Hibru 11:5 - Oksapmin

⁵ Inok oh Got ohwi arpin inahatin hatin hanwa dahat patin Got oh wamara ohnong amam matipmur. Amam ma matip oh brak meng oh Noh Inok ohnong amam mat papatmur ritipmur. Imat amam mat papatdapat Got orhor Inok oh na hapur dasi patin orhor dasi ambura aw teinong mahat pruhupmur. Orhor aw teinong mahat pruhum mandatporhan hanip ihir angmar mandatpamur.

Hibru 11:5 ပူးပေါင်းရင်းမြစ်များ

Ruk oh yah meng ma brak matip ohe meng oh 2:26

Ihat pat han ohnong Got ohe Yahsup oh ohnong Go na haput patin orhor Hanipyah oh ihirnong sa amburipra rim kis mat papat han Krais oh apirit go wamtipramur potporhan oh amengnong dahat patesuh han ohmur.

Ruk oh yah meng ma brak matip ohe meng oh 3:37

Ramek oh Metusara ohe monmur. Metusara oh Inok ohe monmur. Inok oh Jaret ohe monmur. Jaret oh Mahararer ohe monmur. Mahararer oh Kenan ohe monmur.

1 Tesaronaika 2:4

Imat napot na indirimur. Nuhur mimat napot indirimur. Got oh nuhurnong nasama Mama han gur norhe meng napot pison inasi hat pati han bap gurmur napor meng oh nure bes tei nahatporhan nuhur orhe Norhe meng moh ihir mimat pot ha pisongwe dahapat da ohsi nuhur apris gurnong imat napot indirimur. Hanip ihir ha amam nahatingwe rim meng napot na napisaptimur. Hanip dire mutuh ma dahapti danong nadason mar am hat pat Got orhor ha amam nahatinoh rim imat meng napot napisaptimur.

Hibru 11:6

Got oh hanip dirnong be na amam nahapatmur. Orhornong Ohwi inahatin hatin hanwa ma dahapti ohe pe ohwi orhornong amam hat indin dasi deiptimur. Imat napapat han ohoh ihan hanip dir orhe patnong sapera dahayahanoh mamaru hat daham saptimur Got oh arpin patwa. Ama ihat pat han ohnong Noh angmat sus wamtipora ma dahapti ohe pe oh orhe yah yan oh napriprawa dahamwi ohe patnong saptimur.

Hibru 2:9

Na paptimura; Jisas orhornong Orhor imat papat han ma hapat daham am haptimur. Ama ihat daham am hapti han oh Got oh orhornong Go be han hatin ham kakun enser ire hrepnong ham indinmur. Ire hrepnong hama norhe damdapat Ihirnong yah matiprawa ma dahat pat ohe da oh dam ha tarpatinoh rim go gonsi ire gwemat haputin ohe batbet oh dara haputinmur por nadarhetipmur. Por nadarhetporhan arpin orhe daham ma darhetip da oh dam tarpatipmur. Dam tarpatporhan Got oh Norhe mon oh ire gwemat batbet dar haputir moh ihan noh orhe winnong isip mar adaptuhutpora daham orhe win adaptuhur winsi han mat papatmur. Imat papatin dir wamar am haptimur.

1 Jon 3:22

Dahamara Got orhe bopor mat papat dao orhe sawa mengo ohnong amram dindeipti ohoh ihan dire Got ohnong ma dahandeipti ohe erer oh gonsi napriporhan dariptimur.

Jut ohe brak mat atip ohe meng oh 1:14

Ama er hat sapti han bap ire boknong sutin meng ma potip oh rih orhor Inok oh kaput komdapat ma apripri han ire boknong mar potipmur. Inok oh Adam ohe puh dimdim dap susa Inok oh bes han ohmur. Ama Inok oh ire boknong matip meng oh mamaru hat patmur. Gur amratin. Hanipyah ohe ma apripra oh han gonsi ihirnong dahamara iraire san hapti pe oh sam imtinmat oh tausen tausen enser ihirsi apripramur. Aprisa gonsi ihirnong dahamara Got ohnong kom asar irair er da hat son ohe danong ham er hat sapti dao Got ohnong dasei meng por kom asaripti dao adanongwi hat ma sapti han ihirnong oh sama iraire ihat sapti pe yan oh er yan apripramur rim ire boknong matipmur.