Aposer 13:50 - Oksapmin

⁵⁰ Ihat saporhan Juda bap ihirdapat ama ap mutuh ohe kamoheimo Got ohe danong ham kamah hat pati kuuo ihirnong Gur gin Porsi; Banabas ihitnong heisup mar wan apteinong darhetinmur por bi atperhan ihir arpin Porsi; Banabas ihitnong imar wan mongnong er mat darhengopari.

Aposer 13:50 ပူးပေါင်းရင်းမြစ်များ

2 Timoti 3:11

nohe ihat sapat ohe pe ruumsup ma darpat danongo nohe ama ihat sapat da oh gonsi go am hat patmur. Noh ina ruumsup ma datir oh noh Antiok ap tei patin niyao Aikoniam aptei patin niyao Ristra aptei patin niyao nahatperhan nohe batbet dar ruumsup ma datir oh go am hat patmur. Aptei aptei nitperhan nohe ina ruumsup dar ma namkarpat oh ire bes tei patin orhor Hanipyah orhor yah naham nambutirmur.

Aposer 14:19

Gahan Antiok aptei hano Aikoniam aptei hano ama aptei ohe Juda hat pati bap kat han ihir aprisa Por ohe danong ham meng ma amrapti ohe danong amkara iraire danong hatin ohe danong deingopari. Matperhan ihir arpin Por ohe danong mandama iraire danong hangopari. Iraire danong hapti kwei dara kweisi Por ohnong sungopari. Supti Gin sein hah ma hapat dahapti pramat pisusa ap mutuh ohe borpe oh sara mandangopari.

Aposer 14:2

Hatperhan Juda hat pati bap ihir kat han ihir Nuhur Jisas ohe danong na hatiprohemur dahat pati han bap ihirdapat Juda na hat pati han ihirnong Gur Jisas orhe danong hat pati han ihirnong imtinmur por rit asar bi atperhan ihir indeingopari.

Aposer 13:45

Tap tei hapti Juda bap ihir Kuuhan isip mama ihir Por ohe kopen ripat ohe mengnongwi amratiprohe ma hapat. Juda bap dire pohon ripti mengnong ihir na amratiprohe ma hapat daham ama heisup matpa oh. Heisup mara Epe. Mihtin han ohe mengnong moh amraptida. Gurri mihtin han ohe mengnong mohri amrapri pora Por ohnong dasei mar indeingopari.

Aposer 21:27

Gahan ama beshei dik oh timbas hatin kakduup hah tei Por oh ap yawar oh rongop. Ros patin Esia mong ohe Juda bap kat han ihir ohnong wandeingopa. Wamara ama pati kuuhan ihirnong Por ohnong heisup mar imtin ohe meng oh bi asar indeipti Por ohnong net pongopa.

Aposer 17:13

Gahan Tesaronaika aptei ihir Por oh Got ohe meng oh Beria aptei ihirnong porpatgwemur ritperhan ihir amrapti aprisa Beria aptei an ihirnong Porsi; Sairas ihitnong heisup mar sutin ohe meng oh rit asar bi asaringopari. Bi atperhan ihir ama ihitnong sutpera ama dahatpa oh.

Rom ihirnong Por oh brak atip ohe meng oh 10:2

Ire ma ihat pati oh noh am hat patmur. Ihir mamaru hat patimur. Ihir Got ohe danong hatinmat kasip hapti orhora; ihir potahat na daham hanhan hat patim ihat saptimur.

Aposer 13:43

Pora kotnong ros kukutperhan kat han Juda ihiro wan han ihir Juda ire pohon rotu hapti danong ma hatpa han ihiro ihir ihitsi tap pipari. Susa ihit Gur Got ohe yah nahapat danong hat patenmur pot pihipari.

Aposer 8:1

Sitipen oh haputporhan kat han ma Got orhe da hat pat danong dindeipti han ihir aprisa Sitipen ohe sein oh dara sein sara payamamo hatpari. Ama Sitipen ohnong imat suta dik oh Jerusarem ap mutuh ohe Got ohe nita sios bap ihirnong ruumsup mar er matin da oh tarpatipmur. Ihat ma tarpatip oh Sor oh Got ohe meng amrapti sios bap kuuhan ihir ha timbas hatingwe rim ap ap oh susa kuuhan ihirnong ambura pisusa karapus mat pisangopri. Karapus maro ruumsup maro deipatin Got orhe nita ihir gonsi Judia mongnongo Samaria mongnongo oh kukut sangopari. Saperhan Jisas orhe mengtei atamreipti han aposer ihirwi Jerusarem ap mutuh oh patesheri.

Aposer 6:12

Ohe boknong mara ama ohe pe oh sawa poripti hano kamoheimo be hano ihir amrama ohnong heisup deingopari. Heisup deipti ohnong marim pisus kaunsir hat pati han ire mutuhnong deingopari.

Aposer 2:5

Ihat meng nitat ma mengitpa oh among among amdapat Got ohe danong hat apris Jerusarem ap mutuh oh patin ama iraire nitat mengtei mengitpari.

Mak oh yah meng ma brak matip meng oh 5:17

Potperhan ihir amrama Nure imah mohoh gonsi nasutiprohe daham Jisas ohnong Nure mong tei moh ma mihpat han go na indiprohmur. Wannong sonmur pongopari. Potperhan ihan oh bot dahnong it rungopri.

Matyu 10:23

Tit aptei tit saptin gurnong inahamo nimo nahayahanhe ama aptei oh mandama tandur wan apteinong sonmur. Noh arpin meng napotiprohmur. Gur Isrer aptei aptei gon na pim patin Hanip Brer noh it apripramur.

Aposer 14:4

Dahapti gahan ama ap mutuh ihir yot da hapti kat han ihir Got ohe meng pot pisapti han yot ite danong hangopari; kat han ihir Juda bap ire danong hangopari.

Aposer 14:5

Hatperhan gahan Juda bap be han ma hat pati hano kamoheim hat pati hano Juda na hat pati hano ihir ihitnong imara kweisi sutiprohemur gosham ama meng wanin matpa oh.

Aposer 16:14

Ihirsi mengitperhan kuu tit uhe win oh Ridia uh Got ohnong armi mat pat kuu uh Taiataira aptei an kuu ihira. Uh heimsi watah oh kat ihirsi mohopat kuu uh nuhur mengitperhan uh amrangop. Amratporhan Por oh meng tit por am deingop. Meng am deipatin Hanipyah oh uhe danong Por ohe meng ma porpat meng oh amrat indin inasi matporhan uh pomat amrat angop.

Aposer 17:4

Am matporhan Juda bap kat han ihir Moh arpin meng ma hapat daham ite tapnong hangopari. Gahan kat Grik kuuhan ruumsan ma Got orhornong armi deipti bap ihiroh ite tapnong hangopari. Gahan kat kuu winsi hat pati kuu ihirhe ite tapnong hangopari.

Aposer 17:12

Imat sapti Juda bap ruumsan kuuhan ihir arpin meng ma hapat dahangopari. Grik ihirhe winsi hat pati kuuo ruumsan kat ihiroh Arpin meng ma hapat dahangopari.

Aposer 17:17

Ihat da er hama Juda bap ire rotu ap ros Juda bapo Juda na hat pati han ma Got ohnong armi deipti bapo irair dahanggoshat inpari. Kot tei ma tarmuripti tei ohhe ama tarmuriya kuuhan ihirsi dahanggoshat inpari.

Aposer 18:7

Susa Juda na hat patim orhor Got ohe danong ham armi deipat han Taitas Jastas ohe apnong sus indipri. Taitas ohe ap oh rotu ap ohe kakduup pat ap oh indipri.

Aposer 28:17

Gahan yitir dah timama Por oh ama pati Juda ire duuptei han ihir ha apringwe potporhan ihir apingopari. Apriperhan Por oh Nohanhera. Noh dire han Juda ihirnongo awher ather ire pohon mengnongo oh noh na er deipatmur. Ihpatin Jerusarem ap mutuh maham karapus nahatpamur. Nahama Rom ire bes teinong nahatpamur.

2 Korin 11:26

Noh trun ma meih mandap er nahatin ohe mandap katnongwi ma sapat oh tit oh tom oh nipatin orhor sapatmur. Tit oh gapah han ihir gapah ham nitin ina nahat napaptin orhor sapatmur. Tit oh Juda na hat pati hano Juda hat pati nuranuro ihirdapat nohnong nitper ihaptin orhor ire pati kat sapatmur. Tit ma sapat oh garnahaham nitin ap mutuhnong sapatmur. Tit oh hanip timbas er nahatin ohe mong dusnong oh sapatmur. Tit oh tom sor hru tei sip tem ma sapat oh er nahatin orhor sapatmur. Tit oh Diradir Krais ohe nita han bapmur ma ripti dasuh han bap ihir nitper ihapti kat orhor sapat. Noh ama ihtin ohe er nahatin mandap katwi sapatmur.

1 Tesaronaika 2:14

Nohanher taptem gur amratin. Juda mong ma pati irair kat ihirdapat kat ma Krais Jisas orhe tapnong hama Got orhe nita sios bap hat pati ihirnong ruumsup batbet apris imtirimur. Gin gurhe ire ma imtiriru mat orhor Tesaronaika aptei guragur orhor kat ihirdapat kat Jisas Krais orhe tapnong hat pati bap gurnong ina ruumsup napris er nahaptimur.