3 Jon 1:3 - Oksapmin

³ Gwe Got ohe danong ham yah hat ma sapat ohe meng oh Got orhe nita taptem ihir apris Gaias oh Got orhe arpin mengnong kasip ham pomat orhorwi dindeipatmur napotperhan noh amram amam isipnap hatirmur.

3 Jon 1:3 ပူးပေါင်းရင်းမြစ်များ

2 Jon 1:4

Kat han ihirdapat Uhe brer kat ihir itap Got orhe Gur ihat indinmur ma naporpatru hat orhor ihirhe amram ihat orhor itap orhe arpin meng dindeiptimur ritperhan noh amrama nohri amam isip tit hat patmur.

2 Jon 1:2

Arpin meng oh diradire mutuh oh dipwi pato rim gurnong da napris bopor nahat napaptimur.

3 Jon 1:4

Nohe amam isip hat ma pat oh mamaru hat patmur. Got orhe danong ham norhe brer hatin hat ma pati gurnong oh kat ihirdapat Ihir arpin mengnong moh amram pomat orhor dindeiptimur napotperhan amrama noh ama ihat pati ohe pe oh amam isipnap hapatmur. Be ohe amam oh ama ohe amam hrepdapat hat patmur. Ama amam orhap isip hat patmur.

Piripai 1:4

Nohe Got ohnong weso ma porpat oh gur nohe Got ohe meng pot ma pisapat moh napanggeiptio rim noh amam hat orhorwi weso porpatmur. Ihan noh gure danong ham dipwi ma nadahandeipat oh amam hat orhorwi weso por nadahandeipatmur.

Aposer 1:15

Ihat patimdapat gahan 120 kuuhan ihir tarmut patin Pita oh ire mutuh oh tandeima

1 Korin 13:6

Hanip ihirnong da apris bopor deipti da oh dire mutuh patin oh dir ire er hat saptinong asoh wamar na amam haptimur. Arpin dasi hat patim yah hat ma saptinong asoh wamar amam haptimur.

Garesia 6:10

Ihtin ohoh ihan panggeitin hatin hat ma pati ihirnong asohhe gonsi panggeinmur. Panggeitinmat oh Got ohwi inahatin hatin hanwa ma dahapti han ihirnong oh isip mat orhor panggeinmur.

3 Jon 1:2

Norhe bopor nahat napapat han gwe paten meng oh noh Got ohnong nadahandeipatmur. Got ohnong ma nadahandeipat oh At Gota. Gaias oh gorhe danong hat ma sapat oh yah hat orhorwi sapatmur. Ama yah hat sapatru hat orhor ohe ina teio orhe tamreipato ama ihpat ohe erer oh ihat yah hat orhorwi ha sashenoh rim gonong ohe paten meng oh napormur por Gaias gwe paten meng oh nadahandeipatmur.

3 Jon 1:5

Norhe bopor nahat napapat han Gaias gwe Got ohe nita hat pati taptem ihirnong go hanhan hat patin orhor apriperhan ihirnong ma ambur panggeim yah deipat oh go arpin Got orhe mengnong dindeipat ohe pe oh indeipatmur.

3 Jon 1:10

Ama han ohe ma ihat sapat da oh mamaru hat sapatmur. Oh nure boknong hanip nure ti na ihapti dasuh inin er nahatin meng oh nure boknong nahapatmur. Imat inahama ma ihpat oh nohe ma porpat meng oh na amrama ihirnong ambur na panggeipatmur. Na panggeima kat sios ihirdapat ama apriya han ihirnong ambur panggeitper dahatperhan oh Ama apriya han ihirnong ambur panggeitpera dahapti han bap gur Got orhe nita na hat pati han bap ohoh ihan gur Got orhe rotu apnonghe na rosiprimur por baso porpatmur. Oh ihat pat han ohoh ihan noh apirhanhe ohe er hat patin ma ihpat meng gonsi oh noh sios gure kintei oh atirip hatipramur.