Aposer 5:36 - Oksapmin

³⁶ Mohnong dahatinmur. Rih Teudas oh Noh ihtin hanmur rim apdapmur. Apriporhan 400 han ihir ohsi sashemur. Saptin wan han ihir ohnong sutperhan orhe han ihir kukutperhan orhe meng ohsi tap hat timbas hatipmur.

Aposer 5:36 ပူးပေါင်းရင်းမြစ်များ

Aposer 8:9

Ama aptei han irair tit han Saimon oh amkimon han haho Nohwi ihtin hanmur rio hanipatri.

2 Pita 2:2

Ihat dasuh nahat apripti han bap ihir iraire er hat son ohe kinnong asohwi isip ham tapet apripti han bap ihirmur. Ihir ihat apriperhan kat han gon gurhe ire ihat er kin tapet saptinong asoh kat han gon gur daripri han bap gurmur. Dara ihat er hat saptin kat kuuhan ihirdapat gurnong wanahapti Got orhe meng moh yahmur rim amrapti bap maihir er hat sapti moh ihan Got ohe meng moh kasip timbas er meng ma hapat daham kom asar mandaprimur.

Erer tarpatipra 17:5

Urhe kinbi tei win oh paham win tit patgop. Ama paham win oh aptei aptei gonsi ma bisei saw hat er hat sapti ohe sup hatip ap mutuh oh winsi Babiron ap mutuh mohmur por Babiron ap mutuhnong kis mar kuu uhe kinbi teinong brak matpasi kuu uh patgop.

Jut ohe brak mat atip ohe meng oh 1:16

Ama er hat sapti han bap ihir Nuhur dipwi ina ruum dar pati moh Got oh er han hat ma pat ohe pe oh nuhur ihat patimuro poriyao arwananah ihirnong komdapat ariyao hat pati han bap ihirmur. Ama ihapti han ihir iraire er hat son ohe da moh tit tarpam hahhanhe ama ohe danongwi dindeiptimur. Ama ihapti han ihir iraire boknong armi taham win daptuhur kasip mengtei iraire win daptuhut sapti han bap ihirmur. Ihir Dir mimat gapa meng deiyahanoh ihir dirnong yah hana napora ihsen erer oh napriyao sa nahapri daham kat ihirnong imat gapa deipti han bap ihirmur.

Garesia 6:3

Gur ihtin han hat na patin orhor guragure damdapat Noh ihtin hanmur dahayahanoh guragure danong dasuh deiptimur.

Garesia 2:6

Got ohe atamreipti winsi han ihirdapathe nohnong Gwe Krais ohe meng pot ma pisapat mohsi; dire pohon meng mohsi yot mar pot pisonmur na napotpamur. Got oh Moh winsi hanhe. Moh win timbas hanhe ihat na dahapatmur. Amaru hat orhor noh Moh winsi han ohe meng moh amratpora. Win timbas han ohe meng moh noh na amratpora na dahapatmur.

Aposer 21:38

Ihan go Isip ihir rih tit ma ihtip han oh go bas ma hapat. Ama han oh rih 4,000 han ihirnong pramar ambura hanip timbas dusnong pisus Gin gur Rom gapman ihirnong sutinmur por bi atipmur pongop.

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Erer tarpatipra 17:3

Naporpat Got orhe Yahsup oh nohe mutuhnong kasip nahat napapatin ohoh meng ma napor enser orhor Got ohe Yahsup ohe kasip ohsi nambura hanip timbas tom timbas dusnong ha napisa ina hatin nahangop. Nahatporhan noh wandeioh kuu tit kurwah heimsi ina hatin ohe bas andeh tongnot patgop. Kurwah ohe bok andeh Got orhornongwi adasei matin ohe win oh nitat mat ina pepe moh gonsi itipsi kurwah oh patgop. Ama kurwah ohe kak oh beshei hangop. Ambah oh kathei hangop. Ama ihtin kurwah ohe bas andeh kuu uh tongnot patgop.

2 Pita 2:18

Ama ihapti han bap ihir iraire ina boknong tohormi tahat patim dam na timdin meng ohwi ambar meng hatin mar poriptimur. Pora diradire ina tei damdapat Noh ihahneng ihahneng daham er hapti da ohsi yah meng hatin mar tarmin bapen apin tei tohan agonom pramat pisapti ohe tan mat er da teinong pramat pisaptimur. Pramat ma pisapti oh rih er da hat sapti han ire tap hat patimdapat kopen mandama yah danong hata han ihirnong imat it pramat er da teinong pisaptimur.

Matyu 24:26

Ihan ihirdapat gurnong Krais oh hanip timbas mong asoh patmur naporiyahanhe gur amram wamtinmathe sapri. Ihir Krais oh ap ohon patmur naporiyahanhe gurri amrapri.

Matyu 24:5

Ma dasuh nahatipri oh dasuh han ihir nohe win paham rim Got oh nadarhetipramur ma ritip han Krais oh nohmur napor norhor hatin hat apris dasuh nahat apriprimur. Apriperhan kuuhan ruumsan kat ihiroh Moh arpin meng naporiyahe daham ire mengnong amratiprimur. Ihan gur inin ham potahat patenmur.

Aposer 5:35

Potporhan ihir properhan oh kaunsir hat pati han ihirnong Isrer han gure ihirnong ma imtiprohe oh daham aperipti imtinmur.