Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aposer 16:14 - Oksapmin

14 Ihirsi mengitperhan kuu tit uhe win oh Ridia uh Got ohnong armi mat pat kuu uh Taiataira aptei an kuu ihira. Uh heimsi watah oh kat ihirsi mohopat kuu uh nuhur mengitperhan uh amrangop. Amratporhan Por oh meng tit por am deingop. Meng am deipatin Hanipyah oh uhe danong Por ohe meng ma porpat meng oh amrat indin inasi matporhan uh pomat amrat angop.

အခန်းကိုကြည့်ပါ။ ကော်ပီ




Aposer 16:14
24 ပူးပေါင်းရင်းမြစ်များ  

Pora orhe boknong mar ma brak matpa meng oh ihir da ban taham na dahat patihan oh pomat porpat da adapengopri.


Gahan Pasopa dik oh Got ohe danong ham armi matpero rim Jerusarem ap mutuhnong ma ruhpa han ihiroh Grik ihirhe kat han tit ire tapnong ham ama ruhpamur.


Ohsi orhe ap pati han ihirsi tap hat Got ohnong kas hapti ohe meng amramo ohsi mengiro ham ama pateshe oh. Ihat patim oh Juda ihirnong erer oh panggeim paptemo dipwi Got ohsi mengiro ama patesuh oh.


Meng poriptin ire atem teinong Got oh kasip matporhan han dam ihir amrama Meng moh arpin menghe daham Jisas ohe danong ama hatpa oh.


Pora kotnong ros kukutperhan kat han Juda ihiro wan han ihir Juda ire pohon rotu hapti danong ma hatpa han ihiro ihir ihitsi tap pipari. Susa ihit Gur Got ohe yah nahapat danong hat patenmur pot pihipari.


Ihat saporhan Juda bap ihirdapat ama ap mutuh ohe kamoheimo Got ohe danong ham kamah hat pati kuuo ihirnong Gur gin Porsi; Banabas ihitnong heisup mar wan apteinong darhetinmur por bi atperhan ihir arpin Porsi; Banabas ihitnong imar wan mongnong er mat darhengopari.


Potperhan Porsi; Sairas ihit karapus ap oh mandama Ridia uhe apnong pipari. Susa atei oh Jisas orhe nita taptem bap ihirnong meng pora kasip deipti ihit wan apteinong pipari.


Susa Juda na hat patim orhor Got ohe danong ham armi deipat han Taitas Jastas ohe apnong sus indipri. Taitas ohe ap oh rotu ap ohe kakduup pat ap oh indipri.


Potporhan oh amandap kup oh pipri. Sus wandeioh Itiopia ihir tit han apripatgopri. Oh Itiopia ire kak hat pat kuu Kandasi uhe erer oh ohe hrepnong mat apapat han ohmur. Oh Jerusarem ap mutuhnong rotu ham pirdapat


Moses ohnong ma gipotipru mat orhorwi inahapat han ohoh ihan hanip dire Oh ha inahatinoh dahapti ohe pemdapatdo da diradire kasip hat sapti ohe pemdapatdo oh ti da ti da napripatda. Basra. Dire ma ihapti ohe pe oh na inahapatmur. Orhe damdapat ma imtipora dahapat ohe pe ohwi inahapat hanmur.


Dir Got ohe dahat pat danong oh haptineng ma dahapti da ohsi; orhe danong hat son ohe kasip ohsi orhor gure mutuhdapat patim inahapat ohoh ihan ama inahapat ohe da ohsi amamen matin danongwi hat sashenmur.


Gorhe ma wamtiproh han oh wamara brak matinmur. Brak mara Epesas apteio Sumerna apteio Pergamam apteio Taiataira apteio Sardis apteio Piraderpia apteio Raodisia apteio ama beshei aptei Got ohe nita bap Sios ihirnong adarhetinmur napor hangop.


Dahatinri. Oh ap gwatei kat oh maraporim kang kang napora meng naporpatri. Ihan mengrim hahhanhe gur amram adapuyahanoh oh maraprohri. Marasa ama han gosi tongnoma gut den damo ihat patepriri.


Gin tit meng moh Go Got ohe nita bap Piraderpia aptei sios wamat papat enser ohnong mama meng moh brak mar atinmur. Got ohe danongwi duut pat han arpin han norhe mengmur. Noh Depit oh Jerusarem ap mutuhnong orhe hrepnong mat paptesuhru nohhe kopenohe Jerusarem ap mutuhnong hatin ohe ki oh norhor marin patmur. Norhor marin pat ohoh ihan ap nadapuhanhe it ap nataputin ina hat ma pat han oh nih. Ap natapurhanhe han it ap nadaputin ina hat ma pat han oh nih. Timbasnapmur. Ihat pat han norhe meng moh Piraderpia aptei sios wamat papat enser ohnong brak mat atinmur napotporhan Jon noh ama han orhe meng oh mama brak mat nasar ohmur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ