2 Timoti 1:10 - Oksapmin

¹⁰ Gahan arpin namburin han Krais Jisas orhe dap teidapat orhe damdapat Yah matpora ma dahapat da oh pitap teinong matipmur. Matporhan dir wamara am haptimur. Ama han Krais oh dire haputperhan da oh Got oh dat wan teinong mar batbet napris napaptepra ohe da oh natimbas deipat it masas da dipwi patepri ohe da mandapnong oh namanhetipmur. Namanhetporhan ama namanhetip da mengnong oh gin dir amrama am ham yah hat eimat paten dasi haptimur.

2 Timoti 1:10 ပူးပေါင်းရင်းမြစ်များ

1 Jon 1:2

Ama dirnong paten dasi nahatin ohe da oh orhe boknong hat pat han oh nure kinteinong pitap hatipmur. Pitap hatporhan nuhur wamara Arpin oh ihat pat hanwa daham nuhur am hama gur Oh ihat pat han ma hapat ha dahatingwe rim noh mama meng napor brak mat nasar ohmur. Ama ihat pat han oh da dipdipwi patesuhru patru patepra han oh itap Got orhorsi tap hat patdapat pitap hatporhan nuhur wamtipamur. Nure ma wandeishe ohe meng oh gin gurnong napot napisaptimur.

Rom ihirnong Por oh brak atip ohe meng oh 16:26

Pitap teinong mar ma papat oh rih orhor patesuhru patru patepra Got oh Propet ihirnong rit asarpat meng moh kaput among among pati kuuhan bap gonsi ihir ha amratingwe rim pitap teinong matipramur. Pitap teinong matporhan ihir amram am hama arpinhe daham sa dindeipri daham reman paptesuhmur. Reman paptesuhdapat gin pitap teinong matporhan orhe ma dahatipru gin among among pati kuuhan ihir gonsi amrama am haptimur.

2 Pita 3:18

Kasip hat orhor marin paptim ama ihat sapti han ire danong ohri hapri. Diradire Hanipyah namburpat han orhornong Oh ihat pat hanhe daham am hatin ohe dao orhe da orhor bapkei naham yah nahapat ohe dao ohnong titsi titsi dar am hatpora daham ama ohe danong ohwi isip mat pisashenmur. Orhorwi has yahnapsi hat pat han ohoh ihan gino kimsio kaputo dipdipwi armi mar papten han oh orhor pokwimur. Arpinwa.

Taitas 2:11

Got orhe damdapat orhor Noh ihirnong yah matpora ma dahapat da oh kuuhan gonsi dire kinteinong pitap matipmur. Ma pitap matip oh Jisas Krais ohe dap tei moh kuuhan gonsi ihirnong ambutin mandap amanhetpora daham darhera orhe damdapat Imat yah matpora ma dahapat da oh pitap teinong matipmur.

1 Korin 15:26

Imat timbas mat pisusa pepe ma mahaw nahat napapat han ohnong ma timbas matipra oh hapuripti danong oh pepe timbas matipramur.

Rom ihirnong Por oh brak atip ohe meng oh 2:7

Nohe yah hat sapat ohe pe oh Got oh amamsi naham winsi han naham orhorsi yah hat eimat paten dasi sa nahatipra daham ama ohe danong kasip ham ma yah hat sapti gurnong oh Got orhorsi dipwi yah hat paten ohe dasi nahatipramur.

2 Timoti 1:1

Por noh Timoti go norhe boporsi brero rima mama brak mat nasar ohmur. Got oh Krais Jisas ohe dap teidapat Jisas ohe tapnong hat pati gur eimat paten dasi hatiprimur napor dirnong rit natipmur. Ama rit natip meng pot pisashen han oh Got orhe damdapat nohnong Go rit natip meng oh Krais Jisas orhe mengtei ihirnong pot pisashen han aposer hat patenmur napor kis nahat napapat han nohmur.

Epesas 1:9

Got orhor imat napapatin orhor orhe da orhor Noh kaput Krais orhe ma imtipra dap tei oh noh kakdah ohe erero putei ohe erero oh gonsi tit dawi deipat Krais orhe hrepnongwi mar orhornong kakhan matipramur dahatipmur. Orhe hrepnongwi matiprawa daham ma reman patesuh da oh gin pitap teinong matipmur. Ama pitap teinong matip da oh orhe ma dahatip dik oh hatporhan dam timama mamen matipramur.

Jon oh yah meng ma brak matip ohe meng oh 14:6

Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.

Erer tarpatipra 22:17

Got ohe Yahsup ohsi; sipsip bap ohe kopen ma dat kuu ihitdapat dirnong Guragur sipsip bap ohnong Gin go aprina porinmur. Potperhan ama amraya kuuhan gurhe tap meng amaru mat orhor Aprina porinmur. Ama giporipti han bap gur tom din ham dipera dahaptihanhe apris mama tom eimat paten dasi hen ohe tom oh yan timbas be napin tom ohoh ihan apris be daprimur.

Erer tarpatipra 22:14

Ihtin ohoh ihan kuuhan gure da oh watah gahmar has mat paptem aripti gur ama ap mutuh ohe ap gwatei oh rosa eimat paten ohe dasi hen ohe irat gwe oh kapom din inasi nahat napapat bap gur ohoh ihan ama kuuhan gur amamsi hat paten han gurmur.

Erer tarpatipra 18:1

Napor mandapat gahan noh wandeioh enser tit aw tei mahatdapat kakdahnong moh wanpatgop. Ama wanda han oh hanip ihirnong Ihat indinmur. Ihat indinmur potin ohe meng kasipnapsi hat pat han enser tit ina has oh kakeirsi hat wandasa mong mohsi has mat saringop.

Erer tarpatipra 2:7

Hanip nat temsi gur Yahsup ohe sios gurnong naporpat meng moh amratinri. Er danong gure merwi mar suya han gurnong oh Got ohe aptei yahnap rang ru mutuh ohe eimat paten dasi nahatin ohe irat gwe oh gurnongwi Dina napotiprari. Ihtiprio rim noh Epesas sios gurnong mama brak mat nasar ohmur.

2 Pita 3:2

Gin gur rihohe Got orhe yahnap han propet ire naporishe mengo diradire Hanipyah namburpat han oh orhe yahnap sawa meng oh orhe han aposer ihirnong potporhan ihirdapat gurnong naporipti mengo ama meng oh mandapririm pomat ha dahat patengwe rim gurnong it da napamsas mama brak mat nasar ohmur.

2 Pita 2:20

Gur mohnong dahenmur. Hanip dir diradire Hanipyah namburpat han Jisas Krais orhornong am hapti ohe dap teidapat kakdah mama er nahapat ohe er nang oh arpit namdatir tei it er danong ham nang tatpat pati hatin hayahanoh ama ihya han ihir rih Krais ohnong hanhan hat patim ma er hat pateshenong oh garpokmur. Gin ohnong am hat patim orhor ma ihaptinong oh atnap isipnap er hatin ohe dap teinong hat patimur.

2 Pita 1:11

Ihat daham kasip hat orhor ayahanoh ama ihat pati han gurnong oh Got oh Hanipyah namburpat han Jisas Krais orhe eimat dipwi ma napaptepra apteinong ha rongwe rim Marona napor amam da ohsi isip naham nambutipramur.

2 Pita 1:3

Got oh kasipsi pat han ohoh ihan orhe kasip ohsi orhorsi eimat paten ohe dao orhe da hatin hat sashen ohe dao ama ihat paten ohe da oh gonsi gon ihat son ohe inasi nahat napapatmur. Ma inahapat oh orhe has yahnap da ohsi hat patim Gur norhe han bap hatinmur napor kis naham orhe han naham namburpatmur. Nambutporhan dirhe orhornong am hatperhan ama am haya ohe pe oh orhorsi eimat paten ohe dao orhe da hatin hat sashen ohe dao oh yah mat orhor napripatmur.

Hibru 10:32

Guragure rih orhor Got ohe has yah dasi dar ma pateshenong oh dahenmur. Gur has yah da datperhan gurnong ruumsupsi naham ambapte nahashe orhor gur na gapa ham kasip hat orhor pateshemur.

Taitas 3:4

Dir ihat patin orhor dire namburpat han Got oh orhe bopor naham yah nahapat da oh pitap teinong mara dirnong nambutipmur.

Taitas 2:13

Ihat susa kakdah morhor Jisas Krais oh diradire nambutin han kasipnap Got oh ma hapat. Ama kasip han oh yahnap hat apripra ma hapat daham amam hat orhor minhan patenmur napor orhe yah matpora ma dahapat ohe da oh pitap teinong mar namgitipmur.

2 Tesaronaika 2:8

Pitap teinong matporhan Hanipyah Jisas oh orhe atem teidapat Gin go timbas hatina por ohsi; orhe ma apripra has kasip ohsi ama ernap hat sapat han ohnong sum timbas matipramur.

Epesas 1:18

Nadahamara Got go ire danong adapem paptenmur. Imat adapem papatim gorhe ihirnong Noh gurnong yahnap han tit ma napripranong oh amam ham minhan patenmur ma potip ohe da ohsi mat paptenmur. Gorhe nita kuuhan ihirnong yahnap han apriprawa ma dahatip da oh isip yahnap tit nahatipra ma hapat dahat indin ohe dasi mat paptemo gorhe danong hat pati nure mutuhnong oh wanohe kasip ohsi nahat napapat ma hapat dahatin ohe dasi mat paptemo mat paptenmur por noh Got ohnong nadahandeipatmur.

Garesia 5:4

Gur Nuhur sawa meng mohwi dimtiperhan Got oh nuhurnong Gur yahnap hanmur napotiprohwa daham dindeipti han gur Got oh orhe da orhor Yah matpora daham yah nahapat ohe hrepnong mandama kot dahdapat hat pati bap gurmur.

2 Korin 5:4

Eimat paten inasi hat paten da oh kapkap datiproheneng ma dahapti oh kakdah moh ohe ihat ma pati ina moh hapur ha timbas hatinoh na dahat patimur. Mihat patin orhor aw tei ohe eimat paten ina da orhap mama kakdah moh ohe pati inanong moh gianaham gon gurus ha napatinohmur. Gon gurus napora haputin inasi hat pati inanong moh natimbas mara orhe eimat pat ohe da ina oh gon gurus ina da ha nahatinoh daham batbet ham ina ruum hat wamat patimur.

1 Korin 4:5

Got orhordapatwi imat nasapat han ohoh ihan Hanipyah orhor apris nasatin dik oh kopen na apin patin orhor hanip gurdapat Moh yah hat atamreipat hanhe. Moh er hat atamreipat hanhe daham orhe atamreipti han nuhurnong nasapri. Orhorwi apris hanip diradire pohon ma ihat pati da oh gonsi gon mong da teinong mar pitap matporhan wamar am hatiprimur. Wamar am hatperhan Got oh diradire ma ihat pateshe ohe amam oh napripramur.

Rom ihirnong Por oh brak atip ohe meng oh 6:6

Dire ina teimdapat tarpam ma er nahapat da ina oh Krais ohsi tap mar irat bok sur garmar mandatpamur. Sur garmar ma mandatpa oh Orhe hrepnong nahat napapat kasip oh ha timbas hatinohmur. Timbas hama hanip dirnong tit han ohe hrepdapat napapat hatin nahat napapat da moh ha timbas hatinoh daham irat bok sur garmar sum mandatpamur. Imat irat boknong sum mandatpa da oh dir daham am hat patimur.

Rom ihirnong Por oh brak atip ohe meng oh 3:31

Dire Krais ohnong Ohwi inahatin hatin hanwa ma dahapti ohe pe ohwi Gur yah han bapmur naporpat ohoh ihan dir Got orhe sawa mengnong moh amkar amdatper dahatiproheda. Basra. Na mandam marin papten meng mat paptimur.

Aposer 13:23

Ihan patin gahan Got orhe rit natip mengru mat orhor Depit orhe puh Jisas ohnong Isrer dire nambutin han mar nadarhetirmur.

Aposer 5:31

Da pamsasa ambur prusa Gin go ihirnong amburo paptemo hen han ham go norhe bes oper yah tan amdapat tongnotinmur. Ma tongnot patepra oh ire er hat sapti danong oh kom asar sa mandatipri. Mandatperhan Got oh ire er hat sapti pe yan oh it yansi na mara eimat hanhan mar sa mandatipra daham tongnot patenmur potipmur. Potporhan oh arpin ihat tongnot patmur.

Jon oh yah meng ma brak matip ohe meng oh 20:31

Nohe mama brak dei oh Gur Jisas ohnong Oh Got orhe Noh ihirnong ambutin han darhetipramur ma ritip han oh oh ma hapat. Orhor Got ohe brer ma hapat. Oh orhe kasip eimat paten dasi nahatin han ma hapat daham eimat paten dasi ha hatingwe rim noh mama brak dei ohmur.

Jon oh yah meng ma brak matip ohe meng oh 5:40

Gur ihat sapti orhor gur Nuhur eimat paten dasi hatinmat oh ohe hrepnong na hatiprohemur dahaptimur.

Jon oh yah meng ma brak matip ohe meng oh 4:42

Dahapti kuu uhnong Rih gwe meng amram arpinhe daham ohe danong hatirimur. Ginhe orhe meng mohhe amram Arpin moh nuhurnongo mong mong ma pati han ihirnongo eimat paten dasi nahatin han oh mama pat oh ma hapat daham ohe danong hayamur pongopa.

Jon oh yah meng ma brak matip ohe meng oh 1:9

Ama has han oh orhorwi arpin has yah dasi hat pat han ohoh ihan kuuhan among among gonsi dirnong ma nasaripti oh orhe has tei orhorwi tarpatperhan nasariptimur.

Ruk oh yah meng ma brak matip ohe meng oh 13:7

Ihat patwi hapatin orhe rang atamreipat han ohnong Epe. Noh wamar tantahapatin yitir krismas birhitir moh dam na timapat moh be mongnong moh supatmur. Ihan go gatmar mandatinmur pongopri.

Ruk oh yah meng ma brak matip ohe meng oh 11:36

Has mat orhorwi papayahanoh gorhe ina oh tit pe tit na kwi hama ram has mar pitap tei ka itperhan ap gonsi has hat orhorwi ma patru has nahat orhorwi napapteprohmur pongopri.

Ruk oh yah meng ma brak matip ohe meng oh 2:11

Gure amamnap hatin ohe meng oh mamarumur. Gin mama kwitem morhor Depit ohe ap mutuh moh kakdah pati kuuhan gurnong namburipra brer tit sariyamuro. Oh Got orhor Ihirnong sa amburipra rim kis mat pat han Hanipyah Krais ohnong sariyamuro.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.

Erer tarpatipra 20:14

Aprisa haputin supo hapuriya han ire da ma sus pati apteio ama ihitnong tanggap isip mong tan hatin hat irat taurpat dahnong ohom tahe por mandangop. Ama tanggap isip mong tan hatin irat taurpat dah oh it hapura dipdipwi batbet dar patepri tanggap tem ohmur. Ihtin dahnong ohom tahe por mandangop.

2 Timoti 1:8

Ihan go Por oh Krais orhe nitao rim karapus matpa ma hapat daham kas haho diradire Hanipyah ohe meng oh potinmat kas haho hapra. Got ohe meng pot pison ohe ruumsup oh Por ohe dat patru hat orhor nohhe ihtin ruumsup dat patim ihirnong meng pot pisapora daham watahpei hat orhor pot pisashenmur. Pisapatin ruumsup dus orhor Got oh pang inasi nahatiprohmur.

2 Timoti 4:1

Krais Jisas ohe it ma apripra oh hanip dirnong orhe hrepnong naham napapindin yahnap han ham apripramur. Aprisa haputpa bapsi; da pati bapsi tap naham dahanaham nasatipramur. Ihtin han Kraissi; Got ite kintei kasip mengtei ma napotiproh meng moh ite dap tei awam hatin tuker napotiprohmur.

2 Timoti 4:8

Timbas matporhan yan oh nang dap dakmeiriya han ireo rim ma mamen mat asariptiru mar Got oh Norhe danongwi kasip hat ma sapti han ire yan atpora rim ma nasarpat yan oh nohe mamen mat nat patmur. Kaput pepe dik oh Hanipyah duung dasi ma nasapat han orhor nasama ama mamen mat nat pat yan oh napripramur. Ama yan oh nohnongwi na napripramur. Hanipyah ohnong oh kapkap apris pitap teinong ha hatinoh daham kinkin da hat ma pati bap gursi gonsi diradirnong tap mat ama yan oh napripramur.