Aposer 13:48 - Oksapmin

⁴⁸ Potperhan ama Juda na hat pati kuuhan ihir amrama Hanipyah orhe meng moh yahnap meng moho rim amam hangopari. Amam hama Got orhor Ama han ihir eimat paten dasi hatiprimur rim ma kis matip han ihirwi Got ohe danong hangopari.

Aposer 13:48 ပူးပေါင်းရင်းမြစ်များ

Matyu 25:46

Noh gipotporhan ama ihir dipwi batbet dar paten apteinong hatiprimur. Yahnap da duung rit pati han guroh eimat yah hat paten dasi hat paten ohe apteinong hatiprimur napongop.

Matyu 28:16

Gahan Jisas orhe pinggit pisapat han gwerhei han nuhur Gariri dahnong susa orhe dik natip yei kanong ruhpa.

Ruk oh yah meng ma brak matip ohe meng oh 7:8

Orhorhe orhe duuptei han ire hrepdapat hat patem ire poriya meng oh amram ihapatri. Orhordapathe kat dupsi han ihirnong orhe hrepnong mar papatri. Paptema tit han ohnong Gin go sona potporhan oh arpin amram sapatri. Tit han ohnong Gin go aprina potporhan oh arpin amram apripatri. Orhe atamreipat han ohnonghe Go mihat tamreindinmur potporhan oh arpin orhe ma por mengru hat orhor tamreipatri. Oh ihat kasip mengsi pat han ohoh ihan mateidapat orhor oh ha yah hatinoh potinri pongopari.

Jon oh yah meng ma brak matip ohe meng oh 10:16

Nohe saham papten han kat han ihirnong oh kopen ambur popris ohri ma papat han ire tapnong na mat patmur. Ire tapnong na mat pat ohoh ihan noh ambur ire tapnong matpora dahapatmur. Ire tapnong matinmat oh norhor meng potporhan norhe meng amram ihir apris ire tapnong ham tap tit bapwi hat pateprimur. Papat han nohhe tit han pokwi hat pat ohoh paptepramur.

Jon oh yah meng ma brak matip ohe meng oh 11:52

Juda bap ire gwemat haputipramur ma potip meng oh Juda ire gwematwi na gipotipmur. Got ohe han gonsi among among ma oktahat pati bap ihirnong oh tit hanwi matinmat haputipramur rim gipotipmur.

Aposer 13:12

Angtahatporhan kakahan oh ama ihah oh wandeipat Epe. Hanipyah ohe meng oh mihtin kasip meng tit ihat pat ma hapat dahama Got ohe danong hangopri. Hama ihir patesheri.

Aposer 13:42

Ameng oh Por oh pora Banabas ihit kot dahnong ropero rim roptin kuuhan ihir Gut han ohe Sandehe it apris it meng moh titsi napotinmur pongopari.

Aposer 15:2

Imat meng por am deiptin Porsi; Banabas ihit amrama Wa. Got oh eit watah gatdeipti han ihirnongwi yaho porpatda daham ihirsi isip sakarap goshatpari. Ihtiperhan sios bap ihir Porsi Banabas ihitsi; kat han ihirsi gur Jerusarem ap mutuhnong sonmur. Susa atei oh Aposer ihirsi; sios bap ihirnong panggeipti han ihirsi sakarap goshaya meng moh pomtinmur pora ihirnong darhengopari.

Aposer 15:31

Apriperhan ihir sama dire danong nakasip matin meng oh napotiri ma hapat daham amam hangopari.

Aposer 2:41

Potporhan kat han ihir amram arpin meng napor ma hapat daham tom wangopari. Ama waya han ihir 3,000 han ihir wangopari.

Aposer 2:47

Ihat patim Got ohnong armi mar ayao be han hat ma pati ihirdapat ihirnong bopor mat papindin ina da ohsi hat ayao hat patesheri. Ihat patin be han ihirhe Got ohe mengnong amram Moh arpin mengwa daham Got ohe danong hatperhan Got oh ambura ire tapnong mara orhe nita bap mar isip mat pisanipatri.

Aposer 20:13

Nuhur sip tem ros sapera daham mandap saptin Por oh Noh kakup apriprohmur. Ihan gurri sip tem ros Asos apteinong susa naminhan indinmur napora oh kakup sangop. Saporhan nuhurhe sip tem rosa Asos apteinong pipa.

Aposer 22:10

Hanhan hatperhan noh Hanipyaha. Gin noh kinhatpor potporhan oh Go masasa Damaskas ap mutuhnong sonmur. Sus Damaskas aptei oh tit ap tit patin han tit aprisa norhe natamreindin ma gonong kis nahatip ohe meng oh gonong napotiprohmur napongop.

Aposer 28:23

Poripti kimsi asut oh dir mengitiprimur pora dik asaringopari. Gahan ama dik oh atporhan han ruumsan ihir kutwi orhor ohe patnong apingopari. Apriperhan oh Got ohe napapindin tei ohe meng oh pomat potipri. Pora ihir Jisas oh aprin inahatin hatin hanwa ha dahatingwerim propet ire rim ma brak matpa mengo Moses ohe rim brak matip mengo oh sat potipri. Imat meng oh porpatin atan was kwi hangopri.

Aposer 8:8

Amrapti ama aptei han ihir amam yah tit hangopari.

Rom ihirnong Por oh brak atip ohe meng oh 11:7

Got oh Noh Isrer kat bap ihirnongwi ambutiprawa dahatip ohoh ihan orhe norhe ambutipra ma dahatip han ihirnongwi orhe ambutipra ma dahatip da ohsi amburpatmur. Kat gonsi Isrer bap ihiroh ama da oh nuhurnonghe ha napinoh daham sawa mengnong kasip ham tamreipti orhor Got oh orhe ambutin danong am hatipririm ire danong aban matporhan ihir na dariptimur.

Rom ihirnong Por oh brak atip ohe meng oh 13:1

Nohe taptem bapa. Gapman ma tamreipti bap ihir iraire da orhor Nuhur gapman bap hat patepera daham na tamreiptimur. Got orhor Gur ihtin han bap hat patenmur por kis mat papatinwi ihir ihat patim tamreiptimur. Ihan gonsi gur ire meng amram ire hrepdapat hat patenmur.

Rom ihirnong Por oh brak atip ohe meng oh 8:28

Got orhe inahapatnong oh dir am hat patimur. Orhornong bopor mat papti han bap dirnong yah hat indin da ohsi; ti da ti da ohsi dire bok apirhanhe Got orhor it yah nahatin ohe danongwi deipatmur. Ama ihat pat danong yah nahatin da ma deipat oh dirnong Go norhe han ham norhe dahat pat danongwi hat sashenmur napor kis nahat napapat han dirnongwi inahat napapatmur.

1 Korin 16:15

Nohe taptema. Gur Stepanaso orhe brer imdero ihirnong daham gur am hat patimur. Akaia mong Got ohe nita hat pati ihir ama ihirri Got orhe danong ham Got orhe nita hatpamur. Hapti Gin dir Got orhe nita bap ihirnong panggeit pisasipera daham panggeit pisaptimur.

Epesas 1:11

Got orhe ihtipora ma dahapat da orhorsi dam mat pisapatmur. Dam mat pisapat ohoh ihan orhe Noh Krais ohe ma imtipra ohe dap teidapat noh ama ihirnong norhe brer matiprawa ma dahatip da orhor arpin orhe brer nahat napapatmur.

Epesas 1:4

Ama bapkei naham napripat da oh rih orhor mong kopen na darpat patin orhor Got oh dirnong Maihirnong kaput krais orhe dap teidapat norhe nita bap matipramur. Indeipat norhe hannap matporhan ihir yah hat ongeng tahat orhorwi saya apriya hat paten han bap mat paptepramur daham ihat paten han bap nahat napapatmur.

Epesas 1:5

Ihat paten han bap nahat ma napapat oh dirnong rih orhor isip bopor nahama orhe da orhor Noh kaput Jisas Krais orhe dap tei oh ihirnong norhe brer mar paptepramur daham kis nahat napaptesuhmur.

2 Tesaronaika 3:1

Nure taptema. Gin nure kat meng ma pat oh napotiprohemur. Gurdapathe nure paten meng oh Got ohnong mamaru mat por nadahandeinmur. At Gota. Hanipyah ohe meng oh aptei aptei oh artaham isip hat ha sashenohmur. Isip hat susa nure ma amram winsi meng deisheru mat orhor ihirhe gin kapkap morhor amram winsi meng ha matingwemur por nadahandeinmur.