Erer tarpatipra 16:1 - Oksapmin

¹ Gahan noh amraoh ap yawar mutuh ohondapat kasip mengtei beshei enser ihirnong Gur Got ohe bopor heisup beshei dis dahnong mat papat heisup moh gin prosa dukera kakdahnong matinmuro pot ur hangop.

Erer tarpatipra 16:1 ပူးပေါင်းရင်းမြစ်များ

Erer tarpatipra 15:1

Gahan noh wandeioh komdapat ma tarpatipra oh mihtin han tit tarpatipramur rim hanip dire na wandeipti han wanohe isip kis tit aw tei mahat pitap teinong mar namgingop. Pitap teinong mar ma namgitip kis oh Got oh beshei enser ihirnong Gin nohe er han ihirnong pepe batbet apin ohe bopor heisup beshei moh beshei enser gur nitat marindinmur por nitat mat apriporhan ihir nitat marin patingopa.

Erer tarpatipra 16:17

Imtiperhan gahan bes enser ohe dis ma marin pat oh pamrasa be bimbok dusnong duket asaringop. Duket atporhan ap yawar ohe nita hanipyah hat pat han ohe tongnopat duup amdapat kasip mengtei tit Gin beshei bopor heisup oh gin bes moh pepe timbas deimuro girit ur hangop.

Erer tarpatipra 14:18

Maraporhan gahan tit enser tit apop ma atendeipti ohe irat tautiporhan wamat pat han tit Got ohe apop atendeipti kwei tan tei patdapat marangop. Marasa bior gret gawatengsi marin pat enser ohnong kasip mengtei Mono. Kakdah mong among among ohom ohe er irat gwe ru oh gonsi gon wu hat ohoh ihan gwe bior gret ohsi gonsi gatmara kapot pisonmuro pongop.

Erer tarpatipra 14:15

Pat hatporhan gahan tit enser tit Got ohe ap yawar amdapat marasa kasip mengtei awgapar bas mama tongnot pat han ohnong Gin kakdah mong mong moh gonsi yahnap irat gwe wu hatmuro. Gin orhor kapotin hatmuro. Ihan go gwe bior gawatengsi ohsi gatmar kapotinmuro pongop.

Erer tarpatipra 11:19

Por armi matperhan aw tei ohe ap yawar oh dapungopa. Dapuyaoh Got ohe rit atporhan ma brak mar itpa san oh patgop. Pat hatporhan amsama gwaheiro minggihim gurir deio awnari kuro bipi apiro tom awgwe wandaso hangopa.