Hibru 1:2 - Oksapmin

² Gin Krais oh hapur saporhan ohe pepe dik pati moh Got orhe meng oh orhe mon orhe boknong mar napotipmur. Itap oh orhe mon orhe boknong mar ma darhetip oh mong erer ma darpatip oh mon orhe bes teinongwi mar darpatip ma hapat. Norhe hrep papat erer moh mon orhorwi datipra ma hapat daham mamen mat papatdapat darhetipmur. Darhetporhan orhe boknong mar meng napotipmur.

Hibru 1:2 ပူးပေါင်းရင်းမြစ်များ

Matyu 13:39

Mahaw han tit apris er gwe ma sakmatip han oh Satan ohmur. Dam datin dik oh mong pepe dik ohmur. Dam datin ihirnong oh norhe natamreipti han enser ihirmur.

Matyu 17:5

Giporpatin orhor awgapor has oh giandeingopri. Giandeipat awgapor has mutuh amdapat meng tit Moh norhe bopor mat papat brermur. Ohe ma ihat sapat oh norhor amamsi mat patmur rim hangopri.

Matyu 21:38

Matirihan Gin ihan pepe mohra norhe mon moh darhetpora. Darhetporhan oh saporhan ihir wamara moh mong nita han orhe brer darhet ma hapat. Ihan dir orhe danong ham yan oh orhornong apripera sa dahatipri daham darhetipri.

Matyu 26:63

Potporhan Jisas oh kimirit mandangopri. Ihtiporhan Got ohe ap yawar hanat bok han ire duupteinap han oh Gin go Got ohe brer darhetipra ma ritip brer Krais oh goda. Gohanoh Dawa. Noh Got ohe nadarhetipra ma ritip brer Krais oh nohmur rim Got dipwi pat han ohe winnong rim awam tuketinmur. Go wan hanhanhe Go Noh wan hanmur rim awam tuketinmur pongopri.

Matyu 28:18

Ihtiperhan oh nure duupnong apris nuhurnong At oh kakdah mong erer mohsi; aw tei mahat ohe erer ohsi norhe hrepnongwi mar papindin ohe kasip inasi nahat napapatin noh norhe hrepnongwi mar papatmur.

Matyu 3:17

Tongnotporhan mahatdapat meng tit Jisas go norhe bopor nahat napapat brermuro. Gwe ma ihat sapat oh norhor da yah ham amam nahat patmuro gipor hangopri.

Mak oh yah meng ma brak matip meng oh 1:1

Jisas oh Got ohe brermur. Ama Got ohe brer Jisas ohe ma yah hat sasuh oh propet Aisaia ohe ritporhan ma brak matip meng ohri arpin dam timdipmur.

Mak oh yah meng ma brak matip meng oh 12:6

Imatwi ihaptin gahan kom pepe oh Norhe mon bopor mat pat brer moh ohe danong ham ohe meng amratiprohewa daham darhetipri.

Mak oh yah meng ma brak matip meng oh 12:7

Darhetporhan oh saporhan ru wamat pati han ihir wamara Moh ru nita han ohe mon moh kaput mong pan moh oh datiprahe. Ihan dir kaput mong pan moh dir datiprimur. Ihan mon moh dir sutiprohemur goshapti

Jon oh yah meng ma brak matip ohe meng oh 1:10

Ama han orhor mong moh darpama mong teinong wandas patesuhmur. Orhe darpatip mong tei moh wandas patesuh orhora; kakdah mama pateshe erer ihir ohnong hanhan hat pateshemur.

Jon oh yah meng ma brak matip ohe meng oh 1:14

Ama da meng namgitin han oh Got ohsi patdapat kakdah wandasa hanip ina hapat kakdah indipmur. Kakdah ma indip oh Got oh Noh norhe brer tit hanwi moh orhe boknong bapkei mar has dasi matpora daham orhe boknong hassi mat orhorwi papatin dir wamara Moh Got orhe arpin has ohsi mat papat ma hapat daham dir am haptimur.

Jon oh yah meng ma brak matip ohe meng oh 1:3

Ama da meng namgitin han oh erer oh gonsi nasaro hanip dirnong namanheo nahatipmur. Erer moh wan han ohhe ti na nadarpatipmur. Orhorwi nadarpatipmur.

Jon oh yah meng ma brak matip ohe meng oh 13:3

Den daptin Jisas oh Noh rih at Got orhe pat teidapat apdap ma hapat. Aprisa erer oh at oh norhe kasip hrepnong namtiporhan norhe kasip hrepnong mar papat ma hapat. Gin noh mama kakdah mong moh mandam it at orhe pat teinong son kakduup hah ma hapat dahama den dapatdapat tandeima orhe tei ohe watah oh daphot sara tahor tit dara bok mutuh moh parpar tahangop.

Jon oh yah meng ma brak matip ohe meng oh 13:32

At orhe armi has da oh mon norhe boknong mat napapat ohoh ihan norhe armi has da oh orhor norhe boknongwi mar pitap na matin hatinda. Basra. Gin kapkap orhor nohe boknong mar pitap matiprohmur.

Jon oh yah meng ma brak matip ohe meng oh 15:15

Duuptei han ire da oh iraire atamreipti han ihir am hat patida. Ihir hanhan hat patimur. Amaru gur nohe natamreipti han hatin hat patineng nohe ma ihpat da oh gurnong na naporpatnengmur. Gur norhe yah han hat pati ohoh ihan noh at ohe naporpat meng oh gonsi gurnong naporpatmur.

Jon oh yah meng ma brak matip ohe meng oh 16:15

At ohe erer oh norhe gonsi ohoh ihan nohdapat ohnong potporhan oh arpin aprisa gurnong meng oh am nahapramur napongop.

Jon oh yah meng ma brak matip ohe meng oh 3:16

Got oh kakdah han gurnong ruumsan bopor nahat napapat ohoh ihan oh Norhe brer tit pokwi oh ire gwemat adarhetporhan ihir Ohwi inahatin hatin hanwa dahayahanoh ama ihat dahaya han ihir na hapura nohsi eimat yah hat paten dasi hat patepriwa daham gure gwemat orhe brer tit pokwi nohnong nadarhetipmur.

Jon oh yah meng ma brak matip ohe meng oh 3:25

Tom patir patin gahan kat kuuhan ihir iraire pohon tom gahtahapti mengnong mandam Jisas ohe danong hatperhan Jon orhorsi ma pati han ihirsi; Juda han titsi ihir ama pohon tom gahtahapti meng ama sakarap goshatpa oh.

Jon oh yah meng ma brak matip ohe meng oh 5:26

Paten ohe da duuptei darpatin oh Got orhe bok patin nohnonghe ihtin da nahatporhan noh ihtin dasi hat pat ohoh ihan nuhut pokwi paten da ohe duuptei hat patimur.

Jon oh yah meng ma brak matip ohe meng oh 5:27

Inahat ma napapat at oh Gin go Hanip Brer ohoh ihan ihirnong Moh er hanhe. Moh yah hanhe por satinmur napotporhan noh arpin nasapat hanmur.

Jon oh yah meng ma brak matip ohe meng oh 9:29

Nuhur Moses ohnong Got ohe meng porisuh hanmur dahat patimura; ama han ohnong nuhur de hano rim hanhan hat patimur por kin kwi hat patesuh han ohnong dasei meng por ama imtipa oh.

Aposer 10:36

Got oh Isrer nuhurnong yah meng ma napotip meng oh Gur dahat patimur. Ama napotip oh Gure Hanipyah Jisas oh gure titwimur. Ama tit han orhe dap teimdapatwi manap gosat paten ohe da meng oh tarpat apripatmur napotipmur.

Aposer 2:17

Got oh Noh mong erer ma timbas hatipra kakduup hah tei oh norhe Yahsup oh kuuhan gonsi ihirnong nitat mar apripramur. Apriporhan gure kuunango wanango ihir norhe meng oh pitap teinong mar riprimur. Ihaptin kopen han ihirnonghe norhe ihat pat da oh ire kinteinong pitap matporhan ihir wamar am haprimur. Gure aranir ihirnonghe norhe ihat pat da oh kinpitap mandap ihirnong pinggitporhan ihir am haprimur.

Rom ihirnong Por oh brak atip ohe meng oh 1:4

Ma tarpatipra oh yahnap hat paten danong oh Moh Got orhe brer ma hapat dahat paten ohe da oh Got orhe kasip oh ohe boknong pitap mara namgitipramur. Imat ma namgitipra oh orhe kasip ohsi mon ohnong pamsaporhan arpin orhe mon ohnong imat pamsa ma hapat dahatiprimur rim brak matpamur. Imat rim ohe boknong mar ma brak matpa oh diradire Hanipyah Jisas Krais orhe bok oh dam timama dam tarpatipmur.

Rom ihirnong Por oh brak atip ohe meng oh 8:17

Dir Got orhe brer hat pati ohoh ihan orhe nat pat erer oh orhe brer Krais orhe darpatru mat orhorwi orhorsi taman titwi datiprimur. Orhe batbet ma datipru mat dariyahanoh ama imat dariya han bap dir has yahnap da oh orhorsi taman tap mat datiprimur.

1 Korin 2:7

Got orhe dakuu yah meng ma naporpat oh rih orhor mong na darpat patin orhor Kaput noh ihirnong mimat yah da apris pitap matiprawa daham reman paptesuh dakuu meng orhor naporpatmur.

1 Korin 8:6

Diradire napapat Got oh tit han pokwi diradire At Got oh pokwi patmur. Ihat ma pat Got orhor erer moh gonsi darpatip Got orhorwimur. Dir ama ihat pat Got orhewimur. Dire Hanipyah ma pat hanhe Jisas Krais orhor pokwimur. Ama Hanipyah hat pat han orhe bes teinongwi mara erer oh darpatipmur. Ama ihat Hanipyah hat pat han orhor dirnonghe ihat paten dasi nahat napapatmur.

Garesia 4:4

Ihat patin gahan Got oh Noh adik darhetiprawa ma dahatip dik oh hatporhan arpin orhe brernong darhetipmur. Darhetporhan kuu uh brer ake hama itipmur. Itporhan Juda ire sawa meng hrepnong ham amrat patesuhmur.

Epesas 3:9

Pot ma pisasipra ohe da meng oh mamaru hat patmur. Erer darpatip han norhe imtiprawa daham rih orhor reman apaptesuhru papat da moh kuuhan gonsi ihirnong norhe dahapat da meng moh por am mat pisashenmur. Imat por am mat pisapatin ihirhe ameng oh dahama am hapti Got orhe damdapat Noh imat ihirnong pinggitiprawa gidaham reman paptesuh da oh gin pitap teinong mar mama namgipat ma hapat daham sa am hapri daham imat meng pot pisashen han kis nahat napapatmur.

Hibru 1:5

Itap oh orhorwi tandaptuhut pat hanmur daham meng potporhan ma brak matpa meng oh mamaru hat patmur. Go Got norhe monmur. Ire kintei moh norhe erer gon oh gorhor pokwimur datiprao rim gin noh mameng moh napormur. potporhan brak matpamur. Tit meng orhe boknong potporhan ma brak matpa oh mamaru hat patmur. Noh orhe itap hat patepramur. Oh norhe brer hat patepramur. gipotporhan brak matpamur. Ama ihtin meng oh enser ire boknong matporhan brak matpada. Basra. Orhe mon orhe boknongwi mar meng potip ohoh ihan orhorwi tandaptuhut pat hanmur.

Hibru 1:8

Mon ohe boknong potporhan ma brak matpa meng oh ihtin meng ti na potipmur. Ohnong oh mamaru mat potipmur. Got gorhor kakhan ham ihirnong ma papat oh papatru eimat paptepramur. Papatru ma paptepra oh duung dasi hat orhor paptepramur.

Hibru 11:3

Dir ihtin dasi hat ma pati ohe pe oh dir dahama Got orhe mengitip pe oh aw tan mong tan erer moh darpatip ma hapat. Dire ma na wandeipti han ohsi; dire wandeipti han erernong moh darpatip ma hapat daham am haptimur.

Hibru 2:3

Ama er yan ma darishe oh enser ire atem tei naporishe meng amkar mandatperhan er yan ma darishe ohmur. Gin oh tandaptuhut pat mon orhe namburpat meng moh namgim napotip meng moh isipnap meng ohoh ihan ama isipnap hat pat meng oh amkar mandayahanoh atnap er yan isip dariprimur. Ama namburpat meng oh kopenat Hanipyah orhor duup mar napotporhan ma amraya han ihir amram dam timam yah hat saperhan wamar Moh arpin menghe daham am hashemur.

Hibru 3:6

Moses oh be han hat patim atamreisuh hanmura; Krais orhe ma tamreipatnong oh ap nita han orhe brer hat patim orhe atamreindinnong oh pomar yah mat orhorwi atamrein sapat hanmur. Orhe ap hatin hat ma pati han bap diroh mama mihat pati bap dirmur. Dire Orhorwi inahatiprawa daham amam hat ma minhan pati da oh na gapa ham kasip hat orhorwi papayahan ama han dir orhe ap hatin hat pati bap dirmur.

Hibru 4:14

Dire hanat bok han duuptei han hat ma pat han oh Got orhe mon Jisas orhormur. Oh aw teinong rus aw tei mahat ma pat oh orhor tandaptuhutin han hat pat ohoh ihan guragure Oh inahatin hatin hanwa daham ma rit sapti da oh mandapri. Kasip hat orhorwi marin paptenmur.

Hibru 5:8

Oh Got orhe brer hat patesuh orhor itap ohe meng amram dindeipatdapat orhe boknong batbet datipmur. Darpat ama batbet dar ohe pe oh itap orhe meng amram pomat dimtin ohe da oh pomat am hatipmur. Am hama itap ohe danong dimtin ohe da oh na hatip hama yah mat orhorwi dimtipmur.

Hibru 7:28

Rihohe hanat bok duuptei han ihirnong ma kis deishe oh Moses ohe sawa meng amrama gapa han bap ihirnong kis deishemur. Gin dire hanat bok duuptei han ma hat pat oh Got orhor orhe brer ohnong Eimat yahnap hat orhor patru patepranap hanmur rim awam tuker eimat yahnap napapten hanat bok han matipmur. Awam tuker kopenohe hanat bok han ma matip ohe meng oh pohon sawa ohe meng ohe tapnong hat na patema ohe komdapat rit natipmur.

Hibru 7:3

Ama ihat patesuh han ohe ropiro supiro itapiro ire winhe dir hanhan hat patimur. Orhe itpa ohe diko haputip ohe diko oh dir hanhan hat patimur. Hanhan hat pati ohoh ihan oh hanat bok han hat ma pat oh Got orhe brer eimat ma patru hat pat han hatin hat patesuhru pat ma hapat dahaptimur.

Hibru 9:26

Krais oh Noh tit dah pokwi heim duker moh na yah hatiproh daham dire gwemat heim oh dipwi dukerpatneng batbet oh mong na darpa tei orhor batbet tit tit mat darpatru darpatnengmur. Tit dah pokwi heim dukerhan yah hatiprohwa dahatip ohoh ihan mama pati dik moh timbas hatin kakduup hah tei wandasa dire gwemat hapurpat orhe heim ohsi tit dahwi ma tanduketip oh dire er danong eimatnap timbas matipmur.

1 Pita 1:20

Ma namohotip oh Got oh rih orhor aw tan mong tan moh na darpat patin orhor Got oh kaput Krais oh ihat hapura orhe heim ohsi imat amohotipramur daham mamen mat paptesuhmur. Mamen mat papatdapat gahan gurnong napanggeitinmat pitap ham namohom haputipmur.

2 Pita 3:3

Ire ma naporipti meng oh mohnongri dahenmur. Gin mama pepe dik pati morhor dasei meng naporin han ihir iraire ina teimdapat ti da ti da oh pramat pisapat ohe hrepdapat hat patimdapat aprisiprimur. Ihat aprisa Jisas ohe boknong mar gurnongsi dasei meng naporiprimur.

Jut ohe brak mat atip ohe meng oh 1:18

Ma napotpa meng oh mamarumur. Pepe dik ma kakduup hah tei oh Got ohnong kom asar iraire er hat son ohe danongwi hat sapti han bap ihir aprisa ti dasei meng ti dasei meng oh Got orhe boknongwi mar dasuh nahat apriprimur napotpamur.