan oh watah has dapsi ti dara nitat deingop. Nitat deipat Kopenmuro. Gur ihat patina. Guragure tap tamreipti kat han ihirnonghe mahaw han ihir gurnong ma nisheru mat orhor ha sutingwe dahapatmur. Ama norhe kis mat papat han ihirnong suyarit norhor dahamar yan apripramur dahat patmur. Ihan gurhe ihat kimirit patinmuro pongop.

Erer tarpatipra 6:9

Saperhan sipsip bap oh hathat gata oh endeingop. Emtiporhan noh wandeioh han ihir Got ohe meng oh yah matwi pot pisaptin ihirnong garmar sushe han ire da oh Got ohe apop atendeipti gwar duup oh patingopa.