2 Pita 3:3 - Oksapmin

³ Ire ma naporipti meng oh mohnongri dahenmur. Gin mama pepe dik pati morhor dasei meng naporin han ihir iraire ina teimdapat ti da ti da oh pramat pisapat ohe hrepdapat hat patimdapat aprisiprimur. Ihat aprisa Jisas ohe boknong mar gurnongsi dasei meng naporiprimur.

2 Pita 3:3 ပူးပေါင်းရင်းမြစ်များ

Jon oh yah meng ma brak matip ohe meng oh 12:48

Nohe mengnong na amram kom asaripti han gurnong kaput komdapat ma nasatipra meng oh patmur. Norhe mama naporpat meng orhordapat kaput mong pepe dik oh nasatipramur.

2 Korin 4:2

Garham na mandama pomat orhorwi meng naporiptimur. Pomat orhor ma naporipti oh ahar er hapti ohe dao paham meng napotin ohe dao nuranure meng oh Got ohe meng tapnong mar imat gapa naham napotin dao oh ti na inahaptimur. Ama ihtin dasi hat patim na napora pomat arpin mengwi pitap teinong mar naporiptimur. Gur nuhurnong Ihir yahnap hat orhorwi patihe daham ha am hatingwe rim Got ohe kinteihe pomat orhorwi naporiptimur.

2 Timoti 3:1

Kaput pepe dik apris ruumsup oh ma namkatipranong oh Timoti go dahat orhorwi sashenmur.

Hibru 1:2

Gin Krais oh hapur saporhan ohe pepe dik pati moh Got orhe meng oh orhe mon orhe boknong mar napotipmur. Itap oh orhe mon orhe boknong mar ma darhetip oh mong erer ma darpatip oh mon orhe bes teinongwi mar darpatip ma hapat. Norhe hrep papat erer moh mon orhorwi datipra ma hapat daham mamen mat papatdapat darhetipmur. Darhetporhan orhe boknong mar meng napotipmur.

2 Pita 1:20

Gur mohnongri daham am hatinmur. Propet ire ma brak deishe meng oh iraire damdapathe Mameng moh brak matpera daham na brak deishemur. Hanip iraire damdapat Mama meng moh brak matinmur potperhan na brak deishemur. Ire ma brak deishe oh Got orhe Yahsup orhor ire atem tei rit atporhanwi brak deishemur.

2 Pita 2:10

Atnap isip batbet apin inasi mat papat bap ihiroh ti da ti da er hatin ohe danongwi isip mat paptepera daham iraire danong bisei deipti danong dindeiyao kakhan ire mengnong na amram dasei mar kom asar mandayao hapti han bap ihirmur. Ama ihapti han ihir iraire ina boknong armi taham na kas ham aw tei mahat ma kasip dasi hat pati bap ihirnong dasei meng potinmat oh na kas ham dasei meng por indeiptimur.

1 Jon 2:18

Nohe taptem brer gur mohnong dahenmur. Gin mong moh timbas hatinmat kakduup hat pat ma hapat dahenmur. Timbas hatinmat kakduup hat ma pat oh rih Kaput Krais ohnong mahaw matin han tit tarpatipramur ma ripti meng oh gin arpin ohnong mahaw mat papti han bap ihir ruumsan tarpam mama pati ohmur. Ihat ma pati oh dir wamara Gin mong timbas hatinmat kakduup hah ma hapat daham am haptimur.

Jut ohe brak mat atip ohe meng oh 1:16

Ama er hat sapti han bap ihir Nuhur dipwi ina ruum dar pati moh Got oh er han hat ma pat ohe pe oh nuhur ihat patimuro poriyao arwananah ihirnong komdapat ariyao hat pati han bap ihirmur. Ama ihapti han ihir iraire er hat son ohe da moh tit tarpam hahhanhe ama ohe danongwi dindeiptimur. Ama ihapti han ihir iraire boknong armi taham win daptuhur kasip mengtei iraire win daptuhut sapti han bap ihirmur. Ihir Dir mimat gapa meng deiyahanoh ihir dirnong yah hana napora ihsen erer oh napriyao sa nahapri daham kat ihirnong imat gapa deipti han bap ihirmur.

Jut ohe brak mat atip ohe meng oh 1:18

Ma napotpa meng oh mamarumur. Pepe dik ma kakduup hah tei oh Got ohnong kom asar iraire er hat son ohe danongwi hat sapti han bap ihir aprisa ti dasei meng ti dasei meng oh Got orhe boknongwi mar dasuh nahat apriprimur napotpamur.