Aposer 17:32 - Oksapmin

³² Por oh ameng oh potporhan hanip haputporhan it da pamsuhup ohe meng oh amrapti kat ihir Epe. Hanip eimat hapuripti moh it pamsuhupmur ri meng moh na dahatin meng tit ri moho rima dasei hangopari; kat han ihir ohnong Gwe mama naporpat meng mohri nuhur it titsi amratiprohemur pongopari.

Aposer 17:32 ပူးပေါင်းရင်းမြစ်များ

Ruk oh yah meng ma brak matip ohe meng oh 14:18

Darhetporhan oh sus ihirnong ama potip oh. Potporhan tit han oh Noh aprin orhor mong tit kopen namdata ohoh ihan noh ohnong wamar sapatmur. Ihan noh kinhat aprin hahmur pongopri.

Ruk oh yah meng ma brak matip ohe meng oh 22:63

Gahan Jisas ohnong marim ma wamat papti han ihir ohnong sumo tang asaro deingopari.

Ruk oh yah meng ma brak matip ohe meng oh 23:11

Ruumsan matperhan Heroto ohe ami bapo ihir Jisas ohnong Gwe kasip timbas borop go por dasei mar tang asaringopari. Tang asara kakhan ire aripti watah yahnap dapsi tit dar popris ohnong dasei mar angopari. Aripti it Pairat ohe patnong darhengopari.

Ruk oh yah meng ma brak matip ohe meng oh 23:36

Imtiperhan dupsi han ihirhe er dasansi wain gap san tit dar poprisa Moh diprohhan dina por atem teinong dip adeingopari.

Aposer 13:41

Rih ire ma brak matpa meng oh mamaru hat patmur. Dasei hapti han gure mutuh oh Got noh tit han tit namgitipramur. Namgitporhan kat han ihirdapat Got ohe dirnong ma namgipat oh mimat namgipatmur napotipri orhor gur dasei mar kom asar na dahatiprimur. Gur ihtin ina hat pati han bap gur ohoh ihan nohe ma namgitipra oh gur wamara Moh kinhatin han sa namgi daham orhor guragurnong timbas ham haputinmur. ritporhan brak matpamur potipri.

Aposer 17:18

Dahanggoshat patin gahan Epikurian ire meng ma am deipti hano Stoik ire meng am deipti hano ihir apris ohsi meng dahanggoshatpari. Dahanggoshapti kat han ihir Na daham mengripat han moh kian meng sa naporpat ringopari; kat han ihir Es. Por oh Jisas ohe masas pip ohe meng oh naporpat moh wan apsup ohe meng tit ohe boknong mar naporpatkino ringopari.

Aposer 17:31

Ama ginaporpat han orhor Noh norhe dahat pat dik oh hatporhan mama han orhe dap teidapat duutin dasi mat orhorwi satipramur daham ama imtipra diknong oh orhor kis mat papatmur. Orhe kis mat papat danong oh ha am hatingwe rim orhe ma kis matip brer oh haputporhan da oh it pamsuhupmur potipri.

Aposer 17:33

Potperhan Por oh ihirnong mandama orhe pat apnong hatipri.

Aposer 2:13

Ihir ihat apetperhan kat han ihir Es. Mama han ihir er tom dam sus da ban taham ihat mama mengripti ohwa por ama dasei matpa oh.

Aposer 24:25

Pora hanip dire ma duung dasi ham ongeng taham yah hat sapti da mengo yah da oh hanip diradire hrepnong mar papti ohe da mengo kaput ma Got orhe apris dirnong dahanaham nasatipra ohe da mengo oh potipri. Potporhan Piriks oh kas hama ohnong Gin gwe meng oh kiwa. Sonmur. Kwit noh it gwe mengnong namratpor dahah tei oh it unatipramur pongopri.

Aposer 25:19

Ama ihtin meng oh ohe boknong na mara iraire rotu hapti ohe meng gusupti mengo ire Jisas oh eimat haputipmur ma dahapti danong oh Por oh it masas patmur ripat ohe mengo ama ohe meng ohwi ohe boknong matpamur.

Aposer 26:8

Got oh arpin danong napamson hanmur ma riptinong oh gur Es. Oh da na napamson hanmur ma ripti oh gur kianorim ihtin meng oh ripti.

1 Korin 1:23

Oh ire ma dahat sapti ohe meng ohmur. Nure ma Got ohe danong hat patim meng pot ma pisapti meng oh Krais orhe irat bok sur gartahatip meng ohwi pot pisaptimur. Imat pot pisaperhan Juda hat pati han bap ihir Moh er nahatin menghe daham dasei mar mandaptimur. Juda na hat pati bap ihirhe Moh na dahatin menghe daham garmar mandaptimur.

1 Korin 15:12

Gur mohnong dahatinmur. Nuhur tap meng orhorwi Krais oh haputporhan Got oh it pamsaporhan masas patmur napotperhan gur amram am hat patimur. Ama mengnong oh gur am hat pati ohoh ihan kianorim kat han gur Hanip nuhur hapuriyahan it na masaprimur ripti.

1 Korin 4:10

Ihat ma pati aposer bap nuhurnong kuuhan ihir Maihir Krais ohe danong hat patim ihat ma sapti oh da timbas hat patim ihat sapti han bapmur naporiptimur. Gure ma dahapti danong oh Nuhur Krais orhe tapnong hat patim dakuu dasi hat pati han bapmur riptimur. Nuhurnong Ihir kasip timbas han hat patimur naporiptimur. Gure ma dahapti danong oh Nuhur kasip hat pati han bapmur guragur giriptimur. Nuhurnong Maihir win timbas hat pati bap gurmur napor dasei nahaptimur. Guragure ma dahapti danong oh Nuhur winsi han bap hat patimur dahaptimur.

2 Korin 6:2

Got oh ritporhan ma brak matpa meng moh gur amratin. Noh Kaput ihirnong imat panggeitiprawa ma dahatip dik oh hatporhan noh gure ma naporiya meng oh noh amram gurnong napanggeitipmur. Noh gurnong nambutipra ma dahatip dik oh hatporhan noh gurnong nambura napanggeitipmur. ritporhan brak matpamur. Gur amratin. Gin Got orhe namram napanggeim napapin dikhe gin orhormur. Nambur napanggeitin dikhe gin orhormur. Inahah dik ohoh ihan gur wa hapri. Damsi hat orhor indinmur.

Hibru 11:36

Kat ihirnong Maihir Got oh arpin inahatin hatin hanwa dahat patio rim tang mar dasei meng por indeiyao kat ihirnong kaw boksi suyao kat ihirnong sen nangsi atpam karapus deiyao deishemur.

Hibru 13:13

Dire yah nahatin han oh kot dah ohon haputip ohoh ihan dirhe pohon ripti meng moh mandama kot dah rosa orhe kasip ohe boknong hatpera. Hama ohe boknong ruumsup na wamtin ina mara kas hatin inasi ma matparu dire boknonghe ihtin inasi nahayahan yahwa daham kot rosa orhe boknong hat patenmur.