Garesia 3:19 - Oksapmin19 Kathei sawa meng ohe pe oh Got oh yah mat na napripato rim ihan kianorim sawa meng moh natip dahayahanoh mohnong dahatinmur. Hanip ire Got ohe danong amkar er hat sapti da oh am hat ha patengwemur. Am hat ha patengwe rim sawa meng ohe hrepdapat hat ha patengwe. Ihat patin Epraham ohnong gwe puh ohnong yah matipra por ma rit atip han oh sa apripra daham sawa meng moh natip ma hapat dahenmur. Sawa meng ma natip oh mutuh han Moses oh patin Got oh orhe atamreipti han enser ihirnong potporhan ihirdapat mutuh han Moses ohnong potperhan Moses oh brak mar natipmur. အခန်းကိုကြည့်ပါ။ |
Noh kakdah moh wandasa ihirnong na pot patin ohe ma er hat saya ohe pe oh yansida. Ihir er hat sapti han bapmur potiproheda. Basra. Ihir hanhan hat patim ihat saya ohoh ihan na gipotiprohemur. Noh wandas porpatin orhor ma ihaptinong oh kinhat Nuhur hanhan hat patim ihaptimur ritiprohe. Ihat na ritin ina hat patimur.
Got orhe sawa meng hrepnong ham dimtipera ma dahapti ohe pe ohe dam ma timapat oh pomat na dimtin ina hat pati ohoh ihan Got orhe bopor heisup nahatin ohe dam ohwi timapatmur. Got orhe sawa meng moh na patneng na amkariptinengmur. Pat ohoh ihan amkatperhan dam ma timapat oh Got orhe bopor heisup dam oh timapatmur.
Amaru hat orhor Got oh Epraham ohnong rit asarisuhmur. Rit ma asarisuh oh tit oh Noh gorhe puh ohnong yah matipramur por rit atporhan ihir brak matpamur. Ma brak matpa oh gonsi puh ihirnong por na brak matpamur. Epraham ohnong Gorhe puh ohnongwimur por brak matpamur. Gorhe Puh ohnongwimur por ma brak matpa oh tit han Krais ohnongwi por brak matpamur.