Erer tarpatipra 21:11 - Oksapmin

¹¹ Ama ap mutuh oh Got ohe has ohsi has hat wanpatgop. Ama has oh kwei yan isip mohopti kwei jaspa hatin hama tom kakeir wandeiya hatin kakeirsi pitap teinap hat wanpatgop.

Erer tarpatipra 21:11 ပူးပေါင်းရင်းမြစ်များ

Erer tarpatipra 15:8

Apriporhan Got ohe kasip yah has da ohe tuhup oh marasa ap yawar dus ohom teip hat mandangop. Tuhup oh teip hat patin hanip ihir ap yawarnong ohom kinhat ron ina hangopa. Kinhat ron ina hat patin beshei enser ire er sup oh timbas deiyarit ropera daham minhan patingopa.

Erer tarpatipra 22:1

Gahan enser oh tom tit dama eimat paten dasi hatin ohe tom tit Jon nohnong namgingop. Ama tom oh Gotsi sipsip bap itaite pohon tongnopti tei duupdapat marasa kakeirsi hasnap tom apripatgop.

Erer tarpatipra 22:5

Ihat ma patepri oh Hanipyah Got orhe has ohsiwi kwitem timbas mong da timbas has teiwi orhor mong da teiwi pateprimur. Ihat patepri ohoh ihan atan oh ha has hatinoh. Tanggam suhum has matpera ti na dahatiprimur. Has titwi hat patina kuuhan ihir Got ohsi kakhan titwi hat dipdipwi pateprimur.

Erer tarpatipra 4:3

Tongnot pat han ohe rumkin oh kwei kasip yahnap jaspa kwei daharan hip hatin haho konirian kwei gihirgwe hatin haho ihat ohe rumkin oh kakeirsi hat patgop. Pathan tom hip emerar kwei hapen ina hatin tom hip oh orhe tongnot pat tei oh rupmar kak tahat patgop.

Erer tarpatipra 4:6

Tit orhe rumkin dason ma pat hatip oh tom sor hru tan oh tom kakeir hatin hat patgop. Gahan kat dah kat dah ohnong ma parper mat papti hatpa oh hatriphei dasi bap ire ina bok oh kinwi hatpa bap oh parper mat paptingopa.