Erer tarpatipra 8:5 - Oksapmin

⁵ Gahan enser oh apop atendeipti tei ohe irat hur oh deima gapgwesi san dahnong saripti san dahnong mara teip mara tahe pora kakdahnong ohom deingop. Matporhan awnari hatin kuro minggihim puro amsama has haho hama bipi tit apingop.

Erer tarpatipra 8:5 ပူးပေါင်းရင်းမြစ်များ

Matyu 24:7

Tit mong tei ma pati han ihir wan mong tei ma pati han ihirsi mahaw gosham gusutiprimur. Tit mong kakhan ohe papat han ihir wan mong kakhan ohe papat han ihirsi mahaw gosham gusutiprimur.

Ruk oh yah meng ma brak matip ohe meng oh 12:49

Giporpat Jisas oh Noh kakdahnong mama apdap oh kuuhan ire er hat sapti ohe er danong andor has mat adarhetin ohe irat has ohsi tap hat apdapmur. Ihan ama has oh Gin orhor has hat sapatnengo dahat patmur.

Aposer 16:26

Ihat ihaptin orhor kapkap bipi isip isip tit apingopri. Aprisa karapus ap tamnong ungang matporhan asut orhor ap gwatei kat kat oh gonsi tanput uso karapus han ihirnong nang ma atpat papti nang oh orhap tarpit wandayao hangopari.

Aposer 4:31

Dahamtiperhan ama tarmuriya ap oh bupangopri. Bupatporhan Yahsup oh ire mutuhnong ham isip hangopri. Imat isip mat papatin ihir watahpei ham Got ohe meng oh watahpei hat orhor pot pisasheri.

Erer tarpatipra 11:13

Ihit ruptin orhor bipi isip tit apingop. Aprisa ama ap mutuhnong kat ap oh supat tohathei ap oh mandapat imat orhorwi pisangop. Imat pisusa ma sutip ihirnong 7,000 kuuhan ihirnong sungop. Sutporhan na su ihiroh kas isip tit hapti Aw tei pat Got oh arpin kasipsi pat hanmuro por armi deingopa.

Erer tarpatipra 11:19

Por armi matperhan aw tei ohe ap yawar oh dapungopa. Dapuyaoh Got ohe rit atporhan ma brak mar itpa san oh patgop. Pat hatporhan amsama gwaheiro minggihim gurir deio awnari kuro bipi apiro tom awgwe wandaso hangopa.

Erer tarpatipra 4:5

Ihat pati ire mutuh ma pat han ohe ap tan amdapat amsama has haho meng sinisinse riya hatin hayao minggihim haho hapatgop. Orhe rumkin dason oh beshei tanggam oh has hat patingopa. Ama beshei tanggam oh beshei aptei sios ihirnong kasip mat papat ohe Yahsup ohmur.

Erer tarpatipra 6:12

Potporhan noh wandeioh sipsip bap oh dop ohe gata oh endeingop. Emtiporhan bipi isip tit sangop. Saporhan atan oh ung gate kin hatin gon hatin hangop. Hatporhan hayop ohe inahe heimsi gon hatin hangop.

Erer tarpatipra 8:3

Marin patihan Got ohe meng pisaya popriya hapti enser ihir tit aprisa gor kweisi hatpa san Got ohnong gapgwesi matin ohe san oh marim aprisa Got orhe pohon atendeipti gwar duup oh tandeit patgop. Tandeit patin Got oh Gin go nohe nita bap ire nohsi ma mengriya ohe meng oh gapgwesi han mohe tapnong mara natemtinmur. Ma natemtiproh oh apop ma natendeiptiru mat orhor norhe tongnom napapten ohe rum dason gor kweisi hatpa pohon natendeipti tan tei moh natemtinmur pora ohe bes teinong mar gapgwesi han ruumsan apingop.