Aposer 19:22 - Oksapmin

²² Pora orhornong panggeipti han yot Timotisi; Erastas ihitnong Gut Masedonia mongnong sonmur por Masedonia mongnong darhetipri. Darhera oh Esia mong orhor indipri.

Aposer 19:22 ပူးပေါင်းရင်းမြစ်များ

Aposer 13:5

Tom goh mong Saiprasnong susa Saramis ap mutuh oh kotpari. Koripti ama ap mutuh Juda bap ire rotu ap ap oh rosa Got ohe meng oh pot pisasheri. Pot ma pisashe oh Jon Mak ohhe ite tapnong ham ihitnong panggeit pisanipatri.

Aposer 16:1

Gahan Porsi; Banapas ihit Derbe apteinong susa ama aptei amdapat Ristra apteinong pipari. Susa Ristra aptei oh koriyaoh Jisas ohe danong hat pat han tit patgopri. Ama han ohe win oh Timoti oh. Sup uh Juda kuu Jisas orhe danong hat pat kuu uhmur. Itap oh Grik ihirmur.

Aposer 16:3

Pathan Por oh Go Juda bap ire mutuhnong go diradir saprohemur. Sonmat oh ihir gwe ita ohnong Oh Grik ihir ohoh eit watah na gatmatipmur dahat pati ohoh ihan go Juda nuhur hatin ham eit watah gatdeirit saprohemur pora eit watah agatmatpari.

Aposer 18:5

Porpatin gahan Sairassi; Timoti ihit Masedonia mong oh patimdapat apingopari. Apriperhan Por oh Jisas orhe meng oh potin danongwi ham Juda bap ihirnong meng pot indipri. Meng ma pot indip oh Got orhe hanip ihirnong amburin hanmur por ma kis matip han oh Jisas ohmur por paptesuhri.

Aposer 19:10

Ihat patin krismas yot birhingopri. Krismas yot dahanggoshat ma pateshe oh mong Esia han Juda bapo Griko bapo ihir gonsi Hanipyah ohe meng oh am hangopari.

Aposer 19:21

Hanip yah orhe meng oh artahat sus kasip ham isip hat saporhan gahan Por oh Gin noh Jerusarem ap mutuhnong sonmat oh Masedonia mongo Akaia mongo among mutuh kat oh sapramur. Susa Jerusarem ap mutuh patdapat Rom apteinong sapramur potipri.

Aposer 19:29

Goshapti kasip mengtei sakarap gosham iraire mengnong amkat patin amkat patin gosham meng bap goshat ama mengitpa oh. Ihapti ihir Por ohsi; Masedonia mongdapat tap hat apdori han yot Gaiassi Aristakas ihitnong net pora marim pohon tarmuripti teinong pisangopari.

Aposer 20:1

Imat okmar darhetporhan gahan Por oh Jisas ohe danong hat sapti bap ihirnong tap tei mara ire danong akasip mar meng por kapkep deipat oh Masedonia mongnong pipri.

Aposer 20:34

Na abopor mara norhe marindin asohwi ihpatmur. Ihpat norhorsi ma pati han ihirhe ire erer oh hatip ham timbas hatporhan nohe marindin erer oh dara ire ma hatip haya han oh apris panggeipatmur.

Rom ihirnong Por oh brak atip ohe meng oh 16:23

Nohnong nambur napapao Sios gonsi bap ihirnong yah mar papao deipat han Gaias ohhe gurnong Ihirhe sa yah hat patio rim dahatahatporhan noh gurnong mama brak mat na sar ohmur. Mama ap mutuh han ire mani itperhan wamat pat han Erastas ohsi diradire taptem Kwotas ihit gurnong Ihirhe sa yah hat patio rim dahatahatperhan noh mama brak nasar ohmur.

2 Korin 11:9

Noh gursi patin nohe erer oh hatip hatporhan Gin gur ti napanggeitin napor ina ruum gure boknong ti na naprisuhmur. Noh hatip hatporhan diradire taptem ihir Masedonia mongdapat patima aprisa napanggeishemur. Ihan noh ina ruumsup gure boknong ti na naprisuhmur. Ama imat ma na naprisuhru hat patru hat orhorwi napaptepramur.

2 Korin 2:13

Ire danong amamen mat papatin orhor noh Korin ire meng oh Taitas oh kianan napotiproho daham angmar ti na pathan ama ohe ruumsup da oh namkat napapatin ohoh ihirnong kapkep mara Taitas oh Masedonia mong tei patkin rim Masedonia mongnong wamar pipmur.

2 Korin 8:1

Nure taptem bap gur Got orhe damdapat Masedonia mong ma pati ihirnong mihtin yah da oh apripora daham ma apin pat da ohe pemdapat ma ihtirinong oh gur dahenmur.

2 Korin 8:19

Ama ihpat ohwi basmur. Tit ma ihpat oh Sios bap ihirdapat ohnong Gin hatip hat pati han ihirnong panggeitinmat atperhan Poro ire ma apisaya mani oh go tap apisashenmur pora kis mat papti han ohmur. Ama han ohsi nuhur Got orhe winnong adaptuhut pisayao nure ihirnong panggeitper ma dahaya da oh pitap teinong mar pinggit pisayao hatinmat ama han ohsi tap hat mama sapti ohmur.

1 Tesaronaika 1:8

Ma am hatiri oh Masedonia mongo Akaia mongo ama pati han ihirwi na am hatirimur. Gure bokdapat Hanipyah orhe meng ohsi; gure Got ohe danong hat pati da ohsi tarpama mong mong oh gonsi saporhan ihir amrama am haptimur. Gin gure Got ohe danong hatin da oh am hatiri tei ohoh ihan nuhur ihirnong na potiprohemur.

2 Timoti 4:20

Erastas oh Korin ap mutuh patin noh apdapmur. Aprisa gahan Tropimas oh Miritas aptei oh sik hatporhan noh atei mandama apris mama pat ohmur.