Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timoti 2:16 - Oksapmin

16 Kat han ire Got ohnong dasei mar dam na tarpatin meng ma rit saptinong ohri go amrapra. Kom asar sashenmur. Ameng oh Got ohe boknong na ham kom asar napison mengwi rit sapti ohoh ihan Got ohnong kom asar rit sapti mengnong oh gori amrapra. Kom asar sashenmur.

အခန်းကိုကြည့်ပါ။ ကော်ပီ




2 Timoti 2:16
19 ပူးပေါင်းရင်းမြစ်များ  

We. Gurnong ihtin meng napor dasuh nahatipririm mohnong dahenmur. Nuhur er han ihirsi tap hat sayahanoh ire da moh nuhurnong napriprohe ma hapat daham ire tapnong hatheri patepri.


Gur Nuhur yah hatwi sapti ma hapat daham armi tahat sapti danong ohri hapri. Bretnong pipirpat han yis ohnong dahenmur. Yis oh gar saripti orhora; bret gonsi isip deipat hanmur. Yis gar ma isip hat sapatru hat orhor gure mutuh oh mama er hat pat han oh Gar er hat patmur ma poripti han oh pa sahapo yiso ire tan isip ham mutuh sus er hat sapat han ohnong giporiptimur.


Sawa orhe tamreindein hat ma pat oh mamarumur. Ama sawa meng oh yah hat ma sapti han bap ihir Nuhur er hat pati sa ha dahatingwe rim na natip sawa mengmur. Er hat sapti han ihir sawa meng moh amram Nuhur er hat sapti sa ha dahengwerim ohe natip sawa mengmur daham yah mat orhor poriptimur. Er hat ma sapti ihiroh mama bap ihirmur. Iraire danong ham yahwiwa daham er hat sapti bapo sawa meng amkar sapti bapo Got ohnong kom asar er hat sapti bapo Got ohe dahapat danong na ham orhe kintei oh bisei hat sapti bapo supiro itapiro wan han bap ihiro ha haputingwe rim sut pisapti bapo


Inahat napisapatin hanip ihir Got ohnong dasei mar dam na tarpatin ohe meng oh kuu ire ripti meng hatinmat naporiyahanoh gori ama ihtin mengnong oh na amram kom asar sashenmur. Susa Got orhe dahat pat da hatin hatinmat oh kis taham am hat orhorwi sus kasip ham am hat sashenmur.


Got ohe atamreindin oh Timoti gonong wamat paten han nahatip ohoh ihan wamat paten han gorhor aer matiprarim pomat orhor pot apisonmur. Pot ma apisapra oh ire Got ohe yah dasi na ham damsi na hatin ohe mengo yah mengnong amkaripti ohe mengo ama wa hatin mengnong ohwi dakuu meng dam hatin ohe mengmur ma rit sapti mengnong oh go amrapra. Komwi at patenmur.


Timoti go nohe ma napor meng moh meng am mat pison han ihirnong ihir hanhan matipririm pomat orhorwi ihirnong sat potinmur. Pora nohe ma napotiproh meng mohri ihirnong kasip mengtei orhor potinmur. We. Nohe meng ma napotiproh oh Got orhor nohnong wanahat patin gurnong napotiprohmur. Ihan gur pomat amrat patenmur. Gur mengnong sakarap goshat orhor pot pisasipri. Sakarap goshat orhor pot pisayahanoh ama amraya ihirnong oh panggeitin dasi na mara da aer mar ihapti ohoh ihan gur ihat sakarap goshat pot pisasipri. Yah mat orhorwi pot pisashenmur por Timoti go ama meng oh sios bap ihirnong potinmur.


Gur ihat pati bap ohoh ihan gur er danong oh kom asara yah danong ohwi ongeng mat paptenmur. Imat ongeng mat papayahanoh Hanipyah oh ama ihat pati gurnong oh Gur yahnap han ma ap it pati ohe tan hat pati gurmuro. Gur Got orhemuro rim pomat ongeng mat it pati bap gurmuro napotipramur. Ama imat naporpat han bap gur orhe yah atamreindin erernongwi atamreindin mat mamen tahat pati han bap gurmur.


Er danong hat sapti han bapo Nuhur yah hanmur rim dasuh hat sapti han bapo ama ihat er hat sapti han bap ire er da oh isip hat isip hatwi sasipramur. Isip hat susa kuuhan ihirnong dasuh mat pisaptin Satan oh it irairnong dasuh mat pisasipramur.


Ama han bap ihir Dir hanip ihirnong na poripti dasuh meng moh pora ama ohe pe oh dir yan adariprimur daham hanip dire na poripti meng oh pora yan adat pisaptimur. Yan datin ohe danongwi hat patim ma ihapti oh er haptimur. Ama ihapti han bap ihir meng ma poripti ohe pe oh kuu gamder imder tamder ire arpin meng amrapti yah danong oh asum er deiptimur. Ihir ihat dasuh meng pot pisapti ohoh ihan go ire dasuh meng hat saptinong oh baso por atimbas matinmur.


Ihir Juda ire pohon ma ihapti meng danongo arpin mengnong dasei mar mandama iraire damdapat sawa mengmur rim ripti mengnongo oh ha mandatingwe rim pomat orhor pora baso por imtinmur.


Nohan Taitas go dasuh han ihir iraire damdapat orhor ropir ire boknong mar meng sang riptinongo Juda nure pohon sawa mengnongo ihir ama mengnong oh hut patim na daham meng gusum sakarap goshayao hayahan ama ihya han ire meng ohri amrapra. Gori ire mengnong kom asarinmur. Ihtin meng oh dam na timam na napanggeitin meng ohoh ihan ameng ohsi amrapra. Kom asarinmur.


Patima gurgur tit han tit Got orhe damdapat ma yah nahapat da oh kap nahatiprarim pomat orhor daham wamat paptenmur. Paptem tit han tit ator gapsi irat kaker oh marasa yah hat patnong asoh er mar bisei matiprarim pomat wamat paptenmur.


Ama ihapti han bap ihir iraire ina boknong tohormi tahat patim dam na timdin meng ohwi ambar meng hatin mar poriptimur. Pora diradire ina tei damdapat Noh ihahneng ihahneng daham er hapti da ohsi yah meng hatin mar tarmin bapen apin tei tohan agonom pramat pisapti ohe tan mat er da teinong pramat pisaptimur. Pramat ma pisapti oh rih er da hat sapti han ire tap hat patimdapat kopen mandama yah danong hata han ihirnong imat it pramat er da teinong pisaptimur.


Ihat dasuh nahat apripti han bap ihir iraire er hat son ohe kinnong asohwi isip ham tapet apripti han bap ihirmur. Ihir ihat apriperhan kat han gon gurhe ire ihat er kin tapet saptinong asoh kat han gon gur daripri han bap gurmur. Dara ihat er hat saptin kat kuuhan ihirdapat gurnong wanahapti Got orhe meng moh yahmur rim amrapti bap maihir er hat sapti moh ihan Got ohe meng moh kasip timbas er meng ma hapat daham kom asar mandaprimur.


Ohri pat han ohe kintei na wandeipti han ma imtip oh Got oh ha imtinoh daham wamat patin indeingop. Imtiporhan kakdah pati han ihir gonsi ohe dasuh da ma indeinong wamara Moh arpinhe dahaya hangopa. Ihat dahatperhan kurwah oh Gur ohri kurwah kak moh sein sutperhan it si hama it dasi ham ma pat han ohe danong ham orhe win adaptuhutinmuro. Orhe winnong adaptuhutinmat oh orhor hatin irat bok tit gatmara orhor hatin arhur kis mar orhe winnong adaptuhutinmuro por kasip mengtei pongop. Potporhan ihir arpin ihangopa.


Ama kurwah orhe tit kak oh sein sutpa orhora it si hama yah hat patgop. Yah hat pathan kakdah han ihir gonsi wandeipti sein bupang rima ohnong dindeiptingopa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ