Erer tarpatipra 12:4 - Oksapmin

⁴ Pat oh weim ohsi merumnong tit pet kakdahnong dei yot manda imatwi pet pisangop. Ihama brer ake supat kuu uhe duup oh uh brer sarit brer oh dat adiporim wamat patgop.

Erer tarpatipra 12:4 ပူးပေါင်းရင်းမြစ်များ

Jon oh yah meng ma brak matip ohe meng oh 8:44

Ihan ihat pati bap gure ita oh Satan ohmur. Gure ita Satan ohe Ihir ihat ha sashengwe naporpat danong ohwi hat saptimur. Ama han oh mong kopenat darpa tei orhor Noh hanip surit ha haputingwe daham hanipnongwi sum patesuhru pat han ohmur. Oh arpin dasi hat na pat han ohoh ihan arpin danong kom asar ihat sapat han ohmur. Dasuh da oh ohe bokdapatwi tarpam apripat ohoh ihan dasuh da ohe itap hat ma pat oh Satan orhormur. Dasuh da oh orhe bokdapatwi tarpapat han ohoh ihan dasuh meng rihanhe orhe pohon meng ohwi ripatmur.

1 Pita 5:8

Gur guragure da oh inin ham ongeng mat paptenmur. Paptem mahaw han Satan oh raion kot samin hatin hanip ihirnong sum diporim ut tit angtahat apripat ohoh ihan sum nadiprarim gur inin hat patim watahat patenmur.

Erer tarpatipra 12:7

Uhnong imat paptin orhor Got ohe enser Maikero orhe hrep pati han ensero ihirsi; dam ohsi aw tei mahat tandarpama gusungopa.

Erer tarpatipra 12:9

Ama kakdahnong tapan andutpa dam oh pohon patesuh Satan ma poripti han ohmur. Oh dasuh inin meng oh dire boknong ma nahapat han ohmur. Oh aw pe mong pe mong mong moh dasuh naham er hat son dasi nahapat han ohmur. Ama han orhorsi; orhe meng pisaya popriya hapti han ihirsi tap mat kakdahnong moh tapan andungopa.

Erer tarpatipra 13:2

Ama ihtin han ohe ina oh buhdapat kot samin isip bea poripti han ire buh hatin hangop. Inamdapat pusi isipnap repa poripti han ire ina hatin hangop. Atemdapat kotwa isip raion ire atem hatin hangop. Ama kurwah ohnong dam ohdapat Go nohe hanip ihirnong norhe meng tei kasip mat papat hatin hat orhor gohe ihtin kasip orhorsi paptenmur pora kasip mara orhor hatin deipatgop.

Erer tarpatipra 13:4

Ama dindeipti bap ihir dam ohnong Oh kurwah ohnong moh orhe mengtei ihirnong kasip mat papindin han mat papat hano rim orhe danong ham amam mar armi deiptingopa. Armi deipti kurwah orhornonghe Mama han moh ohe kasip oh orhe gon hanmuro. Ihan nih ohsi gusum ohnong ambapte matiproho. Timbasnapmuro dahama armi mara orhornongwi dindeiptingopa.

Erer tarpatipra 16:13

Mandap amanhetporhan noh wandeioh dam bok ohe atem kato duuptei kurwah ohe atem kato komdapat kurwah dasuh propet ohe atem kato ama yitir han ire atem kat amdapat yitir mongsup er bap ihir sat hatin ham ama yitir han ire atem kat maraptingopa.

Erer tarpatipra 17:18

Gin gwe bisei saw kuu ma wandeioh Rom ap mutuh winsi ap mutuhnong oh wandeimur. Ama ap mutuh oh mong mong moh ohe kak hat pati han bap ihirnong gonsi orhe hrepnongwi mar papatmur napongop.

Erer tarpatipra 20:2

Wandasa dam ohnong Rih patesuh han inapawam hatin hat hanip susuhmuro. Oh kuram hatin Satan ohmuro rima ohnong akit net pora kasip nangsi biking bokong pora atpat papatin krismas 1,000 sa birhitipra pora nang atpangop.

Erer tarpatipra 8:10

Gahan bimrip enser oh pong poripti han oh meng deioh merum isip oh tanggam has hatin hat tapet kakdah wangop. Wasa sapat tomo marpat uuptemo oh tit su yot manda mat pisangop.

Erer tarpatipra 8:11

Ama merum ohe win oh irat gap ator hatin merummur. Ihtin merum oh tom ma su oh ator gapsi tom orhor hat sangop. Ihtin tom hat saporhan ihir diperhan kat han ruumsan ihir haput sangopa.

Erer tarpatipra 8:12

Gahan hatrip enser oh pong poripti han oh meng deioh atano hayopo merumo ihirnong sungop. Sutporhan ihir tit aua na has haya yot aua has haya hat sangopa.

Erer tarpatipra 8:7

Ihapti tipan enser ohri meng deingop. Meng deioh aw gweo heim haso oh duket kakdahnong deingop. Kakdahnong matporhan mongo irato oh tit dus taurpat yot dus mandapat ihat orhorwi gonsi mong mong taut sangop. Unuho kot ohe hapen ha mongo taut orhorwi sangop.

Erer tarpatipra 8:8

Gahan tipnerip enser oh pong poripti han oh meng deioh has oh yei isip gon hatin tahe pora tom sor hru dahnong matporhan het wangop. Waporhan tom oh tit dus heim tanwi has yot dus tom yah gap has ihatwi sangop.

Erer tarpatipra 8:9

Ama tom hru heimsi hah dus ohe dasi han ma pat erer oh gonsi haput sangopa. Ama heimsi hah dus ohe sip ohhe gonsi turkat sus timbas hat sangopa.

Erer tarpatipra 9:10

Ire weimhe tohah ire hanip supti ambah hatinsiwi hangopa. Ama ohsi hanip ihirnong sum batbet mat orhorwi paptin hayop hanen sutin inasi dei hangop.

Erer tarpatipra 9:19

Hos ire weim oh inapawam bok hatin kaksi hat patingopa. Ama katpe katpe kak yot ihit hanip sum batbet matin inasi kasip hama sut pisaptingopa. Sut pisaperhan hapungopa.