Aposer 4:27 - Oksapmin

²⁷ Ma brak matip mengru gahan arpin Heroto Pairato Isrer hano ihir Juda na hat pati han bap ihirsi tap tei hapti gorhe kis matip ongeng tahat pat han Jisas ohnong sutpero rim meng wanin matirimuro.

Aposer 4:27 ပူးပေါင်းရင်းမြစ်များ

Matyu 14:1

Gahan Jisas oh ihat sapatin Jisas ohe ma ihat sapat meng oh Gariri mong ohe duuptei hat pat han Herot oh ama amratip oh.

Matyu 14:3

Herot oh Jon ohnong ma sutip oh mamaru hat patmur. Herot oh arwap Pirip ohe kuu Herodias uhnong adatporhan Jon oh Go arwan inap adar moh sawa mengnong amkara ihpat moh ermuro potporhan oh heisup mar Jon ohnong ama karapus matip oh.

Matyu 14:6

Gahan patimdapat orhe sup uh itip dik oh hatporhan orhe yah hano ihir apris tarmuriya tei oh Herodias uhe kor uh ire pati ap dahnong marasa ama birhitip oh. Birhitporhan Herot oh wamara tam tapetipmur.

Matyu 21:28

Ama ihir ameng oh Jisas ohnong dahamtiperhan Jisas oh gur mama paham mengnong moh aper dahatinmur.

Matyu 23:37

Jisas oh Jerusarem ap mutuh ma pati kuuhan ihirnong Jerusarem aptei han gur Got ohe meng pot pisashe han propet ihirnong suyao Got ohe mengtei gure patinong darhetporhan ma apriya han ihirnong kweisi suyao ihapti han bap gur hinhin baprano. Noh gurnong ner kakaruk bap supir ire kaspas hrepnong mar yah mat paptiru nahatpor trun dahapat orhor gurdapat Go nuhurnong na inahatiprohmur dahaptimur.

Matyu 27:2

Deipti nang atpama gapman Pairat ohe patnong pisus ohe bes teinong deingopari.

Mak oh yah meng ma brak matip meng oh 10:33

Meng ma am matip oh Gur amratin. Dir Jerusarem ap mutuhnong ruptimur. Rus hat kotperhan Hanip Brer nohnong ihir nang hama napisusa Got ohe ap yawar hanat bok han ire duuptei hano sawa am hapti hano ire bes teinong nahatiprimur. Nahatperhan ihir dahanahama suyarit ha haputinoh napotiprimur. Napora Juda na hat pati han ire bes tei nahatiprimur.

Mak oh yah meng ma brak matip meng oh 15:31

Tang deiptin Got orhe ap yawar hanat bok han ire duuptei hano sawa meng ma am hat pati hano irair tap mat dasei matin dawi hapti Han moh ihirnong Noh yah deimur ma ripat han moh gin orhor oh sur per hamat sar wandas na son ina hat patda.

Ruk oh yah meng ma brak matip ohe meng oh 1:35

Potporhan enser oh Es. Got ohe Yahsup oh gwe mutuhnong hatporhan putei mahat ma pat Got ohe kasip oh gonong gianahatipramur. Gianahatporhan ama ohe kasip ohe pe oh brer tarpatipramur. Tarpama go itipramur. Gwe ma itipra brer oh yahnap han ongeng tahat orhorwi patin ihir wamara moh Got orhe brer monmur porin brer itipramur.

Ruk oh yah meng ma brak matip ohe meng oh 22:63

Gahan Jisas ohnong marim ma wamat papti han ihir ohnong sumo tang asaro deingopari.

Ruk oh yah meng ma brak matip ohe meng oh 23:1

Jisas ohnong sutin ohe danongwi hama gonsi tandeima Jisas ohnong ambur gapman Pairat ohe patnong pisangopari.

Ruk oh yah meng ma brak matip ohe meng oh 4:18

Ma sa oh Kakhan ihirnong wer kak tei amor ma kis deiptiru mat orhor nohnong Got oh orhe Yahsup ohsi Go gin mama Yahsup mohe kasip ohsi susa borop hat pati han bap ihirnong norhe yah meng moh pot pisashenmur. Pot ma pisasipra oh nang tatpat pati han ihirnong Gin gure nang tatpat ma pati oh Got oh gin arpit namdamur poro Gin gure kin kwi hat ma pati oh Got oh gin kin nadipekamur poro gipot pisashenmur. Gipot pisusa kat han ire hrepnong mar er mat papti bap ihirnonghe ambura iraire yah hat sashen ohe teinong mat pisashenmur.

Ruk oh yah meng ma brak matip ohe meng oh 9:22

Anggurpat Hanip Brer nohnong rotu ap ohe han pohono ap yawar ohe hanat bok han ire duuptei hano sawa mengnong am hat pati hano ihir nohnong garnaham batbet ruumsup nahatiprimur. Nahat patimdapat nitperhan noh haputipramur. Hapura yot dah timama bimrip oh Got oh it da napris it napamsapramur pongopri.

Jon oh yah meng ma brak matip ohe meng oh 1:11

Juda bap ihirnong Norhe han hatipri bap ihirmur por ma kis matip han ire mutuh wandas patesuh orhor ihir ohnong na ambur hahap mat papteshemur.

Jon oh yah meng ma brak matip ohe meng oh 18:28

Gahan kimsidapat Juda ihir kutkutwi Kaiapas ohe aptei amdapat Rom ire duuptei gapman hat pat han Pairat ohe apnong Jisas ohnong pisongopa. Pisusa aptei oh Dir ongeng tahat pati dik moh apnong royahan den tarmur daptinong bisei matiprio rim kot tei oh angopa.

Jon oh yah meng ma brak matip ohe meng oh 18:29

Kot tei oh patin Pairat oh marasa Gur kian meng oh ohe boknong matper ihapti por dahandeingop.

Jon oh yah meng ma brak matip ohe meng oh 19:34

Mandapti ama ami ihir tit han oh ban isip bes tei tahe poripti han ohsi Jisas ohe atoheitemnong moh tong pongop. Tong potporhan kapkap heimsi; tomsi tap hat marangop.

Aposer 10:38

Pot patin Got oh Nasaret aptei han Jisas ohnong kis mara orhe Yahsupo orhe kasipo oh ohe boknong mara apdapmur. Apriporhan oh aptei aptei oh susa ihirnong panggeio Satan ohe ma er mat papat han ihirnong pondeio mat pisasuhmur.

Aposer 2:27

Got go nohe da oh hapuripti han ire apteinong naham na namdatipramur. Go Norhemur napor kis nahat napapat han nohnong pathar timbas hatin ohe ina ohsi na nahatipramur. Gorhor inahapat ohoh ihan haputin han norhor yah hat patepra ma hapat dahat patmur.

Aposer 4:30

Nahama gorhe ongeng tahat pat han Jisas ohe win oh rim hanip dire na imtin hatin han oh imtin inasi nahatinmuro gipor dahamtipari.

Hibru 7:26

Ama ihat pat hanat bok han oh dire gapa hat pati oh yah mat napanggeitin dasi hat patmur. Napanggeitin hatin ma pat oh mamaru hat patmur. Hanip dire kintei oh er hat na sapat hanmur. Yahnap hatwi pat hanmur. Biseihe na ham ongeng tahatwi pat hanmur. Hanip dire er hat sapti hatin hat na pat hanmura; Got orhe mihih hat pat hatin hat pat hanmur. Got orhe yah da oh duung dasi mar ongeng mat aw tan ohe tei puteinap mahat daptuhut papatin papat hanmur. Oh ihtin han hat pat han ohoh ihan dirnong napanggeitin hanat bok han hat patmur.