Erer tarpatipra 18:8 - Oksapmin

⁸ Ihat dahapti ohoh ihan ire ma ihat dahat pati ohe pe oh tihetin supo saheih ham yimtin supo ake erwip supo oh tit dahwi tarpama ire boknong mar er deipramuro. Er mara apsi er mar ap urkamar irat tei asaripti ohe tan mar timbas matipramuro. Noh kasipnap han ohoh ihan noh pomat sama batbet yan aprisa timbas matipramuro rim hangop.

Erer tarpatipra 18:8 ပူးပေါင်းရင်းမြစ်များ

1 Korin 10:22

Imat yot mat dipera daham daptin Got oh heisup naham inahatiproh ohoh ihan yot mat dapri. Gur Nuhur Got orhe kasip oh nure kasip hrepnong mat paptio dahamhe ihapri. Basra. Orhornong kasipnap hat pat han ohoh ihan heisup naham gurnong inahatipramur.

Erer tarpatipra 11:17

Ma armi matpa oh Nure Hanipyah kasipnap han go patesuhru patru hat pat hanmuro. Ihtin han go gorhe kasip ohsi erer moh gorhe hrepnong gin nahah ma hapat rim nuhur gonong weso naporiyamuro.

Erer tarpatipra 17:16

Gwe kathei ambah ma wandei ambaho kurwaho ama ihirdapat kuu bisei saw kuu mauhnong heisup mar sutinmat ap was ros hoyap sum erer atimbas deipti ohe tan mara urhe ina bokwi mar sutiprimur. Suma hit oh bak mar diprimur. Dama ap andoripti ohe tan mar timbas matiprimur.

Erer tarpatipra 17:18

Gin gwe bisei saw kuu ma wandeioh Rom ap mutuh winsi ap mutuhnong oh wandeimur. Ama ap mutuh oh mong mong moh ohe kak hat pati han bap ihirnong gonsi orhe hrepnongwi mar papatmur napongop.

Erer tarpatipra 18:17

Kapkap tit dahwi ap mutuh mohe yahnap erer ma timbas dei moh Epo. Ha suo por yimtiprimur. Ihtiperhan sip ma pisapti hano hanip sip temnong ham sapti hano sipnong wamat paptem tamreipti han bapo erer sip temnong mara darhera mani daripti han bapo ihir gonsi meihdapat tandeit patin

Erer tarpatipra 18:19

Yimama saheih isip yah tit ham sirap oh iraire kak tei ara Epo. Hinhina ap teio. Epo. Winsi ap mutuh moh ha suo. Sip temnong mar darheripti han gonsi dirnong kamah nahapat ap mutuh moh ha suo. Kapkap tit dahwi timbas mar su moh epo. Ha indeio por saheih ham yimtiprimur.

Erer tarpatipra 19:3

Girima it kasip mengtei Got ohnongwi armi mar amam mat paptenmuro. Winsi ap mutuh ma taur ohe tuhup oh duut orhorwi maras patru pateprao rim Got ohnonghe amam mat paptenmuro girim hangopa.