Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Garesia 2:2 - Oksapmin

2 Noh it ma pip oh Got oh Go it sona napotporhan noh pipmur. Susa sios ire winsi han ihirnongwi nohe Juda na hat pati han ihirnong ma pot pisapat meng oh Krais orhe yah meng ohwi pot pisapatmur pora ihirnong meng am matipmur. Nohe meng por ma am matip oh ihir Por oh be orhe gon meng tit pot pisapatkin daham nohe dam timdin meng moh amkar wa meng hatin matiprio daham noh sus sios ire winsi mat papti han ihirnong norhe ma pot pisapat ohe meng oh pomat am matipmur.

အခန်းကိုကြည့်ပါ။ ကော်ပီ




Garesia 2:2
26 ပူးပေါင်းရင်းမြစ်များ  

Jisas oh naporpat it meng tit napangop. Gur amratin. Gur sipsip ire ahar da hapti hatin hat pati han gur kotwa ire da hatin hat pati ire mutuhnong nadarhetiprohmur. Ihat pati han ire mutuhnong nadarhetporhan ihir gurnong be bokdus dahanaham inahayao nahatipri ohoh ihan gur da darher dakuu meng yah ohwi poro ham yahnap hat patenmur.


Porsi; Banabas ihit Got oh ite bes teinong mar Juda na hat pati han ire pati mutuh ma hanip dire na imtin hatin han ma imtir ohe meng oh poriptin ama tarmuriya han bap ihir amram da darhera kimiringopari.


Imat meng por am deiptin Porsi; Banabas ihit amrama Wa. Got oh eit watah gatdeipti han ihirnongwi yaho porpatda daham ihirsi isip sakarap goshatpari. Ihtiperhan sios bap ihir Porsi Banabas ihitsi; kat han ihirsi gur Jerusarem ap mutuhnong sonmur. Susa atei oh Aposer ihirsi; sios bap ihirnong panggeipti han ihirsi sakarap goshaya meng moh pomtinmur pora ihirnong darhengopari.


Ihat susa Jerusarem ap mutuh oh kotpari. Kotperhan aposer hat patim ma tamreipti bapo Jisas orhe nita sios bap hat pati hano sios ire duuptei hat pati han bapo ihir Gin gur apriya oh yahwa por ambungopari. Ambutperhan Porsi; Banabas ihit ite bes teinong ma Got oh imat pihir ohe gonsi meng oh ihirnong potpari.


Gahan Por oh kwitem dus kinpitap hatin hat Got oh aprisa Go kas hapra. Noh gosi pat ohoh ihan go kas ham kimirit patepra. Meng oh ihirnong dipwi pot orhor potinmur.


Gahan kimsidapat ohe kwitem oh Por oh patin Hanipyah oh Por ohe duup oh aprisa ohnong We. Pora. Go kas hatipra. Watahpei ham kasip hat orhorwi patenmur. Gwe Jerusarem ap mutuh morhor patim ma Got oh ihtin hanmura; ihtin hanmura ma ripat meng orhor Rom ap mutuhnong sushe ama wanin meng orhor ripramur pongopri. Potporhan timdipri.


Gigoshatperhan tit han Gamarier oh tandeingopri. Gamarier oh sawa am hat pat han Parisi ihira. Oh da yah hanmur ma poripti han oh tandeingopri. Tandeima dupsi han ihirnong Jisas ohe han maihirnong kakun kot teinong aroh prona pongopri.


Moses ohnong ma gipotipru mat orhorwi inahapat han ohoh ihan hanip dire Oh ha inahatinoh dahapti ohe pemdapatdo da diradire kasip hat sapti ohe pemdapatdo oh ti da ti da napripatda. Basra. Dire ma ihapti ohe pe oh na inahapatmur. Orhe damdapat ma imtipora dahapat ohe pe ohwi inahapat hanmur.


Oh ire ma dahat sapti ohe meng ohmur. Nure ma Got ohe danong hat patim meng pot ma pisapti meng oh Krais orhe irat bok sur gartahatip meng ohwi pot pisaptimur. Imat pot pisaperhan Juda hat pati han bap ihir Moh er nahatin menghe daham dasei mar mandaptimur. Juda na hat pati bap ihirhe Moh na dahatin menghe daham garmar mandaptimur.


Nohe gurnong meng napot ma indip oh Noh sus ire mutuh ma indipra oh wan danong na hatiprawa. Jisas Krais ohe irat bok sur garmatperhan haputip ohe danongwi hat patdapat pot indiprawa daham noh gure patinong apris napot indipmur.


Gur am hat patimur. Han ire erer datinmat en taham ma sakaripti oh sakara gonsi ihir yan na dariptimur. Ohri hat sus nang dap ma dakmeir han oh pokwi yan darpatmur. Ihan ire Nohri yan oh datiprohneng daham kasip ham sakariptiru gurhe ihat orhor Got orhe yah da ma nat pat oh Nuhur sus datipriwa daham Got ohe danong kasip hat orhorwi sashenmur.


Ama na timbas hatin han oh noh datiprawa daham han ire ma it kom katnong na wataham kasip ham sakariptiru hat orhor nohhe ihat orhorwi kasip hat sapatmur. Noh tit ama han orhornong datiprawa daham kasip hat ma sapat oh ire ban tahe potperhan be mong tei na wandasa hanip baswi ma wanpatru hat orhor noh amaru hat orhor nohe sonhe tit dawi hat patim kasip hat orhorwi sapatmur.


Gurnong napanggeitin mengnong oh amraptida ihan ameng oh napotiproh. Gurnong na napanggeitin dasuh meng ohwi amratin ina hat pati ohoh ihan na napanggeitin ohe armi tahatin mengnong ohwi napotiprohmur. Ma napotiproh oh Hanipyah Jisas Krais ohe kinpitap hatin ma namgitip ohsi; komdapat dir na dahat pati han ma tarpatipra han ma namgitip han ohsi napotiprohmur.


Noh suhur ham saporhan meng am nahayao be meng naporiyao nahatperhan am ham meng na napotipmur. Na napotipmura; Jisas Krais ohwi nohe kinteinong meng oh pitap matporhan ama pitap matip meng oh napotipmur.


Ma nahatip oh Got orhe damdapat Gin norhe brer ohe da oh noh pinggitpora. Pinggirit oh am hama ama da ohsi wan han bap ihirnong meng pot ha pisonoh dahama orhe brer ohe da oh namgim am nahatipmur. Am nahatporhan noh am hama hanip ihirnonghe ti na dahamtipmur.


Got oh Jisas orhe damdapat yah matpora daham ma haputip ohe pe oh orhor gurnong namburpatmur. Imat ma namburpat danong oh gur kapkapwi mandama wan mengnong Moh yah menghe dahama dindeiptio rim noh da dokdok sarpatmur.


Got ohe atamreipti winsi han ihirdapathe nohnong Gwe Krais ohe meng pot ma pisapat mohsi; dire pohon meng mohsi yot mar pot pisonmur na napotpamur. Got oh Moh winsi hanhe. Moh win timbas hanhe ihat na dahapatmur. Amaru hat orhor noh Moh winsi han ohe meng moh amratpora. Win timbas han ohe meng moh noh na amratpora na dahapatmur.


Gahan duuptei hanmur ma porishe han Jemiso Pitao Jono ihirhe wanahama Got orhe damdapat Por ohnong kasip deipat ma hapat. Kasip matporhan ama kasip ohsi mama tamreindin moh tamreipat ma hapat dahatpamur. Dahama diradir tap tamreindin moh tamreipti ma hapat dahama Banabas nuhutsi we gosatpamur. We gosaripti Gur Juda na hat pati han bap ihirnong meng pot pisasiprimura; nuhur Juda ihirnong meng pot pisasiprimur goshapti tit dawi hatpamur.


Gur Krais ohwi inahatin hatin hanwa dahat sapti da oh yah hat saptin gahan nih apris gure arpin meng amraptinong oh nagatmatir.


Gur imat ahas mat pisus ayahanoh kaput Krais orhe it ma apripra dik oh noh arpupsi hat ma tamreim sasuh oh wa na hama damsi hatip ma hapat daham gurnong amam isip nahatipramur.


Ihan oh apriporhan ohnong ambutinmat oh Oh orhe danong na ham Krais orhe atamreindin danongwi hat pat hano rim Hanipyah orhe nita ihirnong amam mat ma amburiptiru mat orhor ohnonghe ambutinmur. Ambura ihtin dasi hat ma apriya ihirnong oh armi dasi mar orhor amburinmur.


Nuhur Arpin tarpa ma hapat. Ihan ire Got ohe danong hatiri ohe da oh Satan oh aprisa ihirnong kis mar wan danong mara nure ma tamrein indiri oh wa matirde. Ire Got ohe danong hat pati da oh kinhat patie dahah da oh isip nahatporhan nuhut Timoti ohnong Go kapkap sus ire Got ohe danong hat pati da oh kinhat patio rim wandeipat it apris nuhutnong meng am nahatinmur pora ama nadarhetiri ohmur.


Ire nang dap dakmeitperim ma yah hat orhor sakat sus dakmeiriptiru nohhe Got orhe napotip meng danong orhorwi hat sapatru hat susa gin mamen mar timbas deimur. Noh Got ohe danong hatin ohe da oh gapa ham na manda ma hapat dahapatmur.


Eprahamo ihir Got ohwi inahatin hatin hanwa daham ma ihashe oh nuhurnong parper nahat napaptim Got ohwi inahatin hatin hanwa dahatin ohe da oh isip namgit napisaptimur. Imat isip namgit napisapti ohoh ihan ire ma ihat patiru gurhe watah ruum daphot mandam ma sakariptiru hat sakarinmur. Got ohe danong ham sakatinmat oh ruumsup nahapat dao kapkap nang natpapat er dao oh watah ruum gon daphot mandaptiru mat orhorwi daphot mandama Got orhe mihat sa sakaripri napor ma kis matipru hat orhorwi kasip hat orhorwi pan ham sakarinmur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ