Erer tarpatipra 19:2 - Oksapmin

² Hanip ihirnong satpor rihanhe pomatwi sama iraire ma ihapti oh duung dawi indeipat hanmuro. Indeipat han ohoh ihan Babiron ap mutuh ire bisei saw hapti er da oh among among ihirnong ma pinggit pisapti ohe pe oh gin ihirnonghe pomat sama iraire ma ihapti ohe pe yan oh apirmuro. Ama ap mutuh ihirdapat orhe atamreipti han ihirnong sushe ohe pe oh gin ihirnonghe ama ohe yan oh sumuro rim hangopa.

Erer tarpatipra 19:2 ပူးပေါင်းရင်းမြစ်များ

Erer tarpatipra 6:10

Gwar duup oh patimdapat kasip mengtei Got go kasip han yahnap ongengnap yahnap hat pat hanmuro. Go arpinnap hanmuro. Ihat pat han go desut nuhurnong ma nitpa han kakdah ma pati han ihirnong desut dahamar ama inahatpa pe batbet oh apriprao por dahandeingopa.

Erer tarpatipra 18:20

Gahan noh amraoh Aw tei pati hano Got ohe nita hano Jisas ohsi sashe nathei hano Got ohe meng pisapti hano gur mama ap mutuh ma pati han ihirdapat gurnong er nahapti moh gin Got oh pomat sama ama inahashe ohe yan oh gin mama aprisa timbas dei moh wes indeio dahama amam hat patenmur rim hangop.

Erer tarpatipra 18:3

Ama ap mutuh ire bisei saw hat sapti ohe da oh pahoh isip hapuriya hatin hat sapti ohe da oh among among ma pati ihir wain er tom ha daya hatin haptimuro. Among among ohe kakhan hat pati ihir ama ap mutuh ohsi ha bisei saw haya hatin haptimuro. Ama ap mutuh ihir erer mohom it titsi darneng ma dahapti ohe pe oh mong mong mama tamohopti han ihir han kamah han haptimuro. Ama ihat sapti ohe pe oh gin ama ap mutuh oh tam tambor tahat susa timbas hahmuro girit ut tit wandangop.

Erer tarpatipra 15:3

Marin patim Got ohe atamreisuh han Moses ohe ga wanino sipsip bap ohe ga wanino oh riptingopa. Ga ma ritpa oh Hanipyah kasipnap hanmura; kasipnap hanmura. Kasipnap han go erer moh ha indeipata; ha indeipata. Mong mong moh ohe kakhan gorhorwimura; gorhorwimura. Gorhe duutin yah da orhorsiwi inahapatmura; inahapatmura.