2 Timoti 2:14 - Oksapmin

¹⁴ Timoti go nohe ma napor meng moh meng am mat pison han ihirnong ihir hanhan matipririm pomat orhorwi ihirnong sat potinmur. Pora nohe ma napotiproh meng mohri ihirnong kasip mengtei orhor potinmur. We. Nohe meng ma napotiproh oh Got orhor nohnong wanahat patin gurnong napotiprohmur. Ihan gur pomat amrat patenmur. Gur mengnong sakarap goshat orhor pot pisasipri. Sakarap goshat orhor pot pisayahanoh ama amraya ihirnong oh panggeitin dasi na mara da aer mar ihapti ohoh ihan gur ihat sakarap goshat pot pisasipri. Yah mat orhorwi pot pisashenmur por Timoti go ama meng oh sios bap ihirnong potinmur.

2 Timoti 2:14 ပူးပေါင်းရင်းမြစ်များ

2 Timoti 2:23

Na dahatin meng ma ripti bap ihirsi tap hat patepra. Go am ham dahat patmur. Da hut pati han bap ire na dahatin mengnong ma sakarap gosham meng gusut sapti ohe pe oh inggoshat son danong oh tarpat sapatmur. Ama ihat sapti da oh go am hat pat ohoh ihan go ama ihat sapti danong oh go it tamburker wandeipra. Kom asar sashenmur.

2 Timoti 4:1

Krais Jisas ohe it ma apripra oh hanip dirnong orhe hrepnong naham napapindin yahnap han ham apripramur. Aprisa haputpa bapsi; da pati bapsi tap naham dahanaham nasatipramur. Ihtin han Kraissi; Got ite kintei kasip mengtei ma napotiproh meng moh ite dap tei awam hatin tuker napotiprohmur.

Rom ihirnong Por oh brak atip ohe meng oh 14:1

Kat gur Got ohnong Orhorwi inahatin hatin hanwa dahat pati orhor Nure mama ihat sapti moh Got oh nuhurnong amam nahat napapatda da na amam nahat napapat daham yot da ham da gapa hat hatin hat patimur. Kat gur ihat na daham kasip hat patimur. Kasip hat ma pati gurdapat oh tap Got orhe nita ham gapa hat hatin hat ma pati bap ihirnonghe Gure yot da ham mama gapa hat hatin hat pati moh gur er hat patimur por sakarap goshatin meng hatinmathe ihirnong poripri.

Hibru 13:9

Ihat pat han ohoh ihan kopenohe na dahatin da mengo ti da ti da mengo oh naporiyahanoh Moh wan mandapnong nahatin meng naporiya ma hapat daham wan mandapnong nahatipririm kom asar mandanmur. Mandapti Den moh yahmur. Moh awammur ma ripti oh dire da mutuhnong ham kasip naham na napanggeipat mengmur. Got orhe damdapat ma yah nahapat da oh da mutuhnong kasip naham yah nahapatmur.

1 Timoti 5:21

Nohe imat meng pomtinmur ma napor meng moh noh Got ohe kinteio Krais ohe kinteio yahnap enser ire kinteio oh kasip mengtei mama napor ohmur. Ihan Timoti gorhe da ohri Moh er hanhe Moh yah hanhe por satin da ohri hat patim satipra. Go potahat dahataham manap da tei orhor sanmur.

Aposer 15:24

Nuhur amrayaoh Nuranur kat han ihir iraire da orhor gure patinong apris gurnong ruumsup naham gure danong er nahatin ohe meng oh naporiptimur ritperhan nuhur amratirimur.

2 Pita 1:13

Noh na haput patin orhor mama meng moh gur hanhan matipririm gure danong napamsas dipwi napor ahan yaho dahapatmur.

1 Timoti 6:13

Erer gonsinong paten dasi mat papat han Got ohe kinteio Jisas Krais oh Pontias Pairat ohnong Hanip Brer noh ihat pat hanmura; ihat pat hanmura pomat ma gipotip han ohe kinteio ama han yot ite kintei noh kasip mengtei gonong mama napor nasar meng moh gori kasip hat orhorwi dimar paptenmur. Ama danong oh er maro bisei mar amkaro matiprarim yah mar dimar orhorwi papatin Jisas Krais oh sa apripra.

2 Tesaronaika 3:6

Gin Hanipyah Jisas Krais orhe mengtei nure taptem gurnong kasip meng tit napotiprohemur. Nure Gur ihat tamrein patenmur ma napotiri meng oh tit han tit na amram na tamreim gapanwa han hat pathanoh ama han ohsi tap hathe patepri.

2 Timoti 2:16

Kat han ire Got ohnong dasei mar dam na tarpatin meng ma rit saptinong ohri go amrapra. Kom asar sashenmur. Ameng oh Got ohe boknong na ham kom asar napison mengwi rit sapti ohoh ihan Got ohnong kom asar rit sapti mengnong oh gori amrapra. Kom asar sashenmur.

1 Timoti 4:8

Kasip ham am hat sonmat oh mohnong dahatinmur. Tamnong kasip deipti ohe pe oh kakdah morhe napanggeitin tam kasip deiptimur. Got ohe danong hen ohe da ma kasip deipti ohe pe oh gin mama pati ohe napanggeipat ohsi; komdapat patepri ohe napanggeipat ohsi tap mat kasip deipti ma hapat daham ongeng tahat pat danong oh kasip mat pisashenmur.

Epesas 4:17

Gin noh Krais ohe mengtei kasip bok meng moh napotiprohmur. Gur Got ohe danong na hat pati han ire da hat sapti da hatin hat sasipri. Ire ma ihat sapti ohri kwitem dus dam na tarpatin ohe danong ham da hut sapti bap ihirmur. Ihir Got ohe yah meng moh na amratiprohemur daham kom asar na dahapti ohoh ihan Got orhe meih mahan patmura; irarhe meih mahan patimur. Ohsi tap tei hat na patimur.

Garesia 1:7

Gur wan mengnong amram ma dindeipti oh Oh yah meng napanggeitin menghe daham dindeipti orhor na napanggeitin mengnong dindeiptimur. Ihir Krais ohe yah meng ohe boknong oh na napanggeitin er meng oh dip mar yah mengnong er mar gurnong da ban naham er mat naporiptimur.

Aposer 13:10

ohnong Satan ohe puh go tihan tihan yah danong oh go mahaw deipat hanmur. Ihat pat han gwe mutuh oh dasuh hat son ohe dao ti han ti han er hat son ohe dao ohnong gwe mutuh oh teip hat pat han gomur. Ihat pat han go Hanipyah orhe ihat ha songwe ma dahapat yah danong go er da hatin mar aer deipat han gomur.

Matyu 16:26

Gur yah hat eimat paten ohe da oh mandama Kakdah ohe erernong moh ruumsan erer oh gonsi dariyahanoh gure erer ruumsan ma dariya han oh gurnong batbet naham er nahatipra tei oh ama ihir napanggeim yah nahatiprida. Basra. Ama erer ihir na napanggeitiprimur. Gur kian han dara eimat paten danong mohoma eimat paten dasi hatipri. Ti na mohotin hatin hat patmur.

2 Timoti 1:6

Go Got ohe danong hat pat hano rim noh mama meng moh napotiprohmur. Noh gwe boknong bes namrinporhan Got orhe atamreindin orhe kasip oh gwe mutuhnong nahatipmur. Ama inahatip danong oh Timoti go mandatiprarim irat puka mar ma has deiptiru mat orhorwi papatim isip mat pisashenmur.

1 Timoti 1:6

Ama han irair ama ohe danong na hama wan mandapnong hat patim na dahatin mengnongwi gospot sapti bap ihirmur.

1 Tesaronaika 4:1

Nohanher taptem bapa. Gin tit mengnong moh dahatinmur. Nuhur gursi patim Got orhe Ihir ihat sayahan yaha daham amam hat pat da oh namgit indirimur. Namgitperhan gur am hapti ama da ohsi ihat saptimur. Ihat ma sapti oh ha isip hat sashenoh rim isip mat orhorwi pisashenmur rim nuhur Hanipyah Jisas orhe mengtei kasip mat orhor naporiyamur.

Taitas 3:1

Taitas go Got ohe nita hat pati kuuhan ihirnong Gur gapman bap kakhan hat pati han ire hrepnong hat inpera daham ire hrepnong hat patim ire naporiya meng oh marim amram dindeinmur. Dimara ire yah tamreindin ohnong oh tamreindina naporiyahanoh naporiya meng oh gur damdapat pan hat pati da orhorsi tamreinmur.