2 Tesaronaika 2:6 - Oksapmin

⁶ Gure tit ma am hat pati oh ama er han oh gin orhor pitap hatiprarim tit han tit mandap apam gaheimat papatmur. Ama gaheimat papat oh Got orhe Ama dik oh sa pitap hatipra ma dahat pat dik oh kopen ohoh ihan Satan ohnong Go gaheimat paptenmur potporhan Satan oh gaheimat papatmur. Gaheimat ma papatnong oh gur am hat patimur.

2 Tesaronaika 2:6 ပူးပေါင်းရင်းမြစ်များ

Rom ihirnong Por oh brak atip ohe meng oh 1:18

Hanip dir Got ohe dahapat danong na hama amkar er hat ma sapti oh arpin mengnong ama er hat sapti da ohsi amkar er deiptimur. Ama ihat er hat sapti han ihirnong oh aw tei mahat ma pat Got oh gonsi ihirnong bopor heisup mat wamat papatmur. Ama heisup mat papat da oh pitap teinong matporhan hanip dir wamar am haptimur.

2 Tesaronaika 2:3

Ama dasuh meng ohnong amrapririm mohnongri dahat patenmur. Mamarumur. Hanip ruumsan kat han ihir Got ohnong sakarap mar kom atin da ohri popriyao Got ohe danong na ham isipnap er hat pat han orhornong eimat timbas hatin han ohri pitap tei ham apiro ama ihat pati han bap ihirri hat apriprimur. Ama ernap han oh na apin pat ohoh ihan ama ihat dasuh meng naporiyanong asoh Arpinhe dahapri. Arpin han oh kom apripra ohoh.

2 Tesaronaika 2:7

Ama ernap han oh pitap teinong hatiprarim gaheimat papat orhor ama han ohe er da oh ahar tarpat sapatmur. Ahar tarpat sapatin orhor pitap hatiprarim mandap gaheimat papat han Satan ohnong Got oh dar wan teinong mara ernap han ohnong pitap teinong matipramur.

2 Tesaronaika 2:8

Pitap teinong matporhan Hanipyah Jisas oh orhe atem teidapat Gin go timbas hatina por ohsi; orhe ma apripra has kasip ohsi ama ernap hat sapat han ohnong sum timbas matipramur.