2 Timoti 4:17 - Oksapmin

¹⁷ Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.

2 Timoti 4:17 ပူးပေါင်းရင်းမြစ်များ

Matyu 10:19

Dahanahatinmat ire bes teinong nahayahanhe gur dir ihirnong kian meng sa potiprohe daham gur da trun darheripri. Ama dik ohe porin ohe meng oh orhor am nahatiproh ohoh ihan gur da trun darheripri.

Ruk oh yah meng ma brak matip ohe meng oh 1:1

Nohan hanipyah kamoheim hat pat han Tiopirasa. Rih nure mutuh tarpam ma ihat pir ohe meng oh kat han ihirdapat ama meng oh nure bes tei brak matpera daham brak matirimur.

Ruk oh yah meng ma brak matip ohe meng oh 21:15

Gurnong ire duupnong napisayahanoh ama napisaya tei orhor noh gurnong dakuu dasi naham daham yahnap meng potin ohe meng oh gure atem tei rit natipramur. Rit natporhan ama meng oh gur ihirnong potperhan ihir gure meng oh sakarap naham na namkatiprimur. Inahatipra ohoh ihan gur Nuhurnong napisayahanoh nuhur kian meng sa potipri na dahat patimdapat orhor napisayahanoh sonmur.

Aposer 23:11

Gahan kimsidapat ohe kwitem oh Por oh patin Hanipyah oh Por ohe duup oh aprisa ohnong We. Pora. Go kas hatipra. Watahpei ham kasip hat orhorwi patenmur. Gwe Jerusarem ap mutuh morhor patim ma Got oh ihtin hanmura; ihtin hanmura ma ripat meng orhor Rom ap mutuhnong sushe ama wanin meng orhor ripramur pongopri. Potporhan timdipri.

Aposer 9:15

Potporhan Hanipyah oh Es. Ama han ohnong noh Go norhe kasip meng mohsi kak hat pati hano Juda na hat pati hano Isrer hat pati hano ihirnong norhe kasip meng mohsi am mat pisonmur.

Rom ihirnong Por oh brak atip ohe meng oh 15:31

Nadahamar papten meng oh mamaru mat nadahandeinmur. Got go Por oh Jerusarem ap mutuhnong ma saproh oh Got gorhe meng ma na amrapti Judia mong ma pati han ire bes teinong matipririm Got go ire besnong arahmat paptenmur. Arahmat papatim gorhe nita kuuhan bap ihirnonghe Por oh ire ma atiri mani oh pisus apriporhan ihir Epe. Nuhurnong mama mani moh kianorim natiri dahatipririm Wes natiri daham amam ham ha datingwe rim gur ire imat datin ohe meng oh adahamar paptenmur.

2 Korin 12:9

Dahamtiporhan oh Es. Norhe kasip oh gapa han ire da mutuh oh yah hat tarpama tamreipatmur. Ihat gapa han ire mutuh tamreipat kasip ohoh ihan go Got oh bopor naham mama kasip mohsi nahat pat ma hapat. Mama kasip moh kiwa dahatinmur napor baso napongop. Baso napotporhan noh Gapa hat pat moh yahwa. Krais orhe kasip oh ha tarpatin oh daham kimiritipmur. Kimiripat norhe gapa hat pat ohe pe oh Krais orhe kasip oh ha tarpatinoh daham ohnongwi daham armi tahat patmur.

Epesas 3:8

Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.

1 Timoti 1:12

Dire Hanipyah Krais Jisas oh nohnong Oh mama tamreindin mohe danongwi hama kasip hat tamrein sasipra ma hapat daham nohnong Go norhe natamreindinnong moh natamrein sashenmur napora mama tamrein sashen ohe kasip moh napdapmur. Nohnong imat napdap hano rim noh orhornong weso porpatmur.

2 Timoti 2:1

Nohe mon Timoti go Noh Krais Jisas orhe nita hat patin orhe damdapat orhor Noh imat yah matiprohwa ma dahapat da ohsi yah naham kasip nahat napapat ma hapat daham ama kasip ohsi hat tamreinmur.

2 Timoti 2:9

Noh ama yah mengnong ohwi pot pisapat ohe pe oh norhornong inaham ruumsup nahama er han hatin naham karapus nahat napaptimur. Ihtin orhor Got ohe mengnong oh atimbas mar karapus matin hatinda. Na timbas matin hatinmur.

2 Timoti 3:11

nohe ihat sapat ohe pe ruumsup ma darpat danongo nohe ama ihat sapat da oh gonsi go am hat patmur. Noh ina ruumsup ma datir oh noh Antiok ap tei patin niyao Aikoniam aptei patin niyao Ristra aptei patin niyao nahatperhan nohe batbet dar ruumsup ma datir oh go am hat patmur. Aptei aptei nitperhan nohe ina ruumsup dar ma namkarpat oh ire bes tei patin orhor Hanipyah orhor yah naham nambutirmur.

2 Timoti 4:5

Ihtipri ohoh ihan go da timbas ham meng pasorim mandus hatheri mengripra. Da darhet patdapat orhorwi meng porinmur. Go ihtin dasi hat orhorwi patin ruumsup nahayahanhe ruumsupsi hat orhor meng pot pisashen ohe danong orhorwi hat sashenmur. Susa Got orhe atamreindin oh ti amdapra. Gonsi atamreim tap kat mat orhor apisashenmur.

Taitas 1:3

Rit nasarpat Kaput mama dik oh hatporhan noh arpin meng moh ire kinteinong mar pitap matipramur dahatipmur. Dahapat gahan komdapat orhe ma dahatip dik oh hatporhan dire kinteinong ama dahatip arpin meng oh pitap matipmur. Ma pitap matip oh orhe atamrein han ire kinteinong pitap matporhan ire atem teidapat napor dirnong namgiptimur. Namgitperhan it da namburpat han Got orhor norhornonghe Gin go ihirnong nohe meng moh pitap mar pot pisona napor kis nahatporhan noh mama napot napisapat ohmur.

Hibru 11:33

Ihir Got oh inahatin hatin hanwa ma dahat pateshe ohe pe oh kat han ihir kat han ire hrepnong mar papti mong oh ire merwi mar adarishemur. Kat ihir yah duutin da ohsi mar yah mat papteshemur. Kat ihir ihat dahat patimdapat Got orhe napripramur por ma rit atip erer oh kakdah morhor darishemur. Kat ihir ama ihtin dasi hat orhor raion oh kot samin hatin han nitipririm ire atemnong apashemur.

1 Pita 5:8

Gur guragure da oh inin ham ongeng mat paptenmur. Paptem mahaw han Satan oh raion kot samin hatin hanip ihirnong sum diporim ut tit angtahat apripat ohoh ihan sum nadiprarim gur inin hat patim watahat patenmur.

2 Pita 2:9

Hanipyah oh indeipat han ohoh ihan orhe da hatin hat patim yah hat sus ruumsup ma dat sapti dirnong oh ama ihat sapti dus orhor nambutin inasi nahat napapat ma hapat dahaptimur. Er hat ma sapti ihirnong oh batbet mar papatdapat kaput pepe dik ma nasatipra dik oh atnap isip batbet apinmat mamen mat apapat ma hapat dahaptimur.