Erer tarpatipra 12:9 - Oksapmin

⁹ Ama kakdahnong tapan andutpa dam oh pohon patesuh Satan ma poripti han ohmur. Oh dasuh inin meng oh dire boknong ma nahapat han ohmur. Oh aw pe mong pe mong mong moh dasuh naham er hat son dasi nahapat han ohmur. Ama han orhorsi; orhe meng pisaya popriya hapti han ihirsi tap mat kakdahnong moh tapan andungopa.

Erer tarpatipra 12:9 ပူးပေါင်းရင်းမြစ်များ

Matyu 13:39

Mahaw han tit apris er gwe ma sakmatip han oh Satan ohmur. Dam datin dik oh mong pepe dik ohmur. Dam datin ihirnong oh norhe natamreipti han enser ihirmur.

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Matyu 25:41

Oh oper tannong ma nahah han gure napotipra ohe meng ohmura; watah tanong dei han ihirnong oh Gure boknong oh Got oh heisup nahat pat han bap gurmur. Ihtin han bap gur nohnong namdama at Got ohe irat hashe na tikimapat dipdipwi has hatwi patepra apteinong moh kaput Satan ohsi orhe enser ihirsi sa hatipri rim amamen matip apteinong oh mama gur nohnong namdam eimat sonmur napotipramur.

Matyu 4:1

Ihtiporhan Got orhe Yahsup oh Jisas ohnong Gin go hanip timbas irat timbas mongnong sonmur. Sus patin den na dam be patin sande hanen gon hapat tit oh katket matipramur. Ihtiporhan Satan oh apris go er hat ha sonohrim kis nahatipramur por pisongopri.

Matyu 4:10

Potporhan oh Satan go sona. Got ohe ritporhan ma brak matpa meng oh mamaru hat patmur. Gur guragure Hanipyah Got orhe danongwi ham armi deiyao orhe atamreindin oh atamreiyao ham patenmur ritporhan brak matpamur. Ihtin ohoh ihan noh gwe danong na hatiprohmur. Ihan go sona potipri.

Matyu 4:5

Potporhan Satan oh gin Jerusarem ap mutuhnong sapera pora pisangopri. Pisusa Got ohe ap yawar hamekat tei putei mahat prungopri.

Matyu 4:8

Potporhan Satan oh Gin yei kanong saper pora pisangopri. Pisusa yei ka hatdapat Gin kak hat pati han ire hrepnong mat papti erer moh yahnap yahnap hanwi pat moh wamtinmur.

Ruk oh yah meng ma brak matip ohe meng oh 10:18

Potperhan Jisas oh gur indeiptin noh wandeioh Satan oh aw teidapat kakdahnong moh wandangwermur.

Ruk oh yah meng ma brak matip ohe meng oh 13:16

Gure tom pandinmat ambop daphom tom pandem ma yah deipti oh garpokmur. Nohe Epraham ohe puh kuu mauhnong Satan oh ambop dumat pat hatin mat papatin tan kathei krismas birhitip kuu moh noh tuperipti ohe Sabat dik orhor nang arpim yah dei moh isipnapmur. Isipnap panggei ohoh ihan gur nohe ma yah hat sapatnong moh Oh yah hat sapat ma hapat dahenmur pongopri.

Ruk oh yah meng ma brak matip ohe meng oh 22:3

Sutin kat oh angmar aperiptin er da nahapat han Satan oh Jisas orhe pinggit pisapat han nathei ihir Judas Iskariot ohe da mutuhnong ros Jisas ohnong mahaw mar sutin da matporhan

Ruk oh yah meng ma brak matip ohe meng oh 22:31

Jisas oh ameng oh gipor mandapat Saimon Pita ohnong Nohan Saimon go amratinmur. Satan oh Got ohnong Maihir Got gonong namdatin han hatiprohedo da na namdatin han hatiproheo rim noh ihirnong kis matiprohmur potporhan Got oh Yahwa. Kis matina potporhan kis nahatpor ihah ohoh ihan go kasip hatinmur.

Ruk oh yah meng ma brak matip ohe meng oh 8:12

Den gwe mandap tei wanpat meng oh Got ohe meng amratperhan Satan oh aprisa ihir Mameng moh pomat amram dimtiperhan Got oh ambutiprahan dahama ama amraya mengnong oh Satan oh dat amdapatmur.

Jon oh yah meng ma brak matip ohe meng oh 12:31

Gin Got oh kakdah mohe erer sam imtim dik oh hahmur. Gin kakdah mohe erer oh orhe hrepnongwi mar papat er han ohnong sum er mat darhetin dik hahmur.

Jon oh yah meng ma brak matip ohe meng oh 14:30

Gin kakdah mohe er nahapat duuptei han oh apris kakduup hat pat ohoh ihan norhornong son kakduup hah tei ohoh ihan noh meng napot indin dikhe gin timbas hatin kakduup hapatmur. Noh ama er nahapat duuptei han ohe hrep oh noh na patmur.

Jon oh yah meng ma brak matip ohe meng oh 16:11

Hanip ihirnong dahamar Got ohe heisup mat papat da ma pinggipra oh kakdah mama ohe er nahatin duuptei han ohnong Got oh Moh er han hat patmur por bopor heisup isip mat papat ohoh ihan orhe bopor heisup mat papat da oh pinggipramur.

Jon oh yah meng ma brak matip ohe meng oh 8:44

Ihan ihat pati bap gure ita oh Satan ohmur. Gure ita Satan ohe Ihir ihat ha sashengwe naporpat danong ohwi hat saptimur. Ama han oh mong kopenat darpa tei orhor Noh hanip surit ha haputingwe daham hanipnongwi sum patesuhru pat han ohmur. Oh arpin dasi hat na pat han ohoh ihan arpin danong kom asar ihat sapat han ohmur. Dasuh da oh ohe bokdapatwi tarpam apripat ohoh ihan dasuh da ohe itap hat ma pat oh Satan orhormur. Dasuh da oh orhe bokdapatwi tarpapat han ohoh ihan dasuh meng rihanhe orhe pohon meng ohwi ripatmur.

Aposer 26:18

Noh ire patinong ma nadarheripra oh go ire mutuhnong susa ire kin kwi hat patim ma er hat sapti kin oh adipekam has yah teinong deio Satan ohe hrepdapat hat patin go ambur yah teinong deio mat ha pisashenoh rim aptei oh sus ihirnong meng pot pisapatin Got oh ire er hat sapti ma yansi mat papat yan oh it yansi na mar hanhan mar mandapramur. Mandama norhe danong ham Ohwi inahatin hatin hanwa dahatperhan ma norhor ongeng mat papat bap ire tapnong matipramur napor hangopmur potipri.

Aposer 5:3

Ire bes teinong matporhan Pita oh Go mong yan oh kat yan oh gutagute mandapat kat poprisa Gon popirmur ma ri oh Got orhe Yahsupnong dasuh deimur. Got orhe Yahsupnong ma dasuh dei oh Satan oh gwe mutuh isip nahat napapatin go ihat mengirmur.

Rom ihirnong Por oh brak atip ohe meng oh 16:18

Ama ihat pati han bap ihiroh Hanipyah orhe danong hatinmat na ihapti han bap ihirmur. Iraire ina teimdapat er da tarpam tohormi tahat son ohe danong hat sapti han bap ihirmur. Ama ihirdapat Nuhurnong er nahatin han bap ihat apripti ma hapat ma na dahat pati ihirnong oh ambar yah meng tei pora gapa mar wan mandapnong pramat pisapti han bap ihirmur.

Rom ihirnong Por oh brak atip ohe meng oh 16:20

Ihat sayahanoh manap gosham yah hat paten dasi nahapat Got orhor kimsi orhor er han Satan ohnong ambapte mar gure hrepnong matipramur. Gin Got gorhe damdapat orhor Noh ihirnong imat yah matpora ma dahapat da oh ihirnong apris pomat paptenmur por nadahandeipatmur.

2 Korin 11:14

Gin gur Por oh yahnap hat pati han bap ire boknong ihir er hat pati han bapmur ma napor moh kinham sa ginapor daham da darhetipri. Da darheriyahanhe Satan dindi han ohnong dahatinmur. Oh ernap han orhor dindi hapat teimdapat enser has yahnap yah dasi han hatin hapatmur.

2 Korin 11:3

Imat mihih nahat napapatin hasiap oh dasuh dakuu meng oh Ip uhnong por ma dasuh matipru gurnonghe inahatporhan gure Krais ohnong rum mutuh mat ma papti da oh mandam er matipri rim noh gurnong ake tom nahat napapatmur.

2 Korin 12:7

Nohe yahnap han hanip kintei na ritin hatin han tit ma wamtir ohe pe oh Got oh Por oh Nohwi ihtin han rim orhe danong hatin ohe danong hatipra. Orhe boknong ihtin dahatiprarim Satan go ohe boknong trah ban supsi matinmur potporhan Satan oh arpin nohe boknong moh trah ban sup argonahat napapatmur. Inahat napapat ohoh ihan noh kinhat Nohwi ihtin han kasip han hat patmur ritiproh. Na giritin ina hat patmur.

2 Korin 2:11

Satan ohe merwi naham ma namkarpat da oh dir am hat patimur. Ihan it yansi mar na mandayahanoh ohe merwi naham er nahatipra ma hapat daham gure dahat na patem ma mandatiproheru nohe dahe ihat dahat na patem tap mat orhor mandatiprohmur.

2 Korin 4:4

Ihat ma na dahapti oh kakdah moh ohe kakhan Satan oh ihirnong da aban mat papatmur. Da aban mat ma papat oh ihir Krais Got orhor hatin han oh has hat patin orhe has da yah meng oh ihirnong potperhan ama has meng oh ihir wamar daham am hatipririm Satan oh ire danong aban mat papatmur.

Epesas 4:14

Hanip yah ham orhor hatin hama it brer gar ire dahapti da hatinhe na hapti ohe da ohmur. Brer gar ire dahapti da hatin hat ma pati han ihir mamaru hat dahat patimur. Dasuh han ihir aprisa manap mengtei dakuu meng hatin mat meng poriyao Moh arpin dakuu hanhe dahatin ohe da pinggiyao haptin ihir Arpin dakuu meng naporiya ma hapat daham ti meng ti mengnong oh ihir amram dindeiptimur. Ti meng ti mengnong amram dindeipti ihir tom hru tei ohe manduu kat ma inim oh mer mat pisao popiro deipat hatin hat patin pramar pisaya popriya mar papti han bap ihirmur.

2 Tesaronaika 2:3

Ama dasuh meng ohnong amrapririm mohnongri dahat patenmur. Mamarumur. Hanip ruumsan kat han ihir Got ohnong sakarap mar kom atin da ohri popriyao Got ohe danong na ham isipnap er hat pat han orhornong eimat timbas hatin han ohri pitap tei ham apiro ama ihat pati han bap ihirri hat apriprimur. Ama ernap han oh na apin pat ohoh ihan ama ihat dasuh meng naporiyanong asoh Arpinhe dahapri. Arpin han oh kom apripra ohoh.

1 Timoti 2:14

Manhetporhan dasuh han oh Adam ohnongri dasuh matipda. Basra. Ip uhnongri dasuh matporhan uh Got ohe mengnong amkatipmur. Imtip ohoh ihan noh kuu ihirnong meng oh Gurri meng oh poripri por baso porpatmur.

2 Timoti 3:13

Er danong hat sapti han bapo Nuhur yah hanmur rim dasuh hat sapti han bapo ama ihat er hat sapti han bap ire er da oh isip hat isip hatwi sasipramur. Isip hat susa kuuhan ihirnong dasuh mat pisaptin Satan oh it irairnong dasuh mat pisasipramur.

Hibru 2:14

Jisas oh Got ohe nohnong napripat brer ihirsi; nuhur tap hat mama pati ohmur ma ritip oh hanip ina hat pati bap dirnong ginapotipmur. Ma ginapotip oh Ihir hanip ina hat patina Satan oh ihirnong haputin ohe kasip ohsi ambapte mat papat ma hapat. Ihan noh hanip watah inasi hapat hapura Satan ohe ihirnong haputin inasi mat papat kasipnong moh noh atimbas matpora.

1 Pita 5:8

Gur guragure da oh inin ham ongeng mat paptenmur. Paptem mahaw han Satan oh raion kot samin hatin hanip ihirnong sum diporim ut tit angtahat apripat ohoh ihan sum nadiprarim gur inin hat patim watahat patenmur.

1 Jon 5:19

Dir am hat patimur. Kakdah moh ohe erer gon oh gonsi Satan ohe hrepnong mat papatmur. Papatmura; Got orhe brer hat pati dirnong oh Got orhor orhe hrepnong nahat napapatmur.

Jut ohe brak mat atip ohe meng oh 1:9

Ire na kas ham ma dasei meng por ma ihat sapti da oh duuptei hat pat han enser Maiker oh duuptei enser hat pat han orhor ihtin dasei meng oh Satan ohnong na potipmur. Imat ma na potip oh Satansi; enser Maiker ite Moses ohe sein oh Noh sein itiproh. Es. Noh sein itiproh gosham sakarap goshaya tei oh Maiker oh Noh rih hassi han hat patesuh hannong moh noh imtipora na daham dasei meng na potipmur. Na pora be Hanipyah orhor gonong sa inahatipra pora na imar Got orhe bes teinong mat mandatipmur. Oh imat mandatip ohoh ihan ama dasei meng poripti bap ihir kianorim aw tei mahat ma pati yah enser ihirnong dasei meng por indeipti.

Erer tarpatipra 12:12

Satan ohnong tapan kakdahnong anduta ohoh ihan aw tei mama pati han gur amam henmuro. Kakdah ama tom hru tem pati bapo mong tei pati bapo gur hinhinsi han bapo. Satan oh Nohnong kakdahnong ma nahaya oh noh gar dik pok tit inporhan it nang natpatipri ma hapat daham heisup isip ama hah ohmuro. Ama heisup hah ohe pe oh gurnong er nahatipra ohoh ihan gur hinhinsi han baprano. kasip mengtei gigosham hangopa.

Erer tarpatipra 12:3

Uh kopen ihpatin ma tarpatipra kis han tit aw tei mahat pitap hangop. Ama pitap hatip kis han oh tom hru tem pat han dam isipnap oh heimsi ina hatin hama kak oh beshei kaksi dam oh pitap hangop. Ambahhe kathei ambahsi kak tei patgop. Kakunghe kakhan ire kakung aripti hatin beshei kaknong an patgop.

Erer tarpatipra 12:7

Uhnong imat paptin orhor Got ohe enser Maikero orhe hrep pati han ensero ihirsi; dam ohsi aw tei mahat tandarpama gusungopa.

Erer tarpatipra 12:8

Gusuma damo orhe hrep papat er ensero ihirnong enser ire merwi mara Gur aw tei moh na indin hatin han bapmuro pora tahe por kakdahnong moh deingopa.

Erer tarpatipra 13:14

Ohri pat han ohe kintei na wandeipti han ma imtip oh Got oh ha imtinoh daham wamat patin indeingop. Imtiporhan kakdah pati han ihir gonsi ohe dasuh da ma indeinong wamara Moh arpinhe dahaya hangopa. Ihat dahatperhan kurwah oh Gur ohri kurwah kak moh sein sutperhan it si hama it dasi ham ma pat han ohe danong ham orhe win adaptuhutinmuro. Orhe winnong adaptuhutinmat oh orhor hatin irat bok tit gatmara orhor hatin arhur kis mar orhe winnong adaptuhutinmuro por kasip mengtei pongop. Potporhan ihir arpin ihangopa.

Erer tarpatipra 16:14

Ama mongsup er bap ire atem kat maraya bap ihir hanip dire na wandeipti da ma deipti mongsup bap ihirmur. Ihir marasa aw pe mong pe ohe kakhan bap ire patinong susa Gin gur kasipnap Got ohe isipnap dik ma natip dik oh gin hah ma hapat dahatinmuro. Daham ohsi gusutinmat tap tei hatinmuro pora ambur tap teinong matinmat ambur sangopa.

Erer tarpatipra 18:2

Has mat sara Babiron ap mutuh mihat timbas hatipramur daham kasip mengtei Gin timbas hahmuro. Winsi Babiron ap mutuh moh gin tambor taham timbas hahmuro. Timbas hatporhan gin mongsupo heim kapkapirian er dao er nero por ma dasei deipti nero ama er bap ire paten ap mutuh mong hahmuro.

Erer tarpatipra 18:23

Ama ap mutuh oh tanggam hashe it ti na wamtiprimuro. Kuu han gosdatperhan kuumi asar meng saripti menghe it ti na amratiprimuro. Rih mama ap mutuh maire tamohopti han ihir kasip han hama ire hrepnong mat papteshemuro. Ama ap mutuh ihirdapat mong mong gonsi ihirnong mareip deipti ohe tan mara danong amareip deishemuro. Ihashe ap mutuh oh gin eimat timbas matipramuro ringop.

Erer tarpatipra 19:20

Gusutinmat tap tei hatperhan hos bas tongnom sapat han orhordapat kurwah ohnongsi; orhe kasip apriporhan ihirnong dasuh deisuh han ohnongsi ama ihitnong net pongop. Kurwah orhe kasip apriporhan orhe kintei orhor na imtin hatin han ma indei ohsi kurwah ohe win braksi bapo irat bok kurwah arhutperhan ohe danong hapti bapo ama ihirnong dasuh deisuhmur. Ama indeishe han yot ihitnong hos bas tongnot sapat han ohdapat ihitnong net pora da patin orhor tahe por kwei har ham mianpang hatin hapat kurgwesi ham har hapat dahnong tahe por mandangop.

Erer tarpatipra 2:13

Orhordapat gure orhe nita hat patim ma ihat saptinong oh orhor am hat patri. Gure aptei oh oh am hat patri. Satan oh duuptei han hat pat apteiri. Ihtin aptei orhor Jisas orhe danong hat ma pati han gur Nuhur Satan gwe han basmur. Nuhurri Jisas orhe nita bap nuhurmur riptiri. Gure orhe danongwi ma kasip hat pati oh orhor am hat patri. Gur orhe danongwi kasip hat patin Antipas ohnong Jisas ohe danongwi ham ohe meng pomat pot pisapat hano rim ohnong Satan ohe napapat aptei oh sutperhan gur na gapa hama orhe danongwi kasip hat patiri.

Erer tarpatipra 2:24

Taiataira aptei kat kuuhan gur Jeseber urhe er hat sapat danong dindeipti orhor kat kuuhan gur urhe er hat sapat danong na dimara kat ihir Satan ohe mutuh awam mengnong amram ma dindeipti awam meng oh gur na amraptiri. Ihapti gurnong oh oh ina ruumsuphe gure boknong ti na nahaprari.

Erer tarpatipra 2:9

Orhordapat gure orhe nita hat patim ma ihat saptinong oh orhor am hat patri. Gurnong ina ruumsi nahat napapti dao gure borop han hatin hat pati dao oh orhor am hat patri. Orhor wanahah oh kakdah moh borop han hatin hat pati orhor Got orhe kinteinong oh erer ruumsansi hat pati han bap gurri. Juda hat pati han kat han ihirdapat Nuhurwi Juda bap hat patimur rim gurnong dasuh naham dasei meng naporiyao hat ma sapti oh orhor am hat patri. Ama dasuh nahat napisapti bap ihir arpin Juda bap hat pati basri; ihir Satan ohe nita han bap hat patim ginaporiptiri.

Erer tarpatipra 20:10

Ihirnong sum timbas matporhan Satan oh ihirnong dasuh mat pisapat hano rim Got oh tahe por kwei mianpang hatin har hapat dahnong matipramur. Ma matipra dah oh kurwahsi; kurwah orhe dasuh meng pisapat hansi ite ma matir dahnong oh tahe por mandatipramur. Tahe por mandatporhan ihir batbet oh duut orhor kwitem timbas mong da timbas dipdipwi batbet dar pateprimur.

Erer tarpatipra 20:8

Arpit mandatporhan oh marasa Goksi; Magoksi aw pe mong pe mong mong mama pati han bap gonsi Goko Magoko ma poripti ihirnong dasuh mat pisapramur. Dasuh mat pisaporhan ihir Arpin ma hapat dahama Satan ohe danong na hat pati bap ihirsi gusutinmat tam ban hatin na satin hatin han bap ihir tap tei hatiprimur.

Erer tarpatipra 3:9

Gur dahatinri. Kat Juda hat pati han ihirdapat Nuhurwi Juda bap hat patimur rim dasuh meng riptiri. Ama ihir Satan ohe nita bap ihirri. Ama dasuh meng ripti han bap ihirnong oh orhor arpin Juda han Got orhe nita bap gure hrepnong namtiprari. Namtiporhan ihir nuhurnong gin ire hrepnong nahah ma hapat daham gure tong duup oh katin takir tongnotipriri. Tongnopti Gurnongwi orhor arpin bopor nahat napapat han gurmuro napotipriri.

Erer tarpatipra 9:1

Gahan hathat enser oh pong poripti han oh meng matporhan noh wandeioh merum tit tapet wasa kakdah pat hangop. Patin tanggap ditinhe timbas ohe tanggap tem daputin ohe ki oh apingop.

Erer tarpatipra 9:20

Ama yitir er sup ire ma yot mandaya tit suya ma hayanong oh na sum ma mandaya han ihirdapat wandeipti Epe. Dire ma hanip kaksi mengriyao kweisi mengriyao ma hat sapti moh dir er hat sapti sa. Ihan dirri moh mandatper na daham na mandatin ina hangopa. Tamam ire duuptei han ohnong armi deiyao ketsup mongsup ama sup bap ihirnong armi deiyao ama ihtin danong na mandatin ina hangopa. Dire Gotmur por gor kweio sirpa kweio bras kweio be kweio irato ohsi iraire bes tei manhepti ama kin timbas nat tem timbas buh timbas ama ihtin da timbas bap ihirnong Moh dire dasi Gotmur por armi deipti danong oh na mandatin ina hangopa.