2 Timoti 2:4 - Oksapmin

⁴ Ami bap ihiroh ami ire atamreindin ohsi; iraire danong ham tamreindin ohsi sahsah mar na tamreiptimur. Iraire duuptei hat pat han oh Norhe atemnongwi dinaham tamreipti ma hapat ha dahatinoh rim orhe atemnong dimar tamreiptimur. Amaru hat orhor gohe Krais ohe atamrein danong ohwi hat patim atamrein sashenmur.

2 Timoti 2:4 ပူးပေါင်းရင်းမြစ်များ

Ruk oh yah meng ma brak matip ohe meng oh 8:14

Gah amgap ire mutuh ma wanpat ohe den gwe oh Got ohe meng amrapti dindeipti orhor kakdah ohe ina ruumsupo ihsen ruumsan dar kamah hatin ohe dao kakdah mohe amam hat indin ohe dao ama ohe da oh Got ohe mengnong amkar hotmatperhan Got ohe yah meng oh dam timapat orhor it bukurpatmur.

2 Korin 5:9

Ohsi tap hat paten ohe danong oh isip hat pati orhor dire isipnap ma dahat pati oh Got orhornong Gin kakdah mama patihe Got orhor amam hat paten ohe da ohsi hat orhor patepera. Hapur sus orhorsi tap hat patimhe orhor amam hat paten ohe da ohsi hat orhor patepriwa daham orhe amam hat paten ohe danong ohwi isip hat saptimur.

Garesia 5:1

Sawa meng oh dirnong nang ohe tan natpam ohe hrepnong nahat napapatin Krais oh nang narpit namdatipmur. Ma namdatip oh nang tarpira nang na tatpat pati han bap hat orhorwi ha patengwe rim nang narpit namdatipmur. Imat narpit namdatip ohoh ihan gur it sawa meng hrepnong ham nang tatpat pati bap hatin hatipririm kasip hat orhor patenmur.

1 Tesaronaika 2:4

Imat napot na indirimur. Nuhur mimat napot indirimur. Got oh nuhurnong nasama Mama han gur norhe meng napot pison inasi hat pati han bap gurmur napor meng oh nure bes tei nahatporhan nuhur orhe Norhe meng moh ihir mimat pot ha pisongwe dahapat da ohsi nuhur apris gurnong imat napot indirimur. Hanip ihir ha amam nahatingwe rim meng napot na napisaptimur. Hanip dire mutuh ma dahapti danong nadason mar am hat pat Got orhor ha amam nahatinoh rim imat meng napot napisaptimur.

2 Timoti 4:10

Nohsi patesuh han Demas oh kakdah mohe paten danong isip hama nohnong namdama Tesaronaika apteinong pipmur. Ma napanggeit napapti han ihiroh Kresens oh Garesia mongnong sus patmur. Taitas oh Darmesia mongnong sus patmur.

2 Pita 2:20

Gur mohnong dahenmur. Hanip dir diradire Hanipyah namburpat han Jisas Krais orhornong am hapti ohe dap teidapat kakdah mama er nahapat ohe er nang oh arpit namdatir tei it er danong ham nang tatpat pati hatin hayahanoh ama ihya han ihir rih Krais ohnong hanhan hat patim ma er hat pateshenong oh garpokmur. Gin ohnong am hat patim orhor ma ihaptinong oh atnap isipnap er hatin ohe dap teinong hat patimur.