2 Tesaronaika 3:1 - Oksapmin

¹ Nure taptema. Gin nure kat meng ma pat oh napotiprohemur. Gurdapathe nure paten meng oh Got ohnong mamaru mat por nadahandeinmur. At Gota. Hanipyah ohe meng oh aptei aptei oh artaham isip hat ha sashenohmur. Isip hat susa nure ma amram winsi meng deisheru mat orhor ihirhe gin kapkap morhor amram winsi meng ha matingwemur por nadahandeinmur.

2 Tesaronaika 3:1 ပူးပေါင်းရင်းမြစ်များ

Matyu 9:38

Ihat pati ohoh ihan Gin gur den dam oh ihat suhdin ihat suhdin ma naporpat han orhornong Gin go den dam suhdin haya teinong moh suhdin han ihirnong oh ti darhetinmur por dahamtinmur napongop.

Ruk oh yah meng ma brak matip ohe meng oh 10:2

Ma ihat sapri aptei atei oh Got ohe meng amram ohe danong hatin ohe da oh ruumsan ihir den dam datin ohe tan hat patimur. Ihan gur susa den dam suhdin han hatin hat sus Got ohe danong hatin ohe meng oh pot pisonmur. Pot pisonmat oh dam suhdin oh ruumsan hat pat ohoh ihan gur Nure bes teiwi na yah hatiproh ma hapat daham ru nita han ohnong Gorhe den dam nasuhdin han nuhur pang hat pati ohoh ihan gorhor kat han gon tit darhetinmur. Darhetporhan nuhur den dam oh ruumsan han ham nadatiprohemur por dahamtinmur.

Aposer 12:24

Gahan Hanipyah orhe yah meng oh isip hama among among gonsi artahat sanipatri.

Aposer 19:20

Ire ma ihtipa ohe pe oh Hanipyah orhe kasip oh pitap teinong hatporhan ihir wamar am hama Hanipyah orhe meng oh artahat sus kasip ham isip hat sangopri.

Aposer 6:7

Gahan Jerusarem ap mutuh oh Got ohe meng oh nitat ap ap oh pot pisasheri. Imat pisaptin Got ohe meng amrapti han ihir trun han ham isip hat pipari. Be han ihirsi; Got orhe ap yawar hanat bok han kat han ihirsi Moh arpin meng ma hapat daham amrangopari. Ihama patesheri.

Rom ihirnong Por oh brak atip ohe meng oh 15:30

Nohe taptema. Gur amratin. Diradire Hanipyah Jisas Krais ohsi tap hat patim orhe Yahsup oh dirnong hinhina gosham gospanggeit indin da napin pato rim noh gurnong kasip mengtei napotiprohmur. Gur nohnong Got oh napanggeit napapten ohe meng oh norhe kasip hat Got ohnong dahandeipatru mat orhor gurhe imat orhor nadahamar paptenmur.

2 Korin 1:11

Nambur ma napapat oh gur nure ihat ma pati meng nadahandeipti ohe pe oh inahat napapatmur. Imatwi ruumsan kat gur nure ihat paten meng oh nadahandeiptin Got oh namrapat bapkei nahat orhor sa napaptepra. Imat napapatin kuuhan ruumsan ihir wanahapti Ihirnong imat papat moh daham Got orhornong weso por sa armi mar paptepri.

2 Korin 13:11

Nohe taptem gurheo. Gur nohe mengnong moh amratinmuro. Amrama yah danong hatin ohe danong moh Got orhe dahat pat da ohsi tap kat mat pisasipera daham tap kat mat pisashenmur. Imat pisus guragur tit dawi hama manap dasi gosapris yah hat patenmur. Ihat patin bopor naham manap dasi nahapat Got oh gursi tap hat sa patepra.

Korosi 4:3

Ihat paptim gur At Gota. Gorhe Krais ohe boknong mar ma nareman papatesuh meng oh gin Poro ire pitap teinong mar pot pison mandap oh Got go aisip matinmur. Aisip matporhan ihir meng oh ha poringwemur por nure ihirnong pomat porin ohe meng mandap menghe nadahandeinmur. Noh ama meng orhor pot pisapatin karapus nahatpa ohoh ihan gur nohe meng pot pison mandap meng oh dipwi nadahamarwi paptenmur.

1 Tesaronaika 1:5

Norhe nita bap matiprawa daham kis nahat napapat tei ohoh ihan nuhur apris gurnong ma meng napotiri oh be meng hatin mat na napotirimur. Got orhe Yahsup ohe kasip oh nure mutuh am nahat napapatin ama ohe kasip ohsi nahat napapatin ohoh ihan nuhur meng oh napotperhan gur amrama Arpinnap ma hapat dahatirimur. Nure apris meng napor napanggeitin da namgit ma indiri oh gur am hat patimur.

1 Tesaronaika 1:8

Ma am hatiri oh Masedonia mongo Akaia mongo ama pati han ihirwi na am hatirimur. Gure bokdapat Hanipyah orhe meng ohsi; gure Got ohe danong hat pati da ohsi tarpama mong mong oh gonsi saporhan ihir amrama am haptimur. Gin gure Got ohe danong hatin da oh am hatiri tei ohoh ihan nuhur ihirnong na potiprohemur.

1 Tesaronaika 2:1

Nohanher nure taptem bapa. Nuhur gure patinong aprisa meng naporiptin gur na wa ham dam ma timdirnong oh guragur am hat patimur.

1 Tesaronaika 2:13

Nuhur apris Got orhe meng oh napotperhan gur amrama Moh hanip guragure meng na naporiya ma hapat. Got orhe meng oh naporiya ma hapat daham datirimur. Gur ihat datirio rim nuhur Got ohnong dipwi weso naporiptimur. Oh arpin Got orhe meng ohoh ihan Got orhe danong hapti han gure da mutuh oh arpin dam timdin meng oh gure mutuh patmur.

1 Tesaronaika 4:1

Nohanher taptem bapa. Gin tit mengnong moh dahatinmur. Nuhur gursi patim Got orhe Ihir ihat sayahan yaha daham amam hat pat da oh namgit indirimur. Namgitperhan gur am hapti ama da ohsi ihat saptimur. Ihat ma sapti oh ha isip hat sashenoh rim isip mat orhorwi pisashenmur rim nuhur Hanipyah Jisas orhe mengtei kasip mat orhor naporiyamur.

1 Tesaronaika 5:17

Gur Got ohsi mengir paten ohe da oh na mandam dipwi orhorsiwi mengir patenmur.

1 Tesaronaika 5:25

Nure taptema. Gurdapathe nure ma ihat paten ohe meng oh nadahandeinmur.

2 Timoti 2:9

Noh ama yah mengnong ohwi pot pisapat ohe pe oh norhornong inaham ruumsup nahama er han hatin naham karapus nahat napaptimur. Ihtin orhor Got ohe mengnong oh atimbas mar karapus matin hatinda. Na timbas matin hatinmur.