Erer tarpatipra 21:1 - Oksapmin

¹ Rihohe mong tano aw tano sor hru tano oh timbas hatporhan noh wandeioh kopenohe mong tansi; aw tansi tarpaya hangop.

Erer tarpatipra 21:1 ပူးပေါင်းရင်းမြစ်များ

2 Pita 3:10

Hanipyah ohe it ma apripra oh gapah han hatin hat apris buporinsi nahatipramur. Buporinsi ma nahatipra dik oh aw tan oh pasrara rim pura timbas hatipramur. Timbas hapat mong tannong ma kasip mat papat han erer mohhe gonsi taur timbas hatipramur. Timbas hapat mongo kakdah diradire daripti han erer gon moho gonsi timbas hatipramur.

2 Pita 3:13

Timbas hatipra orhora; Got oh Noh kopenohe mong tan aw tan duung dasi hat indin ohe mong tan aw tan matipramur ma rit natip mongnong oh dir minhan patimur.

Erer tarpatipra 13:1

Gahan noh wandeioh kurwah tit sor hru mutuhdapat marapatgop. Ama marapat kurwah ohe kakhe besheisi ambahhe katheisi ihtin kurwah oh marapatgop. Kathei ambahnong oh kakung kakhan ire aripti kakung hatin oh ambahnong nitat mat an patgop. Beshei kaknong oh Got orhornongwi dasei mar arin ohe win oh nitat kak tei oh brak nitat mat itipsi kurwah oh patgop.

Erer tarpatipra 20:11

Gahan noh wandeioh kakhan ire pohon tongnopti tei has namei hatin tit patgop. Has namei hatin tit pat oh ohe bas oh orhor tongnot patgop. Tongnot pathan aw tansi mong tan ihit ohnong wamara kas ham ruprup taham timbas hangopa. Timbas ham it ti na tarpangopa.

Erer tarpatipra 21:5

Ritporhan gahan kakhan ire pohon tongnopti hatin tei ma tongnot pat han Got orhor Gur amratino. Noh erer moh kopenohewi deimuro ringop. Ripat it nohnong Nohe meng moh arpin tarpatin meng ohoh ihan go brak matinmur napongop.

Erer tarpatipra 6:14

Tapet wanporhan aw tanhe ruprup taham suh bipnok mar tein deiya hatin bipnok tahat susa timbas hangop. Timbas hatporhan yei gonsio tom hru tei ohe mong goh kat gonsio ihir tunggosheit sus timbas hangopa.