Aposer 12:17 - Oksapmin

¹⁷ Da tupnet ritperhan oh rosa bes daptuhura bes damer deipat Gur gin kimirit patinmur. Noh meng napotiprohmur pora Hanipyah orhe kotnong ma dei meng oh potipri. Porpat Gin gur dire taptem Jemiso ama ihirnong meng moh potinmur pora kot rosa wan apteinong sus timdipri.

Aposer 12:17 ပူးပေါင်းရင်းမြစ်များ

Matyu 10:23

Tit aptei tit saptin gurnong inahamo nimo nahayahanhe ama aptei oh mandama tandur wan apteinong sonmur. Noh arpin meng napotiprohmur. Gur Isrer aptei aptei gon na pim patin Hanip Brer noh it apripramur.

Mak oh yah meng ma brak matip meng oh 6:3

Moh wan han ihirda. Ap hapat han Maria uhe mon orhor basda. Jemiso Josepo Judaso Saimono ire arwap oh basda. Orhe kuunang taptem ihir dirsi na patida gigoshapti gardeingopari.

Ruk oh yah meng ma brak matip ohe meng oh 1:22

Minhan pater patima ire garhaya tei mah marongopri. Maraoh meng timbas han hatin ham kimiringopri. Oh kimirit mandatporhan ihir Moh Got ohe ap yawar maham wan han tit pinggi ma hapat dahatpari. Ihpat meng timbas han hatin hat patin beswi kis mar pinggim patenipatri.

Jon oh yah meng ma brak matip ohe meng oh 10:40

Saporhan nuhur ohsi it Jodan dahnong susa han tannong deihpa. Desa Jon ohe kopenat tom ma patitip tei oh kotpa. Koripti atei inpa.

Jon oh yah meng ma brak matip ohe meng oh 11:54

Ihir ohe sutin meng oh wanin mat pisapti tei ohoh ihan Jisaso nuhur Juda ire kintei katnong na ham aharwi sashemur. Ahar susa gahan orhe han nuhursi among oh mandama irat timbas hanip timbas mong mutuh ohe kakduup oh pipa. Susa ap mutuh Iprem ap mutuh oh kora atei inpa.

Jon oh yah meng ma brak matip ohe meng oh 7:1

Gahan Juda ihir Jisas ohnong sutinmat riphariptin ohoh nuhur Judia mongnong na susa Gariri mong orhor aptei aptei oh sashemur.

Jon oh yah meng ma brak matip ohe meng oh 8:59

Potporhan ihir Epe. Han moh dasuh meng isip tit hah moh dir kweisi sutper gosham kopen kwei dara sutperim ihaptin oh ire bes teidapat orhor tarpir kotnong ros sangop.

Aposer 1:15

Ihat patimdapat gahan 120 kuuhan ihir tarmut patin Pita oh ire mutuh oh tandeima

Aposer 12:16

Ihir ihat gigoshaptin oh ap gwatei kang kang porpatwi hatipri. Ihpatin ihir ap dapus por wandeingopari. Wamara Epe. Go karapus apdapat kinhat maras apir gosham ihirhe da tupnet ringopari.

Aposer 12:18

Kimsi mong da hatporhan dupsi han ihir wandeipti Pita oh ti na pathan Epe. Han moh na pat moh kinhat sa gigosham da darher ama apetpa oh.

Aposer 13:16

Potperhan Por oh tandeima bes daptuhura Nohanher Isrer gursi; Juda na hat patim Got orhe danong hat pati han gursi gur amrat indinmur.

Aposer 15:13

Ite meng oh pot mandatperhan Jemis oh Nohe taptem gur nohe meng moh amratinmur.

Aposer 16:40

Potperhan Porsi; Sairas ihit karapus ap oh mandama Ridia uhe apnong pipari. Susa atei oh Jisas orhe nita taptem bap ihirnong meng pora kasip deipti ihit wan apteinong pipari.

Aposer 19:33

Ihapti gahan Juda ihir Areksanda ohnong mer mat pisus ire mutuhnong matperhan kat ihir Meng ma sakarap goshapti moh ohe duuptei oh mama han ohe bok moh patkin dahangopari. Ihat dahatperhan oh Ihir kimiriyarit mama sakarap goshaya meng moh nohe bok moh na patmur potporo rim oh bes daptuhura Kimiritina potipri.

Aposer 21:18

Timorimdapat kutwi nuhur Jemis ohnong wamtiperim pipa. Sayaoh sios ihirnong wamat papti han ihirhe gonsi apris Jemis ohsi patingopa.

Aposer 21:40

Potporhan duuptei han oh Mai. Yahwa. Gwe meng tit pat oh ihirnong potina potporhan oh gwar bas oh tandeima meng potinmat oh bes daptuhutporhan ihir kimiringopa. Kimiritperhan oh Hibru ire mengtei

Aposer 28:15

Susa Rom ap mutuh ohe sapti mandap kat oh koripti kakdah wandas Rom ap mutuhnong sapti mandap kup oh pipa. Susa maket tamohopti tei Apias oh koriyaoh Rom aptei Jisas ohe danong hat pati tap tem kat tit nure sapti meng oh amrama mandap riri nahat apris mandap patingopa. Patihan nuhur tap hat sus mandap timapti ap yitir ap duup oh koriyaoh bap kat ihir atei wanahat patingopa. Patihan Por oh wamara Got ohnong Wes ihir nambur apriyao pora ohe da oh yah hangop.

1 Korin 15:7

Gahan komdapat Jemis ohe kintei pitap hatporhan oh wamtipmur. Gahan it komdapat orhe mengtei ohe meng pot pisashe han ire kintei pitap hatporhan ihir gonsi wamtipamur.

Garesia 1:19

Ama ihat indip ohhe Jisas ohe atamreishe han ihirnong kat han ihirnong na wamtipmur. Jisas ohe nap Jemis ohnongwi wamtipmur.

Garesia 2:12

Pita ohe ama er hat pip oh mamarumur. Oh Jisas ohe danong hapti han watah na gatmaro ihapti han ihirsi tap ham den taman dapatin Got orhe nita Jemis ohsi pati kat han ihir apdapamur. Apriperhan Pita oh Mama apriya han ihir eit watah gatdeiyahanwi yah hat patimur ripti bap ihir apriya moh na gatmat pati ihirsi tap ham den na daptimur napotiprohekin daham kas ham eit watah na gatmat pati han ihirsi it den na dama eit watah gatdeipti han ire tapnong hatporim ihtipmur.

Garesia 2:9

Gahan duuptei hanmur ma porishe han Jemiso Pitao Jono ihirhe wanahama Got orhe damdapat Por ohnong kasip deipat ma hapat. Kasip matporhan ama kasip ohsi mama tamreindin moh tamreipat ma hapat dahatpamur. Dahama diradir tap tamreindin moh tamreipti ma hapat dahama Banabas nuhutsi we gosatpamur. We gosaripti Gur Juda na hat pati han bap ihirnong meng pot pisasiprimura; nuhur Juda ihirnong meng pot pisasiprimur goshapti tit dawi hatpamur.

Jemis 1:1

Jemis noh Gotsi Hanipyah Jisas Krais ite atamreipat han nohmur. Ihat ma tamreipat han noh Got orhe nita Juda bap gurnong mahaw ihir inaham oknahatperhan gur kukut sus among among tei ma pati gurhe sa yah hat patio rim noh mama brak mat nasar ohmur.