Erer tarpatipra 6:4 - Oksapmin

⁴ Utporhan hos heimsi wam irat has hatin tit pitap ham sapatgop. Ohe bas tongnom sapat han ohnong Kakdah han ihir manap dasi hat ma pati oh ha timbas hatingwemur. Ihan go wasa ihir gusum ha timbas hatingwe rim go ihirnong gusutin inasi matinmur pora gusutin inasi matin ohe kasip ohsi apriporhan sapatgop. Biorhe dapsi bior tit apriporhan marim sapatgop.

Erer tarpatipra 6:4 ပူးပေါင်းရင်းမြစ်များ

Matyu 10:34

Jisas oh ginaporpat Gur nohnong Oh manap teiwi napapten ohe da ohsiwi apris pat ma hapat dahapri. Basra. Noh nohe danong haya hansi; kakdah orhe danong hat ma pati hansi ite mahaw goshat indin ohe da ohsi tap hat apris patmur.

Matyu 24:6

Ihir arpin gusupti meng riyao dasuh inin meng gusuptimur riyao ritperhan gur amraprimur. Amrapti gurhe kas isipnap hapri. Ihtin kis nahatin sup ohri apriporhan komdapat mong pepe timbas matin dik oh apripra ma hapat daham watahpei ham kasip hat orhor patenmur.

Jon oh yah meng ma brak matip ohe meng oh 19:11

Potporhan Jisas oh Gwe ma nohnong inahah moh gorhe kasip ohsi nohnong na inahahmur. Got oh gonong Gin go ihtina napotporhan inahahmur. Ihtin ohoh ihan gwe nohnong ma inahah moh garpok er da ham inahahmur. Got ohe ap yawar hanat bok han ire duupteinap han ohe gwe bes teinong nohnong ma nahat oh heisup naham inahat ohoh ihan ohe ma inahat oh isipnap er hatmur ama potip oh.

Erer tarpatipra 12:3

Uh kopen ihpatin ma tarpatipra kis han tit aw tei mahat pitap hangop. Ama pitap hatip kis han oh tom hru tem pat han dam isipnap oh heimsi ina hatin hama kak oh beshei kaksi dam oh pitap hangop. Ambahhe kathei ambahsi kak tei patgop. Kakunghe kakhan ire kakung aripti hatin beshei kaknong an patgop.

Erer tarpatipra 13:10

Karapus nahatin inasi hat pati han gurhe arpin karapus nahatiprimur. Biorsi nitin inasi hat ma pati han gurhe arpin biorsi orhor nitiprimur. Ihan Got orhe danong hat ma pati da oh kas ham mandaprio. Kasip hat orhorwi dahat patenmur napor mama nabrak dei ohmur.

Erer tarpatipra 17:3

Naporpat Got orhe Yahsup oh nohe mutuhnong kasip nahat napapatin ohoh meng ma napor enser orhor Got ohe Yahsup ohe kasip ohsi nambura hanip timbas tom timbas dusnong ha napisa ina hatin nahangop. Nahatporhan noh wandeioh kuu tit kurwah heimsi ina hatin ohe bas andeh tongnot patgop. Kurwah ohe bok andeh Got orhornongwi adasei matin ohe win oh nitat mat ina pepe moh gonsi itipsi kurwah oh patgop. Ama kurwah ohe kak oh beshei hangop. Ambah oh kathei hangop. Ama ihtin kurwah ohe bas andeh kuu uh tongnot patgop.

Erer tarpatipra 17:6

Ihat pathe dahama noh wandeioh urhe bes teidapat Got ohe nita bap ihirnong Got ohe danong hapti da moh na mandapti moh noh sutpora daham supat heim oh it urhor dama wain tom dama da ban taham deinin hat sapti ohe tan hat sapatgop. Ihat sapathan noh wamara da trun trun darhetip.