Garesia 5:10 - Oksapmin

¹⁰ Gur ihat dahat pati orhor nohe da oh Diradir Krais ohsi tap hat pati han bap dir ohoh ihan nohe ma dahapat da hatin hat orhor gurhe ihat dahat patepri ma hapat. Wan da na hatipri ma hapat dahapatmur. Ama da ban nahapat han ohnong oh orhe gurnong ma da ban nahapat ohe pe oh orhornong wamtipra ma hapat dahapatmur. Ama han oh sa winsi han hat pathanhe gurnong ma da ban nahapat ohe pe oh orhornong pe wamtipramur.

Garesia 5:10 ပူးပေါင်းရင်းမြစ်များ

Garesia 5:12

Gure danong naban deipti han ihir eit watah gatmatina naporipti ohe pe oh ihan iraire tangges gwehe hwet ha mandatingwemur.

Piripai 3:15

Krais ohe danong hatin ohe da oh hanipyah diradire dahapti da hatin ma dahapti guroh Ohe ma ihat dahapat da moh hatinwi hat dirhe dahatpera dahatwi sashenmur. Gur nohe ihat sapat danong moh na hatiprohewa dahayahanhe Got ohdapat Por ohe ihpat da moh yahmur napor sa namgipra.

Garesia 1:7

Gur wan mengnong amram ma dindeipti oh Oh yah meng napanggeitin menghe daham dindeipti orhor na napanggeitin mengnong dindeiptimur. Ihir Krais ohe yah meng ohe boknong oh na napanggeitin er meng oh dip mar yah mengnong er mar gurnong da ban naham er mat naporiptimur.

2 Korin 2:3

Norhor gure patinong na aprisa brakwi gurnong natirmur. Brak mat ma natir oh noh gure pati kat apirhanoh norhornong amam da napin han gurdapat norhornong da er naham ina ruumsup napriprikin daham na apdormur. Na aprisa mengwi brak mat natirmur. Gur norhornong amam da napin han gur ohoh ihan gur Nuhur Por ohhe amam hat pathanoh nuhurhe amam haptimur gur ihat dahat pati ma hapat dahapatmur.

1 Timoti 1:20

Ihat ma pati han yot ihitoh Haimeniassi; Areksanda ihitmur. Ihit ihat sus Got ohe danong hat pati da oh mandatperhan noh Ihit ite Got ohnong dasei deipti ohe da oh am ham ha mandatingwe rim noh ihitnong Gut Got ohe nita maire tap na indiprohemur pora itarhe teinong mara Satan ohe bes teinong mat papatmur.

Garesia 6:17

Ihir nohnong Jisas ohe hanmur napor ruumsup naham ma nitpa ohe si oh pat ohoh ihan gur nohnong it si teinong moh niya hatin naham ruumsup naprisipri.

Garesia 4:17

Kat han ihir apris gurnong ambar meng ma naporipti oh Nure danongwi ha hatingwe. Hapti Por ohnong mandama nure danongwi hat ha patengwe rima gurnong ginaporiptimur. Ama ihat ginaporipti bap ihiroh gure danong haya hatin ham naporipti orhor gure danongwi hat patim na ginaporiptimur.

Garesia 3:1

Noh Jisas Krais ohe nambutinmat ma irat bok sur gartahatip ohe meng oh Garesia mong ma pati gurnong pomat napotipmur. Pomat napotporhan gur amram am hat pati orhor gin gure ma da ban tahaya moh nih da ban meng naporit da ban tahayao. Gur da timbas hat patim da ban tahayamur.

Garesia 2:6

Got ohe atamreipti winsi han ihirdapathe nohnong Gwe Krais ohe meng pot ma pisapat mohsi; dire pohon meng mohsi yot mar pot pisonmur na napotpamur. Got oh Moh winsi hanhe. Moh win timbas hanhe ihat na dahapatmur. Amaru hat orhor noh Moh winsi han ohe meng moh amratpora. Win timbas han ohe meng moh noh na amratpora na dahapatmur.

Garesia 2:4

Ihtin orhor kat Juda dasuh han bap ihir ahar nure mutuhnong hatpamur. Nure mutuhnong hama Gin dir maire pohon sawa mengnong mandama Krais ohe tapnong hat ma pati ohe pe oh nang tarpit wandas gin dir be yah hat patimur ma ripti moh dir gin kinheit sara wamat inpera. Wamat patin diradire pohon ma ripti meng moh na riyahanoh it pohon sawa hrepnong orhor matiprohemur daham da nadason mar wanahat inpamur. Wanahat patim Taitas ohnong wandeipti Gin go eit watah gatmatina napotpamur. Ma napotpa oh it nang natpatinmat ginapotpamur.

2 Korin 10:6

Indeipti gin gur nure meng moh gonsi dimtin ina ha hatingwe rim daham wanahat napaptimur. Napaptin gur nure mengnongwi amram dimtin ina hat patin komdapat tit han tit na dimtin ina hahhanoh noh apris ama han ohnong da adason mar pomtinmat batbet apripramur.

1 Korin 5:5

Gur Nuhur mama han ohnong Satan ohe bes teinong matper. Deiyarit Satan oh da adason mar ohe boknong batbet apriporhan oh Nohnong er teinong moh nahat napapatin noh batbet moh darpat sa daham Gin norhe er hat pat da moh mandatpora daham ha mandatinohmur. Mandatporhan diradire Hanipyah ohe apris dahanaham nasatipra dik oh ama ihat pat han ohnongsi diradirnong tap mat sa nambutipra daham imat mandatinmur.

Aposer 15:24

Nuhur amrayaoh Nuranur kat han ihir iraire da orhor gure patinong apris gurnong ruumsup naham gure danong er nahatin ohe meng oh naporiptimur ritperhan nuhur amratirimur.

Pirimon 1:21

Nohe ma napor meng moh go amram arpin imtiprawa. Indeipat gorhe dahe ohnong da apin ohe da ohsi isip mar ambutipra ma hapat daham noh mama brak mat nasar ohmur.

2 Tesaronaika 3:4

Gur diradire Hanipyah ohsi tap hat pati ohoh ihan nure ma napotiri sawa meng oh gur amram dindeipti ma hapat. Gin ma naporiya sawa meng mohhe amram dimat orhor paptepri ma hapat dahaptimur.

Garesia 4:20

Noh gur ihat saptio rim noh ina ruumsupsi ham da dokdok sarpatmur. Da dokdok sara inahatin meng hatin mama napor moh noh apris diradir tap tei patim orhor ahar yah meng tei orhor napotiprohnengo dahapatmur.

Garesia 4:11

Gur imat ma dindeipti moh nohe ma naporpat meng moh be gurnong na napanggeitin meng hatin deiptio rim noh da ruumsup hapatmur.

2 Korin 13:10

Hanipyah ohe kasip nohnong ma napin pat kasip oh gurnong eimat er nahatin ohe kasip basmur. Gurnong da nadason matporhan da yah hat ha songwerim ohe kasip oh napin patmur. Ama kasip ohsi noh apris gurnong ha ruumsup nahatipra. Ihan noh na apin patin orhor meng mohri nabrak mar nadarhetpor. Nadarhetporhan gur sama pomta tei noh apriprawa daham meng ohri mama nadarher ohmur.

2 Korin 10:2

Kat han ihir Por oh kakdah mohe danong hat patim ihat sapat hanmur ma naporipti han ihirnong oh noh apris kasip mengtei potin ina hat patmur. Noh kasip mengtei gurnong inahatiprarim ihan guragure da oh pomtinmur.

2 Korin 8:22

Diradire taptem han tit ma Taitas ohsi darhetiprohe han oh nuhur dipwi ohnong Kis matperhan oh na garhama dipwi pan hat orhorwi tamrein sapat han ohmur. Ama han ohnong Go son hatinda nuhur potperhan oh Yahwa. Ihir hanip panggeitin dasi hat pati han bap ohoh ihan noh pan isipnap hahmur. Saprohmur napotporhan nuhur mama darhetper ihya ohmur.

2 Korin 7:16

Gur Taitas ohe meng oh imat ma amratiri oh Hanipyah orhe menghe imat orhorwi amram patepri ma hapat daham noh amam hat patmur.

2 Korin 5:16

Gin Got ohe danongwi ma hat pati bap diroh kakdah han ire ina teimdapatwi wamar Moh er hanhe moh yah hanhe por ma saptiru hat hanipnong na saptimur. Rih Krais ohe inanonghe wamara Oh mihat sapat han ma hapat por imat orhor sashemur. Gin ma patinong mohri ohnong imat na saptimur.

2 Korin 2:6

Ama er hatir han ohnong kat gurdapat orhe san hatir pe batbet apris da adason mat papti oh yahwa. Ginri kimur.

2 Korin 1:15

Gur ihat norhornong armi nahatin da nahat napateprio rim noh yot dah gure patinong apripra dahatipmur. Ama yot dah apripra dik oh gurhe yot dah sa amam hatipri dahatipmur. Yot dah sapra ma dahatip oh Masedonia mongnong sonmat akat sapramur. Susa it handapat ma apripra oh Judia mongnong son mandap oh ti ha napanggeitingwe rim it akat orhor apripramur dahatipmur.

Garesia 5:7

Gur Krais ohwi inahatin hatin hanwa dahat sapti da oh yah hat saptin gahan nih apris gure arpin meng amraptinong oh nagatmatir.