Aposer 18:23 - Oksapmin

²³ Susa Antiok aptei indipri. Antiok aptei patdapat gahan susa Garesia mongo Prigia mongo ama aptei aptei oh Jisas orhe nita taptem ihirnong meng por ire danong akasip mat pihipri.

Aposer 18:23 ပူးပေါင်းရင်းမြစ်များ

Ruk oh yah meng ma brak matip ohe meng oh 1:3

Ihir imat brak matiri orhor nohnong oh ama meng oh gonsinong oh noh potahat dahatahama pomat dahapat ohri ma ihat sasuh meng ohri daham brak deipat noh imat tit tit mat brak matpora daham mama brak mat nasar ohmur.

Ruk oh yah meng ma brak matip ohe meng oh 22:32

Satan oh gonong kis nahatpor ihah ohoh ihan noh go nohe danong hat sapat ohe da oh mandatipra rim noh Got ohnong naporpatmur. Imat naporpat ohoh ihan gwe er da tit ma hatiproh da oh mandama it norhe danong hatiprohmur. Hama gorhe taptem ihirnong norhe danong hat pati ohe da oh kasip mat pisashenmur pongopri.

Ruk oh yah meng ma brak matip ohe meng oh 22:43

Por dahamtiporhan Got ohe meng pisaya popriya hapti han enser ihir tit han oh aw tei mahatdapat wandasa Jisas ohe danong ama akasip matip oh.

Aposer 14:22

Meng pot ma pihipa oh Gur Jisas orhe danong mama hat pati oh ama danong orhorwi kasip hat orhorwi patenmur. Got ohe napapindin teinong ma sapri oh ruumsup nahat napaptin orhor saprimur. Ihat ruumsup nahat napaptin orhor sapri ohoh ihan Jisas orhe danong hat pati da oh kasip hat patenmur poripti Jisas orhe danong ma hat pati ire danong akasip mat pihipari.

Aposer 15:32

Amam hatperhan Judassi; Sairas ihit Got ohe meng pot pisapti han yot ohoh ihan ite menghe trun pora Jisas orhe nita taptem bap ihirnong kasip mat papinpari.

Aposer 15:41

Darhetperhan ihit Siria mongo Sirisia mongo ama mong aptei aptei sios bap ihirnong meng por da akasip mat pihipari.

Aposer 16:40

Potperhan Porsi; Sairas ihit karapus ap oh mandama Ridia uhe apnong pipari. Susa atei oh Jisas orhe nita taptem bap ihirnong meng pora kasip deipti ihit wan apteinong pipari.

Aposer 16:6

Gahan Got orhe Yahsup oh Poro ihirnong Gur nohe yah meng moh Esia mongnongri pot na pisaprohemur potporhan ihir arpin amongnong na susa Prigia mongo Garesia mongo ama mong ohe aptei apteinong oh meng pot pihipari.

Aposer 19:1

Gahan Aporos oh Korin aptei oh patin Por oh Antiok apteidapat Esia mong mutuh oh susa Epesas aptei oh koroh Jisas orhe nita taptem kat han ihir ti patingopari.

Aposer 2:10

Prigia mongo Pampiria mongo Isip mongo Sairini kakduup Ribia ohe kat pe Krit mongo Arebia mongo among among nitatdapat apris pati bap diro Rom ap mutuh ohe rih orhor ma pohon Juda hat pati ihiro kopen ire tapnong ham Juda hatiri ihiro dir nitat meng natip orhor gin ire mengriya meng moh mengitperhan dir gonsi diradire nitat mengtei amraya moh kinhayao.

1 Korin 16:1

Gin gure Got ohe nita bap Judia mong ma pati bap ihirnong panggeitinmat mani ma tap tei mat asaripti ohe meng oh napotiprohmur. Ma napotiproh oh Garesia mong pati sios bap ihirnong Gur imat asarinmur ma potip meng hatin mat orhor gin gurnonghe imat orhor napotiprohmur.

Garesia 1:2

Nohsi; Jisas ohe nita ihirsi nuhur mama brak mar Garesia aptei aptei sios gurnong mama nadarheriya ohmur.

Garesia 1:9

Nohe ma ri oh it ritiprohmur. Tit han tit aprisa gure yah meng ma am nahatpa meng oh mandama wan meng tit naporhanoh ama han oh irat has teinong eimat ha sonohmur.

Garesia 4:14

Nohe ina bok moh sik ham tihet patin orhor ma napot indip oh dasei nahatin hatin sik nohe boknong hat patin orhor gur nohnong dasei naham kom na natpamur. Kom na nasara Got ohe atamreipti han enser ihirnongo Krais Jisas ohnongo ihirnong ha amburiya hatin hat amam hat nambutpamur.

1 Tesaronaika 3:2

Timoti moh diradir tap hat Got orhe atamreindin oh atamreim yah meng pot pisapat han Timoti ohnong gure patinong nadarhetpera daham ohnong Go Tesaronaika apteinong sonmur. Susa kat ihirdapat Tesaronaika ihirnong imara ruumsup mat ma papti ohe pe oh Got ohe danong hat pati ohe da oh ihir gapa ham mandatipririm Timoti go susa kasip matinmur por ama nadarhetiri ohmur. Gurnong ruumsup naham ma inahapti oh Got oh Norhe nita kuuhan ihir mihat ruumsup datiprimur daham kis nahatipmur. Ama kis nahatipnong oh guragur am hat patimur.

1 Tesaronaika 4:18

Dirnong ihat nambur napapindipra ohe meng oh arwananah ihir saheih da hayahanhe mama meng moh pora da ayah deinmur.

1 Tesaronaika 5:14

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.