2 Tesaronaika 3:15 - Oksapmin

¹⁵ Ohe tapnong ham patepri ma naporiya oh mahaw han hatin mar papindin ohe meng na naporiyamur. Be guragure taptem ihirnong sawa asar kasip deiptiru mat papteno rim mameng moh naporiyamur.

2 Tesaronaika 3:15 ပူးပေါင်းရင်းမြစ်များ

Taitas 3:10

Tit han tit Got ohe nita ihirnong irair mahaw gosham katket tahatin dasi matin ina hahhanoh Go ihapra por imtinmur. Por imtiporhan na amrahanoh it titsi Ihapra por imtinmur. Imtiporhan oh na amratin inawi hat ahanoh go Ama ihtin dasiwi hat pat han go ihtin meng ohsi manongri apripra por baso por eimat kom asar er mat darherinmur.

1 Tesaronaika 5:14

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.

1 Korin 5:5

Gur Nuhur mama han ohnong Satan ohe bes teinong matper. Deiyarit Satan oh da adason mar ohe boknong batbet apriporhan oh Nohnong er teinong moh nahat napapatin noh batbet moh darpat sa daham Gin norhe er hat pat da moh mandatpora daham ha mandatinohmur. Mandatporhan diradire Hanipyah ohe apris dahanaham nasatipra dik oh ama ihat pat han ohnongsi diradirnong tap mat sa nambutipra daham imat mandatinmur.

1 Korin 4:14

Nohe taptem bapa. Noh gurnong aposer nure ma ihat pati meng moh gur amrama ha kas hatingwe rim brak mat na nasarmur. Noh bopor mat papti brer ihirnong ma sawa asaripitru mat orhor norhe bopor nahat napapat brer gurnonghe imat orhor sawa nasar mama brak mat nasar ohmur.

Garesia 6:1

Nohe taptem Yahsup oh yah mat napapat han gurdapat wandeiyaoh guragur tit uh tit er hat sus ambir tapan pat hatin hat pathan gur Got orhe nita moh noh panggeitpora daham ahar daphoma yah teinong matinmur. Nohe boknonghe ihtin da nahatipra daham ahar inin hat patim orhor arpim yah teinong matinmur.

Matyu 18:15

Jisas oh naporpat gahan tit meng ginapongop. Arwananah ihir tit gonong er nahahanoh gomdapat ahar susa gutarhe teinong hama gonong ma er nahat ohe meng oh pomtinmur. Pomara oh Dawa. Nohe ma ihpat da oh gin mandamur. Gin ditadit yah hat paten ohe danong hahmur rihanoh gutagut yah han hat pateprimur.

2 Korin 13:10

Hanipyah ohe kasip nohnong ma napin pat kasip oh gurnong eimat er nahatin ohe kasip basmur. Gurnong da nadason matporhan da yah hat ha songwerim ohe kasip oh napin patmur. Ama kasip ohsi noh apris gurnong ha ruumsup nahatipra. Ihan noh na apin patin orhor meng mohri nabrak mar nadarhetpor. Nadarhetporhan gur sama pomta tei noh apriprawa daham meng ohri mama nadarher ohmur.

2 Korin 10:8

Noh Hanipyah orhe atamreipat han ma hat pat moh orhordapat oh nohnong Go ire danongri aer deipra. Ire da oh akasip mar isip mat orhorwi apisashenmur napor kis nahat napapatin noh mama gure danong nakasip mat napisapat ohmur. Noh ihtin han hat patmur ma ri meng moh norhornong armi tahat patim orhor ginaporpatmur. Norhorhe armi tahatin meng napormur ma napor oh norhorhe na kas hat patmur. Norhe damdapat ihat dahapat handa ihan noh kas hatiproh. Got orhor ihtin inasi nahat napapatin ihpat han ohoh ihan noh na kas hatiprohmur.

2 Tesaronaika 3:6

Gin Hanipyah Jisas Krais orhe mengtei nure taptem gurnong kasip meng tit napotiprohemur. Nure Gur ihat tamrein patenmur ma napotiri meng oh tit han tit na amram na tamreim gapanwa han hat pathanoh ama han ohsi tap hathe patepri.

2 Tesaronaika 3:13

Kat ihir ihapati orhora; nure taptem gure ma yah mat pisapti da oh garham mandapri. Kasip mat orhorwi yah mat pisashenmur.