2 Timoti 1:8 - Oksapmin

⁸ Ihan go Por oh Krais orhe nitao rim karapus matpa ma hapat daham kas haho diradire Hanipyah ohe meng oh potinmat kas haho hapra. Got ohe meng pot pison ohe ruumsup oh Por ohe dat patru hat orhor nohhe ihtin ruumsup dat patim ihirnong meng pot pisapora daham watahpei hat orhor pot pisashenmur. Pisapatin ruumsup dus orhor Got oh pang inasi nahatiprohmur.

2 Timoti 1:8 ပူးပေါင်းရင်းမြစ်များ

Rom ihirnong Por oh brak atip ohe meng oh 1:16

Gur mohnong dahenmur. Krais orhe yah meng moh ma pot pisapti ohe pe oh ihir arpin Krais orhor inahatin hatin hanwa dahatperhan Got orhe kasip ohsi ambutin inasi mar papatmur. Ihtin kasip mengo rim noh hanip ihirnong potin oh noh na kas ham potin dawi ham porpatmur. Got oh yah mar ambutin inasi mar ma papat oh Juda nuhurnongri imat nambutin inasi nahat napapatmur. Komdapat Grik han bapo ama be han hat pati bap gurnong oh ihtin inasi nahapatmur.

Mak oh yah meng ma brak matip meng oh 8:38

Gin mama pati han gur er danong hat son ohe da oh bisei saw hat hatin sapti han bap gur norhornongo norhe mengnongo oh kasna nahayahanoh kaput Hanip Brer noh norhe has da ohsi; ato yahnap hat pati ensero ire has ohsi gon gurus rim apris gurnonghe noh kasna nahatipramur pongopri.

2 Timoti 4:5

Ihtipri ohoh ihan go da timbas ham meng pasorim mandus hatheri mengripra. Da darhet patdapat orhorwi meng porinmur. Go ihtin dasi hat orhorwi patin ruumsup nahayahanhe ruumsupsi hat orhor meng pot pisashen ohe danong orhorwi hat sashenmur. Susa Got orhe atamreindin oh ti amdapra. Gonsi atamreim tap kat mat orhor apisashenmur.

Erer tarpatipra 12:11

Dire taptem ihir sipsip bap ohe heim ohe kasip ohsi; arpin meng pot ma pisapti ohe kasip ohsi ama yot ite kasip ohsi Satan ohnong ambapte matamuro. Ihir Dir ihat saptin niyarit hapuriyahan yahwa daham ihat sashe han ihirmuro.

2 Timoti 2:9

Noh ama yah mengnong ohwi pot pisapat ohe pe oh norhornong inaham ruumsup nahama er han hatin naham karapus nahat napaptimur. Ihtin orhor Got ohe mengnong oh atimbas mar karapus matin hatinda. Na timbas matin hatinmur.

2 Timoti 1:12

Imat kis nahat napapat ohoh ihan noh ama ohe meng oh pot pisapatin ama ohe pe oh nohnong ruumsup nahat napapti orhor noh na kas hapatmur. Ruumsup nahat napaptin orhor nohe ma na kas hapat oh Krais Jisas orhor nohnong Go nohe yah meng moh pot pisashenmur napor nohe hrepnong matip yah meng moh orhor wamat paptepra ma hapat dahapat ohoh ihan nohhe ruumsupsi nahat napapti dus orhor noh na kas hapatmur. Norhe Orhorwi inahatin hanwa daham ma am hat pat han orhor orhe mengnong yah mat orhorwi wamat papatru yah mat papatin orhor orhe pepe dik oh sa hatipra dahama na kas hama kasip hat orhorwi patmur.

Epesas 3:1

Got oh dirnong tit bapwi nahat napapato rim noh gure ihat paten meng oh Got ohnong nadahadeipatmur. Noh gure imat nadahandeipat han noh Krais Jisas orhe han hat patim Juda na hat pati han bap gurnong napanggeit napisapat ohe pe oh karapus nahat patimur.

Piripai 3:10

Nohe da oh Noh Krais orhe pat danong oh am hama orhe masas pat ohe kasipnong ohsi noh hatpora. Hapat orhe batbet dat susa ma haputipru hat orhor noh ihtipora.

Ruk oh yah meng ma brak matip ohe meng oh 9:26

Gur norhornongo norhe mengnongo oh kasna nahayahanoh kaput Hanip Brer noh norhe has da ohsi; ato yahnap hat pati ensero ire has ohsi gon gurus rim apris gurnonghe noh kasna nahatipramur.

2 Timoti 1:16

Onesiporas oh pokwi nohe karapus hat patnong moh na kasna nahama Rom ap mutuhnong moh De ap oh karapus hat pato rim angnahat apris wanahatipmur. Wanahapat gin trun dah tit da yah naham us apir hapatmur. Oh inahapat hano rima noh orhornongo orhe kuu brer ihirnongo oh Got go hinhina mar yah mat paptenmur.

Epesas 4:1

Noh Got ohe atamreipat hano rim karapus nahat patimur. Karapus hat pat han norhor Got oh Krais ohe kasip ohsi inahapato rima noh kasip meng tei gurnong mama meng moh napotiprohmur. Got oh Gur norhe nita kuuhan bap hama mihat sa sasipri daham ma kis nahatipru hat orhorwi gurhe ihat orhorwi sashenmur.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.

Jut ohe brak mat atip ohe meng oh 1:24

Dir er danongwi ham Got orhornong mandam wandapririm orhordapat dirnong kasip naham orhornong na mandatin inasi nahapatmur. Inahat ma napapat oh orhe has yahnap duupnong napisonmat oh amamnap ongengnap ina ohsi nahat napapatmur. Ihtin inasi nahat napapat Got ohoh ihan orhornongwi armi mar paptepera daham armi marwi paptenmur.

1 Pita 1:5

Ama minhan wamat pati dirnong oh Got orhor kasip han ohoh ihan orhe kasip ohsi dir Ohwi inahatin hatin hanwa ma dahapti ohe pe oh ama kasip ohsi ponahat wanahat napapatmur. Wanahat ma napapat oh oh Norhe ihirnong imat ambutiprawa ma dahat pat da moh noh pepe dik oh pitap mar ambutipramur daham mamen mat papat da oh dir ha datingwe rim dirnong yah mat orhor wanahat napapatmur.

2 Timoti 2:3

Go ami ire Noh ire ret patin niyahan yahwa daham batbet ma dariptiru hat orhor Krais orhe atamreipat han gohe Noh ihat batbet darhan yahwa daham batbet dar ihat atamrein sashenmur.

1 Tesaronaika 3:4

Ma am hat patinong oh nuhur rih gursi tap hat patin orhor Dir Got ohe danong hat sapti ohe pe oh kat ihirdapat ruumsup naham inahatiprimur ginapotirimur. Gin nure ma ginapongweri meng oh arpin mama tarpapat ohmur.

Piripai 1:7

Got orhe damdapat Yah matpora dahat patdapat nohnong Go yah meng moh ihirnong pot pisona napor kis nahat napapatmur. Ihat kis nahat napapat ohoh ihan noh be karapus hat patino dahandeipti han ire mutuhnong nahat napaptino oh yah meng orhorwi pot pisapatmur. Pot ma pisapat oh dahandeipti han ire mutuhnong nahatperhanhe Moh arpin meng pomat pot pisapat hanhe ha dahatingwe rim noh pomat orhor pot pisapatmur. Got ohe Gur ihat tamreindin naporpat yah da moh diradirnong tap mat napriporhan diradir tap hat tamreiptio rim nohe dahe gurnong bopornap nahat napapatmur.

Epesas 3:13

Ihat pati ohoh ihan gur Por oh nure gwemat apripatin ohnong ruumsup mat papti moho rima gurhe da er ham guragure Got ohe danong hat pati da oh mandapri. Oh dirnong napanggeim yah nahatinmat oh ihat pat ma hapat daham kasip hat orhor patenmur.

Rom ihirnong Por oh brak atip ohe meng oh 16:25

Nohe yah meng napot napisapatru hat orhor Got ohhe inahat orhor kasip nahat napapten han Got orhormur. Nohe ma napot napisapat meng oh Jisas Krais orhe yah meng orhor napot napisapatmur. Ama napot napisapat yah meng oh rih orhor treman patesuhru patesuhmur. Gahan ama ihat treman patesuh meng oh Got orhor pitap teinong mar papatmur.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

2 Timoti 4:17

Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.

Piripai 4:13

Norhe ihat patnong oh yahwiwa dahat ma pat oh Krais orhe kasip ohsi ihtin da nahatporhan ihat dahat patmur.

Rom ihirnong Por oh brak atip ohe meng oh 9:33

Ama kwei boknong tung rim or wandas mandapti ohe meng oh tit meng Got oh Aisaia ohnong potporhan ma brak matip meng oh mamaru hat patmur. Gur amratin. Noh Saion Jerusarem ap mutuh oh kwei hatin han tit itipramur. Kwei hatin han tit ma matipra oh hanip ihir ama kwei bok oh tung rim or wandas hen ohe kwei hatin han tit itipramur. Hanip ihir ero por dasei mar mandatin kwei hatin oh itipramur. Itporhan ama itipra han ohnong Ohwi arpin inahatin hatin hanhe ma dahaya bap ihiroh Noh kinham sa mama han ohe boknong moh hatir na dahaprimur. potporhan brak matipmur.

Aposer 5:41

Mandatperhan aposer ihir pipari. Susa Dir Jisas ohe mengtei ihapti ohe pe oh mama ruumsup dire boknong naham napris napisapti moh yaho rim amam hat pipari. Amam hat susa Jisas oh Got ohe kis matip han Kraismur poripti ohe yah meng oh na mandam ameng orhorwi Got ohe ap yawar doho dahnong ros poriyao ire ap ap ros poriyao ham dipwi orhe meng oh porwi patesheri.

Erer tarpatipra 19:10

Enser oh napotporhan noh ohe duup oh bos hamnong ham timama ohe danong ham armi matpor ihpatin oh Es. Nohe danong ham armi nahatipra. Noh ditadit tap Got ohe atamreipti han ditaditmur. Gure taptem bap Jisas ohe arpin meng ma dindeipti ihirsi; diradir tap atamreipti bap diradir ohoh ihan nohe danong ham armi nahatipra. Got orhe danong ham armi mat paptenmur napongop. Got ohe meng pot pison ina mara ma kasip deipat sup oh dirnonghe Jisas ohe meng oh pot pison ina dasi nahat napapat ohmur.

Erer tarpatipra 1:2

Nohe kinteinong ma pitap matir ohe meng oh arpin tarpatipra mengo rim gonsi mama brak mat nasarpat ohmur. Nohe kinteinong ma pitap matir ohe meng oh Got ohe mengsi; Jisas Krais orhe arpin meng ma naporpat mengsi nohe kinteinong pitap matir mengo rim noh mama brak mat nasar ohmur.

Jon oh yah meng ma brak matip ohe meng oh 19:35

Ohe ma ihtip meng oh mama brak matip han norhor wamat patin imtiperhan wamat indip han norhor mama brak dei ohmur. Norhor wamat patim imtipa ohoh ihan noh arpin meng rim brak deimur. Arpin meng mama brak dei moh gur Orhor ihtin hanhe ha dahatingwe rim brak deimur.

Korosi 1:24

Noh gure pe oh ruumsup dat sapatmur. Ruumsup dat ma sapat moh Krais ohe Go norhe nita bap norhe ina hatin hat pati bap ihirnong go ire gwemat mihat batbet dat sonmur. Susa asotei ihat sa timbas hatipra napor ma kis nahat napapat teinong timbas matinmat ihat sapatmur. Ihpat ohoh ihan noh ruumsupsi hat orhor amam hat patmur.

Epesas 4:17

Gin noh Krais ohe mengtei kasip bok meng moh napotiprohmur. Gur Got ohe danong na hat pati han ire da hat sapti da hatin hat sasipri. Ire ma ihat sapti ohri kwitem dus dam na tarpatin ohe danong ham da hut sapti bap ihirmur. Ihir Got ohe yah meng moh na amratiprohemur daham kom asar na dahapti ohoh ihan Got orhe meih mahan patmura; irarhe meih mahan patimur. Ohsi tap tei hat na patimur.

2 Korin 6:7

Nuhur arpin mengwi pot pisayao Got orhe kasip ohsi hat patim ihat tamrein sapti han bap nuhurmur. Nuhur Got orhe duung dasi er danong sut ma pisapti oh bes tan oh er danong sutin ohe duung da oh marin saptimur. Tan oh nure boknong nitipririm ohe damer oh marin saptimur.

Rom ihirnong Por oh brak atip ohe meng oh 8:36

Ama ihtin ruumsup oh apripramur Depit oh girim ma brak matip oh mamaru hat patmur. Kat ihirdapat nuhurnong Gur Got ohe nita kuuhan bapmur napor suyarit ha haputingwe napor nitin danong nahat napaptimur. Inahat ma napapti oh sipsip bap ihirnong Sutin han moh sutpera daham ma suptiru dirnong imat orhor nitin da nahat napaptimur. girim brak matipmur.

Jon oh yah meng ma brak matip ohe meng oh 15:27

Amaru hat orhor gurdapathe nohe ma ihat pat ohe meng oh ihirnong porinmur. Ihirnong potinmat oh nohe kopenat ma apris tamreindip oh gur nohsi patiru hat orhorwi patim am hat pati ohoh ihan gur Oh ihat pat hanmura; ihat pat hanmura por meng am deinmur napongop.

1 Timoti 2:6

Ama ihat mutuh han ham napapat han orhor orhe danong na ham Noh ire er hat sapti ohe yan oh norhe boknongwi mar haputpora daham gonsi dire kakhan ham haputipmur. Ihat ma haputip oh Got oh Noh hanip bap gonsi ihirnong ambutipraneng ma dahat pat da moh ama dik oh imat pinggitiprawa ma dahatip dik oh pitap teinong mar dirnong namgitipmur.

Korosi 1:11

Isip hat ha sashengwe rim oh Got go wanohe kasipnapsi pat han ohoh ihan gorhe ama kasipnap ohsi kasip mat orhorwi paptenmur. Got gorhor ama kasip ohsi mat papatin ihir na gapa hama ama kasip orhorsi ihir amam dasi kasip hat orhorwi ha patengwemur.

2 Timoti 1:10

Gahan arpin namburin han Krais Jisas orhe dap teidapat orhe damdapat Yah matpora ma dahapat da oh pitap teinong matipmur. Matporhan dir wamara am haptimur. Ama han Krais oh dire haputperhan da oh Got oh dat wan teinong mar batbet napris napaptepra ohe da oh natimbas deipat it masas da dipwi patepri ohe da mandapnong oh namanhetipmur. Namanhetporhan ama namanhetip da mengnong oh gin dir amrama am ham yah hat eimat paten dasi haptimur.

2 Timoti 2:8

Go Jisas Krais oh Depit ohe puh ihir ma hapat. Oh hapura it masas pat ma hapat dahat orhorwi patenmur. Nohe ma pot pisapat oh mameng mohwi pot pisapatmur. Ihan gohe ama mengnong ohhe dahat orhorwi patim kasip hat orhorwi patenmur.