Garesia 3:1 - Oksapmin

¹ Noh Jisas Krais ohe nambutinmat ma irat bok sur gartahatip ohe meng oh Garesia mong ma pati gurnong pomat napotipmur. Pomat napotporhan gur amram am hat pati orhor gin gure ma da ban tahaya moh nih da ban meng naporit da ban tahayao. Gur da timbas hat patim da ban tahayamur.

Garesia 3:1 ပူးပေါင်းရင်းမြစ်များ

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Matyu 7:26

Nohe meng amram orhor na dindeipti han gur nohe ma napotiproh han bap hatin hat pati bap gurmur. Ama han oh noh ap hatpora dahatipri. Dahama da timbas han ohoh tom dinin tei orhor tam gonoma bingbung ap tit hatipri.

Ruk oh yah meng ma brak matip ohe meng oh 24:25

Potperhan Jisas oh We. Da hut pati yot gut rih propet ire ma brak matpa meng oh sama Mohri arpin tarpatipra meng ma hapat kapkap na dahaptida.

Aposer 16:6

Gahan Got orhe Yahsup oh Poro ihirnong Gur nohe yah meng moh Esia mongnongri pot na pisaprohemur potporhan ihir arpin amongnong na susa Prigia mongo Garesia mongo ama mong ohe aptei apteinong oh meng pot pihipari.

Aposer 6:7

Gahan Jerusarem ap mutuh oh Got ohe meng oh nitat ap ap oh pot pisasheri. Imat pisaptin Got ohe meng amrapti han ihir trun han ham isip hat pipari. Be han ihirsi; Got orhe ap yawar hanat bok han kat han ihirsi Moh arpin meng ma hapat daham amrangopari. Ihama patesheri.

Rom ihirnong Por oh brak atip ohe meng oh 10:16

Got oh orhe yah meng pot pison han ihir darhetporhan pot pisapti orhor hanip ihirdapat kat ihir tit na dindeiptimur. Kat ire ma na dindeipti ohe meng oh Aisaia oh rih gipor brak matipmur. Ma brak matip oh mamaru hat patmur. Hanipyaha. Nure meng pot pisapti mengnong moh de ihir amrapti. Hanip ti na amraptimur. Uut han pok tit arpin menghe daham amraptimur rim brak matipmur.

Rom ihirnong Por oh brak atip ohe meng oh 2:8

Arpin yah danong moh mandam nuranure ina boknong daham armi tahat sasipera daham ma er hat sapti bap gurnonghe Got oh ama ihat sapti ohe pe oh orhe bopor heisup da oh tom ohe tan isipnap yohot gure boknong napripramur.

Rom ihirnong Por oh brak atip ohe meng oh 6:17

Gur rih ma pateshe oh er da ohe nang oh natpat pat hrepdapat hat patim ama ohe danong hat sashemur. Gin ma pati oh Got orhe meng oh napotperhan gur Mamengnong moh amram pomat dimtipera daham ohe hrepnong hat patim arpin amram dindeiptimur. Dimtipera dahaptin Got oh gure er nang natpat napapat hrepdapat narpit namdama duung dasi hat son ohe hrepnong naham nang natpat hatin nahat napapatmur. Gur ihat pati han bapo rim noh Got ohnong Got go wes imat ihirnong yah mat papato rim weso naporpatmur.

1 Korin 11:26

Ihtin den heim tom napdap ohoh ihan gur orhe danong ham ihtin den heim tom ma dapti oh Hanipyah orhe dire gwemat ma haputip ohe da oh pinggim ihaptimur. Ama ihtin da oh pinggit orhorwi patiru patina kaput ohe apripra dik oh sa hatipra.

1 Korin 2:2

Nohe gurnong meng napot ma indip oh Noh sus ire mutuh ma indipra oh wan danong na hatiprawa. Jisas Krais ohe irat bok sur garmatperhan haputip ohe danongwi hat patdapat pot indiprawa daham noh gure patinong apris napot indipmur.

2 Korin 10:5

Nure doho oh urkamar ros ma supti han oh tit oh sakarap goshapti dasuh mengnong suma timbas deiptimur. Tit oh iraire ina boknong armi tahat patim Got ohnong am hatin danong hatipririm agaheideipti danong oh suptimur. Imat suma kakdah mama patim ti da ti dahapti da oh gonsi dara Krais orhe hrepnongwi deiptimur.

2 Korin 11:3

Imat mihih nahat napapatin hasiap oh dasuh dakuu meng oh Ip uhnong por ma dasuh matipru gurnonghe inahatporhan gure Krais ohnong rum mutuh mat ma papti da oh mandam er matipri rim noh gurnong ake tom nahat napapatmur.

Garesia 1:2

Nohsi; Jisas ohe nita ihirsi nuhur mama brak mar Garesia aptei aptei sios gurnong mama nadarheriya ohmur.

Garesia 1:6

Got oh Jisas orhe damdapat yah matpora daham ma haputip ohe pe oh orhor gurnong namburpatmur. Imat ma namburpat danong oh gur kapkapwi mandama wan mengnong Moh yah menghe dahama dindeiptio rim noh da dokdok sarpatmur.

Garesia 2:14

Ihtiporhan noh wandeioh arpin Krais ohe meng mohwi na dimara it Juda ire pohon meng ohe hrepnong hatpor ihahrit noh sios ire kintei orhor Pita ohnong Pita go Juda orhor ire tapnong ham den ma dapat oh Juda ire pohon meng oh mandam ihpatmur. Mandam ihpat oh yahmur. Gwe ma ihpat oh Juda ihir hatin hat na patim ihpatmur. Be han ihir hatin hat patim ihpat oh yahmur. Ihat yah hat patdapat go gin Juda na hat pati han ihirnong Gur Juda ire tan hatinmur por pinggit pisapatda. Imat pinggit ma pisapat oh ermur pora noh imtipmur.

Garesia 3:3

Gure kopenat Got ohe nita ma hatpa oh orhe Yahsup ohe kasip ohsi ohe nita ham yah hat indirimur. Gin ama yah hat indiri danong mandama Nuranure ina tei ohe yah hat indin ohe kasip ohsi yah hat patiru pateprimur daham ihaptida. Gure ama ihat da hut sapti da ohri mandatinmur.

Garesia 4:9

Gin ma patinong oh Got orhe brer hat patimur. Got orhe brer hat ma pati oh guragure da orhor orhe brer haptida. Basra. Got orhordapat orhe brer nahat napapatin orhe brer hat patimur. Ihat pati ohoh ihan gur nuhur kakdah sawa meng hrepnong hama amram dimtiperhan Got oh Go sawa mengnong dindeipat ohoh ihan go yah hanmur napotiprakin daham it sawa hrepnong hatperhan sawa meng it nang natpat ha napaptenoh daham ihaptida.

Garesia 5:11

Nohe taptem gur dahatinmur. Nohnong Oh eit watah gatdeipti mengsi irat bok sur gartahatip ohe meng ohsi yot mat orhor mat porpatmur ma naporipti oh mohnong daham Oh imat na porpatin orhor ohnong be giporipti ma hapat dahenmur. Noh eit watah gatmatin ohe mengsi; irat bok sur gartahatip ohe mengsi yot mat porpatneng ihir nohnong heisup naham ina ruumsup oh nohe boknong na haptinengmur. Ihir nohnong ina ruumsup ma napripti oh Oh imat yot mat na porpat ohe pe oh orhornong ina ruumsup apripti ma hapat daham am henmur.

Epesas 3:8

Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.

Epesas 4:14

Hanip yah ham orhor hatin hama it brer gar ire dahapti da hatinhe na hapti ohe da ohmur. Brer gar ire dahapti da hatin hat ma pati han ihir mamaru hat dahat patimur. Dasuh han ihir aprisa manap mengtei dakuu meng hatin mat meng poriyao Moh arpin dakuu hanhe dahatin ohe da pinggiyao haptin ihir Arpin dakuu meng naporiya ma hapat daham ti meng ti mengnong oh ihir amram dindeiptimur. Ti meng ti mengnong amram dindeipti ihir tom hru tei ohe manduu kat ma inim oh mer mat pisao popiro deipat hatin hat patin pramar pisaya popriya mar papti han bap ihirmur.

Epesas 5:15

Gur has teinong hat pati han bap gur ohoh ihan da hut patim kwitem dus ohe da hatin hat pati han bap ire da hatin hat sasipri. Dakuu hat ma has teinong sapti han ire da hat saptiru hat orhorwi potahat sashenmur.

2 Tesaronaika 1:8

Ama inahatipra dik oh Got ohnong hanhan mar ihat sapti kuuhan bapo Hanipyah ohe yah mengnong kom asar mandapti kuuhan bapo ihirnong iraire er hat ma sapti ohe er yan oh apripramur.

1 Timoti 6:4

Ama ihat yah mengnong amkar ihat sapti han bap ihiroh Nuhurwi ihat am hat pati han bapmur daham ihat sapti orhor ihir damdapat hut patin oh ina temdapatwi ihat daham tohormi tahat sapti han bap ihirmur. Ama ihat sapti han bap ihir duuptei ripti meng oh patin orhora; iraire damdapat sakarap goshatper daham sakarap goshaptinong oh isip hat saptimur. Ihat sakarap goshat sapti ohe pe oh er da tarpam isip hat sapatmur. Er da tarpam isip hat ma sapat oh mama ohmur. Tit han ohe ihat patnong asoh wamara Nohhe ihat pat hanneng daham abopor deipti dao sakarap goshapti dao dasei mar tang deipti dao aduup apitdapat aripti dao dipwi inggoshat sapti dao ama ihat sapti da oh isip hat sapatmur. Ama tihan tihan er da isip hat ma sapat oh da hut patim arpin mengnong kom asar tapan andur mandatpa han bap ire mutuh oh ihtin er da tarpam isip hat sapatmur. Ama ihir diradire Got ohnong daham ihat sapti ohe pe moh ihsen erer dara kamah han hat patepriwa daham ihat sapti han bap ihirmur.

Hibru 11:8

Epraham oh Got oh arpin inahatiprawa dahatporhan arpin dam timdip ohe meng oh mohmur. Got oh Epraham ohnong Gin gorhe aptei mong moh mandama norhe ma namdatipra mong teinong sonmur potporhan oh Arpin inahatiprawa daham amrama orhe aptei mong oh mandama wan mong hanhan hat pat mongnong pipmur.

Hibru 5:9

Dapsi mat yah mat orhorwi dimtip han ohoh ihan hanip dir orhe meng amram dimtipera ma dahapti dirnong eimat yah hat paten ohe dasi nahen ohe duuptei han hat patmur.

1 Pita 1:22

Gin gur Krais ohe namohotip ohe yah meng oh amram dimtipera daham dindeipti ohe pe oh gur er da hirmar mandama guragure taptem ihirsihe da mutuhdapat orhor da gosapris yah hat patimur. Ihat pati ohoh ihan ama ihat da gosapripti ohe da oh isip mat orhor pisashenmur.

1 Pita 4:17

Ma inahapti oh gin Got ohe dahanaham nasatin dik oh gin apris orhe nita bap dirnong nasapat ma hapat dahat patenmur. Dirnongri imat nasapat ohoh ihan Got orhe yah meng na amram kom asaripti ihirnong oh atnap batbet isip apinmat satipramur.

2 Pita 2:18

Ama ihapti han bap ihir iraire ina boknong tohormi tahat patim dam na timdin meng ohwi ambar meng hatin mar poriptimur. Pora diradire ina tei damdapat Noh ihahneng ihahneng daham er hapti da ohsi yah meng hatin mar tarmin bapen apin tei tohan agonom pramat pisapti ohe tan mat er da teinong pramat pisaptimur. Pramat ma pisapti oh rih er da hat sapti han ire tap hat patimdapat kopen mandama yah danong hata han ihirnong imat it pramat er da teinong pisaptimur.

Erer tarpatipra 18:3

Ama ap mutuh ire bisei saw hat sapti ohe da oh pahoh isip hapuriya hatin hat sapti ohe da oh among among ma pati ihir wain er tom ha daya hatin haptimuro. Among among ohe kakhan hat pati ihir ama ap mutuh ohsi ha bisei saw haya hatin haptimuro. Ama ap mutuh ihir erer mohom it titsi darneng ma dahapti ohe pe oh mong mong mama tamohopti han ihir han kamah han haptimuro. Ama ihat sapti ohe pe oh gin ama ap mutuh oh tam tambor tahat susa timbas hahmuro girit ut tit wandangop.

Erer tarpatipra 2:20

Gur ihat yah hat sapti orhor tit ma er hat saperhan ohe ma na amam hapat da oh mamaru hat patiri. Kuu tit Jeseber uh Noh Got ohe meng pot pisapat kuumur napor er hat son ohe dasuh meng oh napot napisaporhan gur baso na por uhe mengnong ma amrat sapti oh oh da ruumsupsi hat patri. Uhe er hat son ohe dasuh meng napot ma napisapat oh mamaru mat napot napisapatri. Jisas orhe atamreipti han ihirnong bisei saw hapti dao hanapsup iremur por den temar asariya den oh yahwimur. Denmur porpat dao ada ohsi ihirnong er hat son da pinggit pisapatri.