2 Timoti 3:17 - Oksapmin

¹⁷ Imat ma napisapat oh dir Got orhe atamreindin ohe kasipo dao oh napriporhan ti yah han ti yah han ohe tamreindinnong oh mamen tahat ha patengwe rim inahapatmur.

2 Timoti 3:17 ပူးပေါင်းရင်းမြစ်များ

Epesas 2:10

Orhor nambutin inasi nahat napapat moh rih orhor Got oh Krais Jisas orhe tapnong hatipri bap ihir mama yah da mama yah danong hat sa sasipri daham ama yah da oh mamen mat natipmur. Mamen mat nasara ama mamen mat natip yah danong hat sashen ohe inasi naham kis naham napapatmur.

2 Timoti 2:21

Gur ihat pati bap ohoh ihan gur er danong oh kom asara yah danong ohwi ongeng mat paptenmur. Imat ongeng mat papayahanoh Hanipyah oh ama ihat pati gurnong oh Gur yahnap han ma ap it pati ohe tan hat pati gurmuro. Gur Got orhemuro rim pomat ongeng mat it pati bap gurmuro napotipramur. Ama imat naporpat han bap gur orhe yah atamreindin erernongwi atamreindin mat mamen tahat pati han bap gurmur.

2 Korin 9:8

Imat panggeitpera ma dahapti gurnong oh Got oh Noh ihat ma pan hat yah mat orhor apripti ihirnong oh noh iraire din ohesi; ihirnong panggeitin ohesi ruumsan mat orhor tap mat apripora daham imat napin inasi nahat napapatmur. Inahatin inasi nahat pat ohoh ihan guraguresi; ihirnong yah mat panggeitin ohesi tap mat ruumsan mar bapkei mat orhor napripatmur.

1 Timoti 6:11

Ire ma er hat saptinong ohri Timoti go Got ohe hrepdapat hat patim atamreipat han ohoh ihan gori kom asar tandurinmur. Tandura yah dao Got ohe yah hat ma pat danong ongeng mat papat ohe dao Got ohwi inahatin hatin hanwa dahat paten ohe dao ire danong ham panggeit sashen ohe dao pan ham kasip da hat orhorwi paten ohe dao hanip ihirnong manap da tei papten ohe dao ama da muk oh isip ham ha tarpat sashenoh rim kasip mat paptenmur.

Hibru 10:24

Ihat minhan patim arwananah ire danong ham gospanggeipti dao yah hat sapti ohe dao oh ha isip hat sonoh rim kasip goshat orhorwi sasipera.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

Aposer 9:36

Pita oh Rida aptei patin Jisas ohe meng amrapat kuu tit Jopa aptei ama patesuh oh. Uhe win oh Tabita uhmur. Tabita ma porishe oh Grik ire mengtei Dokas uhmur porishemur. Uh ihir erer oh timbas hatperhan ihirnong pandemo ihirnong panggeim yah maro paptesuh kuu uhmur.

Taitas 3:1

Taitas go Got ohe nita hat pati kuuhan ihirnong Gur gapman bap kakhan hat pati han ire hrepnong hat inpera daham ire hrepnong hat patim ire naporiya meng oh marim amram dindeinmur. Dimara ire yah tamreindin ohnong oh tamreindina naporiyahanoh naporiya meng oh gur damdapat pan hat pati da orhorsi tamreinmur.

Taitas 1:16

Ihat pati ihir atem teimdapat Nuhur Got ohnong am hat patimur ripti orhor ire saya apriya ma haptinong oh Got ohnong kom asar saya apriya hat pati bap ihirmur. Ihat patim mengnong kom asar yah danong eimatnap na hatin inasi hat pati ohoh ihan Got ohhe ihirnong dasei mat papatmur.

Hibru 13:21

Ama imat pamsuhup han Got go gorhe ma ti da ti da dahapat danong dinahatin ohe tihan tihan kasip da oh apris paptenmur. Imat apris papatim gorhe Noh ire mutuh oh ihat patin yaho ma dahapat da oh Krais ohe heim dap tei oh nure mutuhnong namtinmur. Krais gonong nuhur dipwi armi naham napapten hano rim mameng moh napormur. Arpinwa.