Garesia 2:17 - Oksapmin

¹⁷ Dahama Krais ohwi inahatin hatin hanwa dahat patin Got oh ire ihat ma dahat pati oh yahnap hat pati bapmur daham ha napotinoh rim dir pohon sawa ohe hrepdapat hat ma pati oh mandama Krais ohe danongwi hat patimur. Krais ohwi inahatin hatin hanwa dahat patimdapat er hat sayahanoh Krais oh er da am nahatporhan ihat saya ma hapat daham Krais ohnong Oh er da namgit napisapat han ma hapat potiproheda. Basra. Oh er da oh na namgipat hanmur.

Garesia 2:17 ပူးပေါင်းရင်းမြစ်များ

1 Jon 3:5

Gur am hat patimur. Krais orhe bok oh er dahe timbasnap han ohmur. Ama han oh dire er da hat sapti da oh hirmat namdatinmat kakdah moh wandas pitap hatipmur.

Garesia 2:15

Nuhur be han bap Moses ohe sawa meng na am hapti han bap basmur. Nuhur Juda bap orhor nitpamur.

Rom ihirnong Por oh brak atip ohe meng oh 11:7

Got oh Noh Isrer kat bap ihirnongwi ambutiprawa dahatip ohoh ihan orhe norhe ambutipra ma dahatip han ihirnongwi orhe ambutipra ma dahatip da ohsi amburpatmur. Kat gonsi Isrer bap ihiroh ama da oh nuhurnonghe ha napinoh daham sawa mengnong kasip ham tamreipti orhor Got oh orhe ambutin danong am hatipririm ire danong aban matporhan ihir na dariptimur.

Hibru 8:2

Tongnom ma napapat oh mamaru hat napapatmur. Got orhe ongeng mat papat tei mahat oh hanip dire bes tei ap yawar hapti hatin hat na patmur. Orhe gon ongeng mat papat hrepnong hama dire hanat bok han hat patim tamreipatmur.

Garesia 3:21

Sawa meng oh ihtin meng ohoh ihan Got oh orhe rit nasarisuh mengnong ha amkatinoh rim sawa natipda. Basra. Na amkatin hatinmur. Got oh eimat paten dasi nahatin ohe sawa meng tit natipneng dir dimara ama ohe pe oh eimat paten ohe da oh haptinengmur.

Garesia 2:11

Gahan Banabas nuhut Antiok aptei patina Pita oh apdapmur. Aprisa gahan oh er hat saporhan noh hanip mutuh orhor imtipmur.

Rom ihirnong Por oh brak atip ohe meng oh 15:8

Krais orhe apris ma ihat sasuh oh Juda hat pati bap nuhurnong napanggeitin han oh aprisa rih ma awher ihirnong Got ohe rit asarisuh mengnong arpin meng mar dam matinmat apdapmur.

Rom ihirnong Por oh brak atip ohe meng oh 3:6

Basra. Orhornong na gipotiprohemur. Ama ihat daham orhornong gipotipririm hanip gure dahat sapti meng orhor napormur. Got oh er mat nasapat hanhanoh dirnong kinmat duung dasi nasatin ina hatiproh. Orhor arpin duung dasi ham da na yawar deipat han ohoh ihan dirnong pomat nasapatmur.

Rom ihirnong Por oh brak atip ohe meng oh 3:4

Basra. Got oh arpin han ohoh na yawar matin hatin hat pat hanmur. Kuuhan ire patinong asoh wamara Maihir dasuh han bap hat patihe daham am haptimur. Got ohe ma patnong oh ihat dasuh han hat na pat hanmur. Oh arpinwi pat hanmur. Arpin han hat ma pat oh Depit ohe atem teinong Got oh rit atporhan ma brak matip meng oh mamaru hat patmur. Got go kuuhan ihirnong ma satipra oh arpin duung dasi hat pat han orhor nasam inahah ma hapat daham am hatiprimur. Kat han ihirdapat gonong Go dasuh han ihat pathe naporiyahan ma naporiya ohe pe oh dam ti na pat ohoh ihan gwe boknong nahatin menghe timbasmur. rit atporhan Depit oh brak matipmur.

Matyu 1:21

Uhe brer ma itipra oh mon tit itipramur. Itporhan oh gure er da dat namdama gurnong namburin han hatipramur rim ohe winhe Jisas oh potinmur ama potip oh.

Ruk oh yah meng ma brak matip ohe meng oh 20:16

Dahamara ihir na pot patin Jisas orhordapat Nangbar rang nita han oh mimtipramur. Oh ire pati teinong it susa ihirnong sein suma wan han ihirnong Gin gur nohe nangbar rang moh gur wamar napaptenmur por wan han ire bes teinong matipramur pongopri. Potporhan kuuhan ihir amrama Es. Ohri eimatnap na ihtipramur pongopari.

Garesia 6:14

Nohra ama be mengnong oh isip mar na daptuhurpatmura; Nohe ma isip mar daptuhurpat oh Jisas Krais ohe irat bok sur gartahatip ohe danongwi ha isip hatinoh rim ihpatmur. Nohe da oh Jisas Krais ohe irat bok ma sur gartahatip oh kakdah mohe erer gon moh sur gartahat pat hatin hat pat ma hapat. Ihan ama ohe erer ohe danong na hat patmur. Ihat pat ohoh ihan noh Krais orhe danongwi isip mat paptepora daham isip mat papatmur.