Garesia 3:24 - Oksapmin

²⁴ Sawa oh ihat ma patesuh oh brer ihirnong sawa porpat han hatin hat patin Got oh Ihir ihat ha patengwe. Ihat patin Krais oh sa apripra. Oh apriporhan ohnong Ohwi inahatin hatin hanwa dahaya han ihirnongwi Gur norhe yah han bapmur potipramur daham sawa hrepnong mar paptesuhmur.

Garesia 3:24 ပူးပေါင်းရင်းမြစ်များ

Rom ihirnong Por oh brak atip ohe meng oh 10:4

Basra. Ama sawa mengnong dimtiperhan ama dindeiya ohe pe ma Gur yah han bapmur ma naporpatnong oh Krais orhor timbas matipmur. Imat ma timbas matip oh orhornong Orhorwi inahatin hatin hanwa ma dahaya han ihirnong Gur yah han bapmur ha porinoh rim imat timbas matipmur.

Garesia 2:16

Juda bap nuranur mama meng moh am hat patimur. Moses ohe sawa meng dindeiyahan ama dindeiya ohe pewi Got oh Gur yah hat pati han bapmur na naporpatmur. Jisas Krais oh arpin inahatin hatin hanwa dahayahanwi Got oh Gur yah hat pat han naporpatmur. Ihtin ohoh ihan nuhur pohon mengwi dindeiyahanoh Got oh Gur yah hat pati hanmur na naporpato rim nuhurnong Gur yah hat pati han bapmur ha napotinoh rim Jisas Krais ohwi inahatin hatin hanwa dahaptimur.

Korosi 2:17

Ire ma ihat rim dindeiptinong oh hanip apriya ohe danda hatin mat ma namgipti oh Krais orhe apris pat ohe dandanong oh dimar ihaptimur. Ihapti ohoh ihan gur ire mengnong amrapri. Nuhurri arpin Krais orhe danong ham hanip damnong ma dindeipti moh yah ma hapat dahatwi patenmur.

Garesia 2:19

Pohon sawa meng oh noh sama na napanggeitin ohe sawa meng hahhanoh noh mandas pora nohri haput pat han hatin ham na amrapatmur. Na amrama da pat han hatin ham ma amrapat oh Krais ohe mengnongwi amrapatmur.

Garesia 3:25

Imat Papatim gahan Krais ohwi inahatin hatin hanwa dahatin ohe da oh pitap teinong matporhan sawa meng ohe hrepnong nahat ma napapat sawa oh it orhe hrepnong na nahama orhor be patmur.

1 Korin 4:15

Gurnong Norhe bopor nahat napapat brer gurmur ma napor meng moh gurnong wanahat napapti han ihir trun trun patihanhe trun han ihir gurnong napapti orhora; gure napapat han ita oh tit han noh pokwimur. Noh Krais ohe yah meng oh napotporhan gur ama naporpat ohe pe oh Krais ohe tapnong hat patio rim ihan noh gure ita titwi hat patmur mama napor ohmur.

Rom ihirnong Por oh brak atip ohe meng oh 9:30

Dire mama riya mengnong moh dahama Mama mihat pat ma hapat dahaptimur. Juda na hat pati han bap ihir Got oh nuhurnong Gur yah han bapmur napotin ohe mandap oh na angdeishemur. Na angdeishe orhor ihir Krais orhorwi inahatin hatin hanwa dahat pati ohe pe oh Got orhordapat Gur yah han bapmur por papatmur.