Hibru 10:30 - Oksapmin

³⁰ Got oh ire er yan isip datiprio rim meng tit ma napotip oh Noh hanip er hat ma saya ohe pe oh heisup ham yan apin han oh norhorwimur. Norhorwi apin han ohoh ihan norhorwi imat apripramur napotipmur. Tit meng ma napotip oh Hanipyah norhe nita ihirnong norhorwi satipramur napotipmur. Ma napotip han ohnong dir gonsi am hat patimur.

Hibru 10:30 ပူးပေါင်းရင်းမြစ်များ

Rom ihirnong Por oh brak atip ohe meng oh 12:19

Nohanhera. Gurnong inaham er nahayahanhe gurdapat heisup mar it yansihe deipri. Got orhorwi heisup mar it yansi deipat han ma hapat daham orhe bes teinongwi mar mandanmur. Got norhorwi heisup mar it yansi deipat hanmur ritporhan ma brak matpa meng oh mamaru hat patmur. It yansi matin oh Hanipyah norhorwi it yansi mar apin han ohoh ihan norhor yansi deipramur ritporhan brak matpamur.

Rom ihirnong Por oh brak atip ohe meng oh 13:4

Dahenmur. Gapman ihirnong gonsi Got oh norhe natamreindin han matpor. Matporhan ihir ire hrepnong mar papindin han ihirnong panggeit ha paptengwe daham guragurnong napanggeit napapten han bap ihirnong kis mat papatmur. Er hat ma sapti ihirnong oh Got oh Norhe heisup mat papat yan oh sa apripri daham kis mat papatmur. Inahat napapti han ihir ohoh ihan guragur er hat sayahanhe Nuhur gin er hat saya sa daham kas hat sashenmur.

2 Korin 5:10

Dir orhe amam hat pat danong ohwi dimtipera daham ma dindeipti oh orhe nita bap dir gonsi Krais orhe rumkin teinong hatperhan Oh dir orhe dahapat danong ham ma hatip hat saptisi; dapsi hat saptisi ayot danong oh dahanaham nasatipramur. Nasama diradire kakdah mohe ihat ma sapti ohe pe oh ama ohe kis yan orhor napripramur. Ihat napripra ma hapat daham ihan dir orhe amam hat paten ohe danong ohwi dimtipera daham dindeiptimur.