Aposer 28:8 - Oksapmin

⁸ Nahatporhan nuhur ap ham royaoh ohe itap oh geipsup ham ina har supsi ham er hat patgop. Ihat er hat pathan Por oh ohe er hat pat dahnong rosa ohe boknong bes marima Got ohnong dahamtiporhan oh yah hangop. Yah hatporhan orhe mon oh yah hat napapatin nuhur atei yitir dah timdipa.

Aposer 28:8 ပူးပေါင်းရင်းမြစ်များ

Matyu 10:1

Gahan Jisas oh orhe namgit napisapat nathei han nuhurnong Nohe patnong aprina napor unangop. Unatporhan nuhur apriperhan oh Gin gur nohe kasip mohsi mongsup ga aperiyao tihan er sup tihan er sup oh pondeiyao ha hatingwe rim norhe kasip oh gure basnong nahahmur napongop.

Matyu 10:8

Pot pisusa sik hat pati ihirnong yah deiyao mongsup ga aperiyao hapuriya ihirnong pamsayao ina mong mong moh tohohet patisi han ihirnong yah deiyao mat pisashenmur. Noh gurnong mama kasip napir moh gurdapat it nohnong yan ha napingwe rim na napirmur. Musum be napir ohoh ihan gurhe ihirnong yan timbas be yah mat pisashenmur.

Matyu 12:13

Pora bes tan wa han ohnong Gin gwe bes tan oh dirhis potin potporhan oh arpin bes dirhis poroh yahnap hapat bes tan ma hat patru hangop.

Matyu 9:18

Porpatin rotu apnong wamat papti han tit apingop. Aprisa Jisas ohe duup oh mong tei wah katin takira Nohe kor uh kopen haputmur. Ihan go susa bes oh uhe basnong matporhan it da sa apriproh pongop.

Mak oh yah meng ma brak matip meng oh 16:18

Hapti gur inapawam mariyao tom danwa danotin tom dayao hapri orhor er ham haputin oh na hapuriprimur. Sik hat pati han ihirnonghe bes oh ire basnong marinperhan ihir yah haprimur pongopri.

Mak oh yah meng ma brak matip meng oh 5:23

Timapat Nohe brer kor uh haputin ina hatmur. Ihan go aprisa bes oh uhnong matporhan uh it sa yah hatiproh por kandeingopri.

Mak oh yah meng ma brak matip meng oh 6:5

Gipora ihir ohnong Ohwi imtin hatin hanwa na dahatperhan oh na imtin hatin han oh kinmat imtin hangopri. Er hat pati ut han ihirnongwi bes marima pondeingopri.

Mak oh yah meng ma brak matip meng oh 7:32

Kotperhan han tit nat kitipsi han pang meng hat mengripatsi han tit popingopari. Poprisa Jisas ohnong Gin go ohnong bes marim yah matina por kandeingopari.

Ruk oh yah meng ma brak matip ohe meng oh 13:13

urhe basnong bes asar marinporhan uh asut orhor yah hama kopitam tindirhira yah hat tandeim susa Got ohnong win adaptuhur armi deingopri.

Ruk oh yah meng ma brak matip ohe meng oh 4:40

Ihama atan wayon kakduup hah tei sahsah sik hat pati han ihirnong arwapir ihir Jisas oh ha pomtinoh rim ohe patnong popingopari. Popriperhan oh ama ire boknong gonsi bes marim pisusa yah mat pisangopri.

Aposer 28:7

Gahan ama tom goh ohe duuptei han Pubrias oh orhe ap oh nure pati kakduup oh hangop. Hatporhan oh nuhurnong nambur napisus ohe apnong oh nahangop.

Aposer 28:9

Gahan ohnong ma yah matir ohe meng oh ama tom goh mong pati ihir amram sik hat pati han ihir Por oh nuhurnonghe amaru mat ha yah nahatinoh daham apriperhan Por oh ihirnong yah mat pisangop.

Aposer 9:40

Pinggitperhan Pita oh kuuhan ihirnong ap kot dahnong darhera oh katin takir tongnopat Got ohnong dahamtipri. Dahamara uhnong wandeipat Tabita. Gin go masona potporhan uh kin tadipekas rim Pita ohnong wandeingopri. Wandeipat masas tongnongopri.

1 Korin 12:28

Dir orhe buh bes ina ham nitat ina pe hat ma pati oh mamaru hat patimur. Got oh dirnong ma Krais orhe boknong naham ma Norhe natamreindin oh mohri hat patmur daham ma napripat oh aposer hat paten ohe da napripatmur. Komdapat tipnerip atamreindin ma napripat oh orhe meng pot pisashen da napripatmur. Bimrip ma napripat oh meng am mat pisashen da napripatmur. Ama ohe komdapat ma napripat oh hanip dire na imtin hatin han asoh imtin da napripatmur. Ama ohe komdapat ma napripat oh sik hat pati han ihirnong pondeiyao arwananah ihirnong panggeit pisayao kat ihirnong ire hrepnong mar papayao meng tunmat hatin meng riyao ama ihat nitat hat atamrein ohe da oh napripatmur.

1 Korin 12:9

Ama tit Yahsup orhordapat tit han ohnong ma apripathe Got ohwi imtin hatin hanwa dahatin ohe da oh apripatmur. Tit han ohnong ma apripathe sik hat pati kuuhan ihirnong pomat pison ina da apripatmur.