2 Timoti 4:2 - Oksapmin

² Timoti go Got orhe arpin meng pot orhorwi paptenmur. Ihat papindin oh ihir na amratper ariya teio meng amratper riya teio oh gomdapat ire ma ihaptinong oh dahapra. Potpora daham pot orhorwi paptenmur. Pot orhorwi porpatim go manap da tei orhor Gur mihat ma sapti oh er hat saptimur. Mihat ma saptinong oh yah hat saptimur pora meng am matin inasi hat patim orhorwi pot pisashenmur.

2 Timoti 4:2 ပူးပေါင်းရင်းမြစ်များ

Ruk oh yah meng ma brak matip ohe meng oh 7:23

Hanip bap gur nohe ma ihat sapatnong moh wanahama Moh arpin hande dasuh hande na daham Arpin han orhorwa daham tit dawi hat pati kuuhan gur amamsi hat pati kuuhan bap gurmur pongopri.

Ruk oh yah meng ma brak matip ohe meng oh 7:4

Por darhetporhan ihir apris Jisas ohnong Ama han oh yahnap han ohoh Juda dire danong ham napanggeim dire rotu ap oh nahamo imat napanggeim napapat han ohoh ihan go ohe ma ri meng oh amram sus ohe atamreipat han ohnong ayah matinmur pongopari.

Ruk oh yah meng ma brak matip ohe meng oh 9:60

Potporhan Jisas oh Es. Damdapat ma haputpa da hatin hat pati bap ihirdapat kat hapuriya han ire sein oh sa saripri. Gori gin orhor nohe tapnong ham susa Got ohe napapindin ohe meng oh pot pisashenmur pongopri.

Aposer 13:5

Tom goh mong Saiprasnong susa Saramis ap mutuh oh kotpari. Koripti ama ap mutuh Juda bap ire rotu ap ap oh rosa Got ohe meng oh pot pisasheri. Pot ma pisashe oh Jon Mak ohhe ite tapnong ham ihitnong panggeit pisanipatri.

Aposer 16:13

Patim gahan tuperipti dik oh ap mutuh ohe manggap pe tom hir oh Juda bap ire beten hapti tei oh tit patkino rim angmat gatet pipa. Angmat sus wandeiyaoh kuu muk ti patingopa. Patihan ihirsi tongnoma mengitpa.

Aposer 20:7

Tit sande rima gahan Sande oh nuhur Gin Jisas ohe sutpa ohe danong ham den dipero daham tap tei hatpa. Tap tei hapti den daptin kwitem hangop. Kwitem hatporhan tanggam trun has mar itpa. Saripti Por oh Noh kimsi orhor sapra ma hapat daham trun meng naporpatin kwit mutuh hangop.

Aposer 28:16

Da yah hama nuhur susa Rom aptei oh kora mutuhnong hatperhan ama mong papat han oh Por oh orhap be ap oh ha indinohmur. Patin dupsi han gur tit han tit wamat paptenmur pongop. Potporhan oh arpin orhap apnong deingopa.

Rom ihirnong Por oh brak atip ohe meng oh 10:15

Meng pot pisonhe Got oh meng pot pison han ihirnong na darhet patin oh ihir pot pisaproheda. Basra. Orhor darhetporhanwi ihir pot pisaptimur. Orhor darhetporhan gin mama pot pisapti ohmur. Ama pot pisapti ohe meng rim ma brak matip oh mamaru hat patmur. Hanipyah ohe yah meng ohsi popriya moh yaho daham amam haptimur rim brak matipmur.

Rom ihirnong Por oh brak atip ohe meng oh 12:12

Got oh inahatiprawa daham ma minhan pati moh Got oh arpin inahatiprawa daham amam hat patenmur. Ruumsup tit apris gure boknong nahahhanhe gur gapa ham mandapri. Kasip hat orhorwi patenmur. Orhorsi mengrinhe dipwi mengir patenmur.

Garesia 6:6

Gur guragurnong meng am nahapti han ihirnonghe guragure yah han erer oh kat tit ihirnong aprishenmur.

Korosi 1:25

Ama ihat pat han norhornong Got oh Go norhe nita sios ihirnong papten han hat patenmur. Patim norhe meng gonsi meng moh pomat orhorwi pot pisashenmur napor kis nahatipmur. Kis nahatporhan noh sios gurnong napanggeit napapten han ham mama napapat ohmur.

Korosi 4:3

Ihat paptim gur At Gota. Gorhe Krais ohe boknong mar ma nareman papatesuh meng oh gin Poro ire pitap teinong mar pot pison mandap oh Got go aisip matinmur. Aisip matporhan ihir meng oh ha poringwemur por nure ihirnong pomat porin ohe meng mandap menghe nadahandeinmur. Noh ama meng orhor pot pisapatin karapus nahatpa ohoh ihan gur nohe meng pot pison mandap meng oh dipwi nadahamarwi paptenmur.

1 Tesaronaika 1:6

Napanggeit napaptin gurhe meng amrama Hanipyah ohsi nure ma kat han ihirdapat inahatperhan amam hat ma saptiru gurhe dinahama amaru hat orhor pirimur. Gur ihat ma piri oh ina ruumsup isip daripti dus orhor Got orhe Yahsup oh gurnong amam dasi nahatporhan amam ham meng oh dar amam hat pirimur.

1 Tesaronaika 5:14

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.

1 Tesaronaika 5:20

Gur ire Nuhur Yahsup oh rit natporhan naporiyamur ma naporipti mengnong oh be menghe daham kom asar mandapri. Dahat orhorwi patenmur.

1 Timoti 4:13

Nohnong naminhan patin kuuhan ire mutuh oh tandeima Got ohe sawa meng oh sama ihirnong Gur ihat patenmura; ihat patenmura por meng am mar papatinmur. Imat ihirnong papatin noh apris wanahatipramur.

1 Timoti 5:20

Dahamara arpin menghanoh kat ma tamreipti ihirhe ha kas hatingwe rim ire kintei orhor dahamara pomtinmur.

2 Timoti 2:21

Gur ihat pati bap ohoh ihan gur er danong oh kom asara yah danong ohwi ongeng mat paptenmur. Imat ongeng mat papayahanoh Hanipyah oh ama ihat pati gurnong oh Gur yahnap han ma ap it pati ohe tan hat pati gurmuro. Gur Got orhemuro rim pomat ongeng mat it pati bap gurmuro napotipramur. Ama imat naporpat han bap gur orhe yah atamreindin erernongwi atamreindin mat mamen tahat pati han bap gurmur.

2 Timoti 2:25

Paptim ihir mengnong sakarap mar gardeiyahanhe gurdapat ihirnong kapkap imtipri. Ahar manap da tei orhor meng pomat porinmur. Got oh ire danong ha ayah matinoh. Ayah matporhan ihir da tamburkera arpin meng ohe danong ha hatingwe rima gur manap da ohsi pomar paptenmur.

2 Timoti 3:10

Nohe yah hat ma tamrein sapatnong oh go am hat patmur. Mamarumur. Nohe meng pot pisapat mengnongo nohe ihat ma sapat danongo nohe ihat tamrein sapat ohe duuptei mengo nohe kasip hat orhor ma Got ohe danong hat pat danongo nohe manap da tei orhorwi ihirnong pomat papat danongo nohe ire danong ham bopor mar panggeipat danongo ruumsup nahatperhan na garhama pan hat orhorwi ma pat danongo

Taitas 1:13

Gin Krit ihirhe ohe ma potip mengru hat pati ohoh ihan Got orhe nita bap ihir dasuh mengsi; arpin mengsi tap mat ma marin pati han ihiroh dasuh meng oh mandama arpin mengnongwi marin ha paptengwe rim go kasip mengtei orhorwi ihirnong pomat potinmur.

Taitas 2:15

Taitas go nohe ma napor meng moh dipwi kuuhan ihirnong por am deinmur. Am mara go norhe mengtei porpat han ohoh ihan go kasip mengtei ihirnong Gur mameng moh amram dindeinmur por kasip deinmur. Kasip mara na amraya kuuhan ihirnong imtin meng hatin mat porinmur. Ihirdapat Moh be han naporpathe daham dasei nahatipririm go Noh orhe mengtei imat naporpatmuro porinmur.

Hibru 13:22

Nohe taptem gurnong brak mar nasar sawa hatip meng moh gur garham mandapri. Hatip meng ohoh ihan gur pomat amranmur. Noh kasip mengtei mama napor ohmur.

Erer tarpatipra 3:19

Brer ihirnong da adason matinmat ma suptiru orhe bopor nahat napapat gurnong oh da nadason mar inahapatri. Ihan inahah ma hapat daham er hat sapti da oh mandama yah hat sapti da oh pomat dimtinri.