Hibru 10:26 - Oksapmin

²⁶ Mohnong dahenmur. Dir Krais ohe heim ohsi dire er da hirmar namdapatnong oh am hat patimdapat er danong dimtipora daham dindeiyahanoh ama dindeiya ohe pe oh it nahirmatin heim oh eimat timbasnapmur.

Hibru 10:26 ပူးပေါင်းရင်းမြစ်များ

Ruk oh yah meng ma brak matip ohe meng oh 12:47

Giporpat atamreipat han oh orhe papat han oh Go norhe natamreindin oh ihat natamreindinmur potporhan oh am hat patim orhor tamreindin han erer oh dara na mamen taham orhe ma porir mengru na iherhanoh papat han oh it apris wamara kawsi suma batbet isipnap matiprohmur.

Jon oh yah meng ma brak matip ohe meng oh 13:17

Ihan noh Hanipyah hat patim orhor gurnong hanip gospanggeit sashen da namgi moh ihan gur Nuhur atnap orhe namgi da morhorsi ihatwi arwapnanah ihirsi gospanggeit sashen da namgi ma hapat dahat patim ihat sashenmur. Ama ihat dahat sapti han gurnong oh amam dasi hat ma pati bap gurmur napongop.

Jon oh yah meng ma brak matip ohe meng oh 9:41

Potperhan oh Gur Nuhur kin kwisi han ihir hatin hat pati moh oh ha yah nahatinoh dahaptineng gur nohnong Yah nahatina napotperhan noh gurnong yah nahatporhan er gapsi timbas hat patinengmur. Gur Nuhur yah hat patimur ma dahapti oh noh na yah nahatporhan er gapsi orhorwi hat ma pati oh kin kwisi hatin hat pati bap gurmur pongop.

2 Tesaronaika 2:10

Indeipat er apteinong son inasi hat pati bap ihirnong orhe dasuh er da ohsi isipnap dasuh matipramur. Arpin mengnong amratperhan namburipra ohe mengnong na amratiprohemur daham kom at pati ohe pe oh er dasi han oh ihat apris dasuh mar ambutipramur.

1 Timoti 1:13

Noh rih orhornong dasei meng poro orhe winnong amkar er mat pisao orhe nita ihirnong er mat apisao indeisuhmur. Indeipatin orhor Got orhordapat nohnong hinhina isip nahama Oh nohnong Ohwi inahatin hatin hanwa na daham hanhan hat patim ihat sapat moh noh norhe danong hatin ohe da oh matpora daham orhe damdapat Noh ohnong imat yah matpora ma dahapat ohe yah da oh nohnong isip nahatipmur. Isip nahama orhorsi tap hat patim bopor goshat indin ohe dao Orhorwi inahatin hatin hanwa dahapti ohe dao ama Krais orhorsi tap hat patim daripti da oh napdapmur. Napdap ohoh ihan noh amam da ohsi patmur.

1 Timoti 2:4

Ama namburpat han oh Norhor hanip bap gonsi ihirnong ambutipranengo. Ambutporhan arpin meng oh amram am hat orhorwi ha patengwemur dahapat han ohmur.

Jemis 4:17

Gur mama mengnong moh dahenmur. Gur yah hat sapti danong am hat patim orhor na ihyahanoh ama han gur er hat sapti han bap gurmur.

1 Jon 5:16

Got orhe nita bap guragur wandeiyaoh tit uh tit eimat batbet dar paten ohe hrepnong na matin ohe er da oh dat sapathanoh arwapir gur wamara Got oh ha ayah matinoh rim Got ohnong adahandeinmur. Adahamtiperhan ohe er hat sapat da oh dat amdama eimat paten dasi sa matiproh. Nohe gur imat adahandeinmur ma napor meng moh eimat batbet dar paten ohe hrepnong na matin ohe er hat sapti han ire adahandein ohe mengnong oh napormur. Eimat batbet dar paten ohe hrepnong nahatin ohe er da ohri patmur. Ama danong hat pati han ire ihat pati danong asohhe adahandeinmur na napormur.