Garesia 4:4 - Oksapmin

⁴ Ihat patin gahan Got oh Noh adik darhetiprawa ma dahatip dik oh hatporhan arpin orhe brernong darhetipmur. Darhetporhan kuu uh brer ake hama itipmur. Itporhan Juda ire sawa meng hrepnong ham amrat patesuhmur.

Garesia 4:4 ပူးပေါင်းရင်းမြစ်များ

Matyu 1:23

Ma brak matip oh Kaput kuu horhor tit be bokdus ake hama brer mon itipramuro. Itporhan winhe Emanuer oh potipramuro rim ma brak matip meng oh dam timdipmur. Emanuer ma porishe oh Got oh dirsi tap hat pat hanmur porishemur.

Matyu 3:15

Potporhan Jisas oh Es. Norhe ma dahapatru nahatina. Nahatporhan Got orhe Ihir ihat ha songwe dahapat mandapnong dimtiprohemuro. Ihyahan yahmuro pongopri. Potporhan Jon oh amrama tom patitipri.

Matyu 5:17

Jisas oh porpat ihirnong Gur nohnong Oh Got ohe meng porishe han ire mengo Moses ohe sawa mengo oh amkar mandatinmat apirhe dahapri. Basra. Noh ama ohe pe asoh dam ha timdinohrim apirmur.

Mak oh yah meng ma brak matip meng oh 1:15

Pot ma pihip oh Gin Got orhe mengtei napapindin oh kakduup hah ohoh ihan gure er hat sapti da oh kom asar mandama da tamburketinmuro. Tamburkera Got orhe yah meng naporpat meng moh arpin meng napor ma hapat dahat patenmuro ponipatri.

Ruk oh yah meng ma brak matip ohe meng oh 1:31

Orhor inahat napapat ohoh ihan go brer ake hama brer mon tit itiprari. Sarpat brer ohe winhe Jisas potinri.

Ruk oh yah meng ma brak matip ohe meng oh 1:35

Potporhan enser oh Es. Got ohe Yahsup oh gwe mutuhnong hatporhan putei mahat ma pat Got ohe kasip oh gonong gianahatipramur. Gianahatporhan ama ohe kasip ohe pe oh brer tarpatipramur. Tarpama go itipramur. Gwe ma itipra brer oh yahnap han ongeng tahat orhorwi patin ihir wamara moh Got orhe brer monmur porin brer itipramur.

Ruk oh yah meng ma brak matip ohe meng oh 2:7

duuptei brer mon ama itip oh. Hanip ire ma timapti ap oh hanip bokota tei ohoh uh brer oh burmakau ire timapti ap ama itip oh. Sarpat watah tansi parpar mara burmakau ire den asaripti dah oh ama itip oh.

Ruk oh yah meng ma brak matip ohe meng oh 20:44

Depit orhor imat Krais ohnong Norhe Hanipyahmur ma potip oh ohri hat pat hano rim Norhe Hanipyahmur potipmur. Ihan gin kinhat it orhe puh hatporhan oh Depit ohe puhmur potiprohe pongopri.

Jon oh yah meng ma brak matip ohe meng oh 1:14

Ama da meng namgitin han oh Got ohsi patdapat kakdah wandasa hanip ina hapat kakdah indipmur. Kakdah ma indip oh Got oh Noh norhe brer tit hanwi moh orhe boknong bapkei mar has dasi matpora daham orhe boknong hassi mat orhorwi papatin dir wamara Moh Got orhe arpin has ohsi mat papat ma hapat daham dir am haptimur.

Jon oh yah meng ma brak matip ohe meng oh 3:16

Got oh kakdah han gurnong ruumsan bopor nahat napapat ohoh ihan oh Norhe brer tit pokwi oh ire gwemat adarhetporhan ihir Ohwi inahatin hatin hanwa dahayahanoh ama ihat dahaya han ihir na hapura nohsi eimat yah hat paten dasi hat patepriwa daham gure gwemat orhe brer tit pokwi nohnong nadarhetipmur.

Jon oh yah meng ma brak matip ohe meng oh 6:38

Noh aw teidapat wandasa norhe dahapat dawi hatinmat na wanhupmur. Nohnong ma nadarhetip han at ohe dahapat danong ohwi noh dimtipora daham wanhup ohoh ihan norhe han ma nahapat han gurnong oh noh baso na naporpatmur.

Jon oh yah meng ma brak matip ohe meng oh 8:42

Potperhan oh Noh Got ohsi tap hat patdapat orhor apdapmur. Ma apdap oh noh norhe da orhor apripora daham na apdapmur. Got orhor nadarherit apdapmur. Ihat apdap ohoh ihan gure ita oh arpin Got ohneng nohnonghe Got oh darhetip han ma hapat daham bopor nahaptinengmur.

Aposer 1:7

Dahamtiperhan oh Gur Got orhe ma imtipra dik oh gur hanhan hat patimur. At orhorwi orhe hrepnong mat papat ohoh ihan orhorwi am hat patmur.

Rom ihirnong Por oh brak atip ohe meng oh 1:3

Ama imat brak mat sarishe oh Got orhe mon diradire nambutin han Hanipyah Jisas Krais orhe boknong mar brak deishemur. Ma brak deishe oh Oh kakdah mama hanip brer ham ma tarpatipra oh Depit ohe puh ire bok oh tarpatipramur.

Rom ihirnong Por oh brak atip ohe meng oh 15:8

Krais orhe apris ma ihat sasuh oh Juda hat pati bap nuhurnong napanggeitin han oh aprisa rih ma awher ihirnong Got ohe rit asarisuh mengnong arpin meng mar dam matinmat apdapmur.

Rom ihirnong Por oh brak atip ohe meng oh 5:6

Got orhe damdapat bopor nahat napapat danong ma namgitip oh dir gapa ham ohnong dahatin mandap oh timbasnap hat patin Got orhor Noh Kaput ihir ihat patin noh ihirnong panggeitinmat darhetiprawa dahatip dik oh hatporhan arpin orhe mon ohnong darhetporhan oh apris dire gwemat haputipmur.

Rom ihirnong Por oh brak atip ohe meng oh 8:3

Dire boknong nahatin meng timbas hat ma pati moh diradire kasip ohsi ihat na patimur. Ina teimdapat er da tarpam pranahat napisapat ohe kasip oh Got ohe sawa mengnong amram dimtin danong oh gapa nahat napapat ohoh ihan dir kinmat diradire kasip ohsi dimtiperhan dire boknong nahatin meng timbas hatiproh. Ihtin kasip oh diradir timbasmur. Got orhorwi ihtin kasipsi han ohoh inahapatmur. Ma inahapat oh orhe mon Krais orhornong darhetipmur. Darhetporhan oh er hat sapti han dire ina ham dire gwemat apdapmur. Ihat apriporhan itap orhor er hat sapti han dire batbet er nang oh orhe boknong mara dire bat gwe han mar sutipmur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.

Korosi 2:14

Dire er hat sapti ohe pe yan oh it yansi na naham hanhan mar ma namdatip oh dire boknong Kaput gur er yan datiprimur napor dire boknong mar ma brak mat itip meng braknong oh amkara natimbas matipmur. Ama brak oh amkar ma natimbas matip oh Krais orhe sur garmatpa irat bok andeh sur garmar ha su hatin mara eimatnap sum natimbas matipmur.

1 Timoti 2:6

Ama ihat mutuh han ham napapat han orhor orhe danong na ham Noh ire er hat sapti ohe yan oh norhe boknongwi mar haputpora daham gonsi dire kakhan ham haputipmur. Ihat ma haputip oh Got oh Noh hanip bap gonsi ihirnong ambutipraneng ma dahat pat da moh ama dik oh imat pinggitiprawa ma dahatip dik oh pitap teinong mar dirnong namgitipmur.

1 Timoti 3:16

Ama dire yah hat paten arpin meng nareman papat meng oh Got oh pitap teinong matir meng moh wanohe arpin meng yahnap meng tit ma hapat daham mama ga ripti meng hatin mat ripti ohmur. Krais oh hanip hapat pitap hatipmura; pitap hatipmura. Pitap hapat orhe ongeng tahat yah hat sapatin Got ohe Yahsup oh orhe yah hat ma sapatnong oh namgitipmura; namgitipmura. Enser ihir wandeishemura; wandeishemura. Orhe meng oh aw pe mong pe han gonsi pot pisaperhan ihir amram arpin ohwi inahatin hatin hanhe dahashemura; dahashemura. Dahatperhan Got oh orhe yahnap teinong pihipmura; pihipmura. rim mama ga oh ripti ohmur.

Hibru 2:14

Jisas oh Got ohe nohnong napripat brer ihirsi; nuhur tap hat mama pati ohmur ma ritip oh hanip ina hat pati bap dirnong ginapotipmur. Ma ginapotip oh Ihir hanip ina hat patina Satan oh ihirnong haputin ohe kasip ohsi ambapte mat papat ma hapat. Ihan noh hanip watah inasi hapat hapura Satan ohe ihirnong haputin inasi mat papat kasipnong moh noh atimbas matpora.

Hibru 9:10

Got oh Gur ihat den dayao tom dayao bes tom gahdeiyao hat patenmur potporhan ire ma ihat pateshe oh be ina teimdapat yah tahat paten ohe danong hat ha patengwe rim gipotip ma hapat. Da mutuhnong eimat na yah tahatin ohe danong ham ihashe ma hapat. Ama meng ohe hrepdapat hat patin kopenohe dik natip meng oh Krais orhe boknong mar pitap teinong matip ma hapat daham am haptimur.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

1 Jon 4:2

Gur Maihir arpin Got orhe Yahsup ohe mengtei naporiptida da dasuh meng naporipti daham am hatpera dahayahanhe mihat dahenmur. Ama meng naporipti han bap ihir Jisas Krais oh arpin Got orhe patdapat wandas hanip diradir hatipmur girit mengripti ihir arpin Got orhe Yahsup ohsi patim meng naporipti ma hapat dahenmur.