Hibru 10:34 - Oksapmin

³⁴ Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.

Hibru 10:34 ပူးပေါင်းရင်းမြစ်များ

1 Pita 1:4

Ama datipriwa daham minhan pati han oh mamaru hat patmur. Orhe boknong oh er matino bisei matino timbas matino oh ti na imtin hatin hanmur. Ama ihtin kasip oh Got oh aw tei mahat orhe hrep oh mamen mat nat patmur. Ama mamen mat nat pat han ohnong datipriwa daham armi mar minhan patimur.

2 Timoti 1:16

Onesiporas oh pokwi nohe karapus hat patnong moh na kasna nahama Rom ap mutuhnong moh De ap oh karapus hat pato rim angnahat apris wanahatipmur. Wanahapat gin trun dah tit da yah naham us apir hapatmur. Oh inahapat hano rima noh orhornongo orhe kuu brer ihirnongo oh Got go hinhina mar yah mat paptenmur.

Jemis 1:2

Nohe taptem gur mohnong dahenmur. Tihan ruumsup tihan ruumsup apris gure ina boknong namrihanhe gur Mama ruumsup namri moh nohe Krais ohe danong hat pat danong moh ha kasip hatinoh rim kis naham inahah ma hapat daham amam henmur.

Hibru 13:3

Got ohe nita hat pati ohe pe oh karapus hat pati bap ihirnonghe Noh ire tap karapus hat patin norhe nita bap ihirhe apris napanggeimo haptineng ihat ma dahapat da hatin hat orhor ihirnong imat da aprishenmur. Got ohe nita hat pati ohe pe oh ina batbet apris ruumsup mat papti ihirnonghe gorhe ina ruumsup batbet dara ihir apris napanggeiptineng ma dahapat da hatin ihirhe ihat dahat pati ma hapat daham panggeinmur.

Epesas 6:20

Gur dahat patimur. Noh rihhe Jisas Krais orhe meng tei ama meng oh pot pisapatin ama ohe pe oh nohnong karapus nahatperhan noh mama karapus hat pat ohmur. Ihat sapat ohe pe oh karapus hat pat ohoh ihan gur Got ohnong Got gwe Por ohnong Go nohe meng moh imat pot ha pisashenoh ma dahapat da orhorsiwi mat watahpei hat orhor meng pot pisashen dasi mat Got gorhor pisashenmur por nadahandeinmur.

Ruk oh yah meng ma brak matip ohe meng oh 12:33

Ihat patim guragure erer oh wan han ihirsi mani ohsi mohoma ama mani ohsi hatip hat pati kuuhan ihirnong panggeinmur. Imat panggeipti aw tei mahathe guragure yah han erer oh ruprup mat kasip ung na turkatin ung oh mit sarinmur. Aw tei ohe yah han erer ohot ma saripti erer oh timbas haho gapah han ihir dariyao daskein ihir dam timbas deiyo na matin han sariptimur.

1 Jon 3:2

Norhe yah han taptem bapa. Dir gin arpin Got ohe brer hat patimur. Ihat ma pati bap diroh dire komdapat ma indipri ohe da oh kopen pitap teinong na hat pat ohoh ihan dir hanhan hat patimur. Gin dire ma dahat pati oh Krais orhor apris pitap hatporhan dir pomat wamar am hama orhor hatin hat patepri ma hapat daham am hat patimur.

Hibru 11:16

It iraire mandam apdapa mong teinong ma na pipa oh ihir wan mong yahnap mong aw teinong son ohe danong hat patim girishe ma hapat dahaptimur. Ihir ihat dahat ma pateshe oh Got oh Ihir aw teinong aprin ohe danong hat pati ohoh ihan ihir nohnong nuranure Gotmur naporiyahanoh yaho. Noh na kasa hat patmur. Ihan noh ire paten ohe ap mutuh oh matei amamen matpor dahama amamen mat mandatipmur.

1 Timoti 6:19

Pot pisaporhan ama kamah hat pati bap ihir imat isip mat panggeit ayahanoh iraire eimat paten ohe da oh doho kamen ohe tan mat sariptimur. Ama kamen tei oh arpin eimat paten da oh dariptimur. Ihan Timoti go ire ihat pati danong oh akasip mat pisashenmur.

Korosi 1:5

Gure Krais ohnong dahapti dao ihirnong bopor mat papti dao ama ohe duuptei oh mama ohmur. Rih gurnong arpin yah meng ma napotpa meng oh Aw tei mahat gure datin han erer oh Got oh nat patmur napotpamur. Napotperhan gur amrama Arpin datipriwa daham wamat patimur. Gure imat ma wamat pati ohe pe oh gin mama Krais ohe danong hayao ihirnong bopor mat papayao mama hat pati ohmur.

Piripai 1:7

Got orhe damdapat Yah matpora dahat patdapat nohnong Go yah meng moh ihirnong pot pisona napor kis nahat napapatmur. Ihat kis nahat napapat ohoh ihan noh be karapus hat patino dahandeipti han ire mutuhnong nahat napaptino oh yah meng orhorwi pot pisapatmur. Pot ma pisapat oh dahandeipti han ire mutuhnong nahatperhanhe Moh arpin meng pomat pot pisapat hanhe ha dahatingwe rim noh pomat orhor pot pisapatmur. Got ohe Gur ihat tamreindin naporpat yah da moh diradirnong tap mat napriporhan diradir tap hat tamreiptio rim nohe dahe gurnong bopornap nahat napapatmur.

Epesas 4:1

Noh Got ohe atamreipat hano rim karapus nahat patimur. Karapus hat pat han norhor Got oh Krais ohe kasip ohsi inahapato rima noh kasip meng tei gurnong mama meng moh napotiprohmur. Got oh Gur norhe nita kuuhan bap hama mihat sa sasipri daham ma kis nahatipru hat orhorwi gurhe ihat orhorwi sashenmur.

Epesas 3:1

Got oh dirnong tit bapwi nahat napapato rim noh gure ihat paten meng oh Got ohnong nadahadeipatmur. Noh gure imat nadahandeipat han noh Krais Jisas orhe han hat patim Juda na hat pati han bap gurnong napanggeit napisapat ohe pe oh karapus nahat patimur.

Aposer 21:33

Mandatperhan ami ire duuptei han oh Por ohe duupnong susa orhe han ihirnong Gur apris kasip nang ohsi atpatinmur. Atpama karapus matiprohemur pongop. Pora ihir Por ohnong nang atpat mandatperhan dupsi han ire duuptei han oh kuuhan ihirnong Mama han oh de han ihira. Oh kin hatporhan mimat supti por dahandeingop.

Aposer 5:41

Mandatperhan aposer ihir pipari. Susa Dir Jisas ohe mengtei ihapti ohe pe oh mama ruumsup dire boknong naham napris napisapti moh yaho rim amam hat pipari. Amam hat susa Jisas oh Got ohe kis matip han Kraismur poripti ohe yah meng oh na mandam ameng orhorwi Got ohe ap yawar doho dahnong ros poriyao ire ap ap ros poriyao ham dipwi orhe meng oh porwi patesheri.

Ruk oh yah meng ma brak matip ohe meng oh 10:42

Ohri isip hat pat da oh tit pokwi hat patmur. Ama danong oh Maria uh datpora daham darpatmur. Oh yahnap dat na mandatin ohe da dar ohoh ihan kinmat it dat amdatiprohe pongopri.

Matyu 19:21

Potporhan Jisas oh Go Noh yahnap han hatpora dahahhanoh gorhe erer oh ihirsi mohoma mani oh dar borop han ihirnong apinmur. Ihyahanoh go aw tei mahat Got ohe napapindin tei ohe ruumsansi han hatipramur. Ihpat nohsi tap hat sashen han hat aprishenmur pongop.

2 Timoti 2:9

Noh ama yah mengnong ohwi pot pisapat ohe pe oh norhornong inaham ruumsup nahama er han hatin naham karapus nahat napaptimur. Ihtin orhor Got ohe mengnong oh atimbas mar karapus matin hatinda. Na timbas matin hatinmur.

2 Korin 5:1

Nure kakdah moh ohe ina moh kakun tom ap tem pati hatin hat patimur. Mama tom ap tem hatin ina moh turkar timbas hatporhan aw tei mahat Got orhe ma hapat ina ap hatin oh na turkatin hatin eimat paten ina ap hatin nahatipra ma hapat daham ama na wandeipti han ohe danongwi ham kasip hat patimur.

Aposer 28:20

Nohnong nang natpat napapat ohe duuptei oh mamaru hat patmur. Isrer diradir tit han tit apris Ohwi inahatin hatin hanwa daham ma minhan pat ohe pe oh nohnong kasip nang ohsi natpat napaptimur. Gin am ihat daham ma minhan pati han oh diradir gonsi minhan patio rim noh ihan gurhe apris diradir wanggosham meng saro hatpero rim noh gurhe gonsi aprina napormur potipri.

2 Timoti 4:8

Timbas matporhan yan oh nang dap dakmeiriya han ireo rim ma mamen mat asariptiru mar Got oh Norhe danongwi kasip hat ma sapti han ire yan atpora rim ma nasarpat yan oh nohe mamen mat nat patmur. Kaput pepe dik oh Hanipyah duung dasi ma nasapat han orhor nasama ama mamen mat nat pat yan oh napripramur. Ama yan oh nohnongwi na napripramur. Hanipyah ohnong oh kapkap apris pitap teinong ha hatinoh daham kinkin da hat ma pati bap gursi gonsi diradirnong tap mat ama yan oh napripramur.

Ruk oh yah meng ma brak matip ohe meng oh 9:25

Gur yah hat eimat paten ohe da oh mandama kakdah ohe erernong moh ruumsan datpora daham ruumsan erer oh gonsi dariyahanoh gure erer ruumsan ma dariya han oh gurnong batbet naham er nahatipra tei oh ama ihir napanggeim yah nahatiprida. Basra. Ama erer ihir na napanggeitiprimur.

Hibru 9:15

Krais oh ihtin han hat pat han ohoh ihan oh kopenohe dik natir meng oh mutuh han hat patmur. Ama ihat pat han oh dir rihohe dik natip meng hrepdapat hat patim er hat sashe ohe pe yan oh orhe boknong mar namohom haputipmur. Ma haputip oh dirnong er nang oh natpat napapat nangnong oh nagatmar haputipmur. Dire gwemat ihat haputip ohoh ihan Got oh maihir norhe nita ham norhorsi yah hat paten da ohsi hatiprimur napor kis nahat napapat bap diroh arpin orhorsi yah hat paten ohe dasi haptimur.

Hibru 13:14

Dire kakdah mohe dipwi patepra ap mutuh oh timbasmur. Dire dipwi patepra ap mutuh ma angdeipti oh kaput komdapat ma apripra ohe ap mutuhnong angdeiptimur. Ihan mama kakdah ap mutuh moh mandama kot ros orhe boknong hat patenmur.