3 Jon 1:6 - Oksapmin

⁶ Gwe ihirnong imat da apris bopor mar panggeipat ohe meng oh Got ohe nita sios bap ma pati nuhurnong napotperhan nuhur amratirimur. Ama ihat apripti han Got orhe nita bap ihir gwe pat teinong apriyahanhe ire son ohe mandaphe guragure kat Got orhe atamreipti han bap ihirnong panggeitpera daham ma panggeiptiru mat orhor ihirnonghe imat orhor panggeim darherinmur.

3 Jon 1:6 ပူးပေါင်းရင်းမြစ်များ

Aposer 15:29

Gur hanapsup ohe den ma asariya denhe dar dapri. Heim koharhe dapri. Apophe ambir tapama heimnong hat patsi han oh dar dapri. Bisei sawhe hapri. Ama ohe danong oh na hayahanoh yahmur daham nuhur mama brak mat nasariya ohmur. Gin nure menghe kimuro por brak mat itpari.

Aposer 15:3

Ama sios han bap ihir imat darhetperhan ihir Ponisia mongo Samaria mongo ama aptei aptei Jisas orhe danong hat pati kuuhan bap ihirnong Juda na hat pati bap ihir ihat Got orhe danong oh hatirimur por meng am mat pihipari. Imat pot pisaperhan Jisas orhe danong hat pati kuuhan taptem bap ihirhe amrama amam hangopari.

Aposer 21:5

Baso potperhan Por oh Es. Noh saprohmur por sip oh son hah tei ama aptei Krais ohe danong hat pati hano kuu brero ihir nuhur tap hat pipa. Susa ap borpe tom dinin tei oh katin takir tongnom Got ohsi mengitpa.

Rom ihirnong Por oh brak atip ohe meng oh 15:24

Wanaham ma apripra oh noh Spen mongnong sonmat oh gure pati kat apripramur. Apris gursi diradir gar dik tit atei indiprimur. Patemo hama nohe dahe yah hamo hama gur nohe Spen mongnong son mandap oh napanggeimo hatperhan noh sapramur.

Piripai 4:14

Nohe ruum hat patnong moh na dahat pat orhora; gurdapat norhe danong ham ma napanggeitiri moh yahnap tit nahatiri ma hapat daham amam isipnap nahatirmur.

Korosi 1:10

Imat ma nadahandeipti oh Hanipyah orhe hrepdapat hat patim yah hat sapti dao orhe bopor mat pat ohe dao ama da ohsiwi hat ihir ihat ha sashengwemur. Ihat susa Got gorhornong am hatin ohe dao yah hatwi sashen ohe dao oh isip hat ha sashengwemur.

1 Tesaronaika 2:12

Nure apris gurnong ihat ma napapindiri oh guragure Got ohe danong hatin ohe danong nakasip deiyao ruumsup hat pati danong oh napanggeim pang nahayao Got orhe amam nahat napapindin ohe danong ohwi hat indinmur napor saw nasariyao nahat napapindirimur. Ama inahat napapat Got orhor gurnong Gur norhe napapindin hrepnong hatinmur. Hapti norhe has da moh guragur tap hat taman datinmur ma naporpat han Got orhormur.

Taitas 3:13

Sawa meng am hat pat han Sinas ohsi; Aporos ihit nohe patnong ha apringwe rim panggeim mamen matinmur. Indeipat mandap aprin ohe ererhe pomat panggeim apinmur.

1 Pita 2:20

Gur er hat saperhan ama ohe pe oh batbet nang nahatperhan gur na gapa ham kasip hat orhor sayahanoh Got oh go yah hapatmur napor na amam nahapatmur. Yah hat saya ohe pe oh batbet nang nahatperhan gur na gapa ham kasip hat orhorwi sayahanoh Got oh Gure ama ihat sapti oh yah hat saptimur napor amam nahapatmur.

3 Jon 1:12

Demitrias ohe ma patnong oh Got orhe nita kuuhan ihir Oh yah danongwi ham yah hat sapat hanmur riptimur. Ire ma riptiru oh Got orhe arpin mengnong dindeipat ohe pe oh oh arpin ihat yah hat sapat han ma hapat daham am haptimur. Nohdapathe Oh arpin yah hat sapat hanmur ma ripat oh gurdapathe Jon oh arpin mengwi ripat han ohoh ihan orhe ma ripat meng moh arpin meng ripat ma hapat daham am hat patimur.