Garesia 4:21 - Oksapmin

²¹ Gur Jisas ohwi inahatin hatin hanwa dahapti orhor gur Nuhur sawa meng hrepnong hat patepriwa dahaptimur. Ihat dahapti han gur ama sawa mengnong oh pomat sama na dahaptida.

Garesia 4:21 ပူးပေါင်းရင်းမြစ်များ

Garesia 3:10

Ma brak matpa mengnong moh dahenmur. Gur sawa brak meng oh gonsi amranmur. Amrama tit meng tit na daham mandayahanoh ama ihya han gurnong oh Got oh heisup nahat napapatmur por brak matpamur. Ihtin ohoh ihan Noh sawa meng oh gonsi dimtipora. Dimtiporhan ama ohe pe oh Got oh nohnong Go yah hat pat hana napotiprawa ma dahapti guroh meng gonsi na dimtin ina hat pati ohoh ihan ama imat gonsi sawa mengnong na dindeipti ohe pe oh Got oh heisup nahat napapatmur.

Rom ihirnong Por oh brak atip ohe meng oh 3:19

Dir dahat patimur. Got oh ritporhan ma brak matpa meng oh ama sawa meng ohe hrepnong hat pati han dire boknong naham ritporhan brak matpa ma hapat dahaptimur. Ihtin ohoh ihan Got oh kuuhan bap mong mong ma pati bap gonsi dirnong Gur er hat pati bapmur ma naporpat oh dir tit han tit Nohri yahnap hanmur ritin ina hat patda. Basra. Eimat timbasnap na ritin ina hat patimur.

Garesia 4:9

Gin ma patinong oh Got orhe brer hat patimur. Got orhe brer hat ma pati oh guragure da orhor orhe brer haptida. Basra. Got orhordapat orhe brer nahat napapatin orhe brer hat patimur. Ihat pati ohoh ihan gur nuhur kakdah sawa meng hrepnong hama amram dimtiperhan Got oh Go sawa mengnong dindeipat ohoh ihan go yah hanmur napotiprakin daham it sawa hrepnong hatperhan sawa meng it nang natpat ha napaptenoh daham ihaptida.

Rom ihirnong Por oh brak atip ohe meng oh 6:14

Gur sawa meng dindeipti ohe pe oh Gur yah han bapmur na napotin ohe hrepdapat hat na patimur. Got orhe damdapat Yah matpora daham ma yah nahapat ohe da hrepdapat hat pati ohoh ihan er da hrepnong na hatin ina hat patimur.

Jon oh yah meng ma brak matip ohe meng oh 15:25

Ihat ma heisup nahapti oh sawa meng ma brak matpa meng oh dam ha timdinoh rim nohnong inahaptimur. Ma brak matpa oh Ihir be bokdus ohnong be garmar imtiprimur rim brak matpa meng oh gin arpin tarpapatmur.

Jon oh yah meng ma brak matip ohe meng oh 12:34

Napotporhan ama tarmuriya kuuhan kat ihir Wa. Nure sawa meng ohra Got oh Dire namburin han darhetipramur ma ritip han oh dipwi pat hanmur riptin amraptimur. Oh dipwi pat han ohoh ihan go kuuhan ihir Hanip Brer ohnong irat bok sur garmar daptuhutiprimur ma ri oh Hanip Brer nihnong imtipriri por dahandeingopa.

Jon oh yah meng ma brak matip ohe meng oh 10:34

Potperhan oh Wa. Ranir ihirnong por ma brak matpa meng oh gur hanhan hat patida. Got ohdapat hanip ihirnong Gur got hat pati han bapmur potporhan brak matpamur.

Ruk oh yah meng ma brak matip ohe meng oh 16:29

Potporhan Epraham oh Es. Ohnong na darhetiprohmur. Ihirra Moseso propeto ire rim ma brak matpa meng oh pat basda. Ihan ihir ohnong sama ha dahengwemuro pongopri.

Mak oh yah meng ma brak matip meng oh 10:3

Por dahamtiperhan Jisas oh Moses ohe sawa oh kiano napotip pongopri.