Erer tarpatipra 21:8 - Oksapmin8 Oh norhe brer ihirnong ma paptepra ohe meng oha; kat han ihir Noh Jisas ohnong dindeipatin kat han ihirdapat nohnong nitiprio rim kas ham mandapti ihiro Jisas ohe danong na hapti bapo Got nohnong bisei nahapti bapo hanip supti bapo bisei saw hat sapti bapo amkimon hapti bapo hanapsup ihirnong armi deipti bapo dasuh hapti bapo ama ihapti kuuhan ihirnong oh noh tahe pora kwei mianpang hatin har hapat irat taurpat dahnong tahe por mandatipramur. Ama har hapat dah oh komdapat it hapur dipdipwi batbet dar patepri dah ohmur. Ama ihtin dahnong ama ihapti ihirnong tihi tahe por mandatipramur napongop. အခန်းကိုကြည့်ပါ။ |
Erer tarpatipra 21:8
39 ပူးပေါင်းရင်းမြစ်များ
Oh ap mutuh ron inasi nahat napapat bap gure meng ohmura; ap mutuh ohe kot dahdapat hat pati ihiroh mamarumur. Mian da hatin hat ma sapti bapo amkimon hat sapti bapo bisei saw hat sapti bapo hanip supti bapo dasuh Got ohe danong ham armi deipti bapo hanip ihirnong dasuh deiyahan yaho daham ma dasuh deipti bapo ama kuuhan ihir ap mutuh ohe kot dahdapat hat pati bap ihirmur.
Arwananah ihirnong na bopor matin ina hat pati bap ihiroh Er moh suyarit ha haputinoh dahat ma pati bap ihirmur. Hanip suyarit ha haputinoh daham ma supti han bap ihir Got ohsi yah hat eimat paten dasi na hat patim ihaptimur. Ihan arwananah ihirnong na bopor deipti han ihirhe Got ohsi yah hat eimat paten dasi hat na patim ihat sapti han bap ma hapat daham am haptimur.
Gusutinmat tap tei hatperhan hos bas tongnom sapat han orhordapat kurwah ohnongsi; orhe kasip apriporhan ihirnong dasuh deisuh han ohnongsi ama ihitnong net pongop. Kurwah orhe kasip apriporhan orhe kintei orhor na imtin hatin han ma indei ohsi kurwah ohe win braksi bapo irat bok kurwah arhutperhan ohe danong hapti bapo ama ihirnong dasuh deisuhmur. Ama indeishe han yot ihitnong hos bas tongnot sapat han ohdapat ihitnong net pora da patin orhor tahe por kwei har ham mianpang hatin hapat kurgwesi ham har hapat dahnong tahe por mandangop.
Kuuhan gosdaripti gamin hat ama pati oh yah ohoh ihan gutagute gamin gosdar ma yah hat pati danong oh er deipri. Gutagute yah hat pati danong oh ongeng mar paptim da gosat patenmur. Mian imah da hatin goshat saptio bisei saw goshaptio ama ihat sapti ohe yan oh Got oh ihat ma pati bap ihirnong oh batbet yan apripra ohoh ihan ihat sasipri.
Potperhan oh Gur kianorim kas hayao. Gure nohnong Ohwi imtin hatin hanwa ma dahapti da oh hatip hat patim kas hayamur pora tandeima kasip mengtei Inim go gatetina. Tom kopi go ganer timbas hatina pongopri. Potporhan inim oh gater tom kopi oh ganer ham na ihah mong hatin ham mong yah hat mandangopri.
Ihan ihat pati bap gure ita oh Satan ohmur. Gure ita Satan ohe Ihir ihat ha sashengwe naporpat danong ohwi hat saptimur. Ama han oh mong kopenat darpa tei orhor Noh hanip surit ha haputingwe daham hanipnongwi sum patesuhru pat han ohmur. Oh arpin dasi hat na pat han ohoh ihan arpin danong kom asar ihat sapat han ohmur. Dasuh da oh ohe bokdapatwi tarpam apripat ohoh ihan dasuh da ohe itap hat ma pat oh Satan orhormur. Dasuh da oh orhe bokdapatwi tarpapat han ohoh ihan dasuh meng rihanhe orhe pohon meng ohwi ripatmur.
Gur mohnong dahenmur. De han bap ihir dasuh hat saptio daham am hatper dahayahanoh Jisas ohnong Got oh dire namburin han na kis matip hanmur ma girit sapti han bap ihiroh eimat dasuh hat sapti han bap ihir ma hapat daham am henmur. Ama ihat mengripti han ihir mon ohnongsi; itap ohnongsi ihit tamannong Ihit na patimur daham Krais ohnong mahaw mat paptim ihat girit mengit sapti han bap ihirmur.
Got orhe brer ohnong Ohwi inahatin hatin hanwa dahayahanhe ama ihat dahapti han gure da mutuhdapat orhor Got oh orhe mon ohe boknong mar naporpat meng moh Arpin ma hapat dahatin ohe da oh gure da mutuh oh pat haprohmur. Got orhe naporpat mengnong Arpinhe na dahapti han bap ihir Got orhe mon ohe boknong mar naporpat mengnong moh dasuh menghe dahapti ohoh ihan Got orhornong dasuh han hatin mat paptimur.
Orhordapat gure orhe nita hat patim ma ihat saptinong oh orhor am hat patri. Gurnong ma am hat pat oh gure kasip ham tamreiptio gure ina ruumsup daripti orhor na gapa ham kasip hat ma saptio oh orhor am hat patri. Gure kasip ham ma tamreipti oh mamaru hat tamreiptiri. Er hat sapti han ihirnong Er hat sapti han gur matei na indiprohemur por er mat darheriyao kat han ihir Nuhur Got ohe meng pot pisapti han rim dasuh nahatperhan gur dason mar Maihir dasuh han ihirhe daham am hayao ham kasip ham ma tamrein saptinong oh orhor am hat patri.
Ama ernap han ohe ihat ahar apris ma pat oh Satan orhe er hat pat orhe kasipnap kasip ohsi kasip matporhan ama kasipnap ohsi apris patim hanip dire pati mutuhnong apripramur. Ama ohe kasip ohsi aprisa arpin tarpatipra ohe kis hano hanip dire na imtin hatin hano oh arpin Got orhe kasip ohsi ha indei hatin mat imtipramur.
Gur anong sus ma pati oh Jisas oh mutuh han hama kopenohe dik natir mengnong ma dam timdin meng matir han Jisas orhe duupnong haptimur. Jisas ohe duupnong ma hapti oh Eper ohe gusut sashen ohe heim ma durketip duupnong oh na haptimur. Jisas orhe yah mat napanggeit napapten ohe heim durket namotip duupnong oh haptimur.
Gahan noh tei patin orhor kinpitap hatin mat wandeioh hos ohsi; hos ire bas tongnot pati han ihirsi pati hangopa. Ire rangrang tan namya hatin ma an pati oh gih hatino awkwitam tan hatino hop ina hatino ihtin han an patingopa. Ama hos ire kakhe kotwa raion ire kak hatin hangopa. Ihtin han ire atem kat oh irat haso tuhupo hanip er nahatin ohe er gwe tuhupo ihir tap hat orhe atem kat oh maraptingopa.
ကြော်ငြာတွေ