2 Pita 1:5 - Oksapmin

⁵ Orhor ihtin dasi nahat napapat hano rima Orhorwi inahatin hatin hanwa dahapti ohe kamen teinong oh duutin dasi ham yah hat sapti ohe da oh ohe kamen teinong matpora daham kasip ham imtinmur. Yah hat son ohe basnong oh Got oh Ihir ihat ha indingwe ma naporpat ohe da oh am ham ohe basnong matpora daham kasip ham imtinmur.

2 Pita 1:5 ပူးပေါင်းရင်းမြစ်များ

Ruk oh yah meng ma brak matip ohe meng oh 16:26

Ginra maihir gwe pat apriyao go nure patinong apiro hatipririm mong isip nakwer apet nahatip tei moh kinhat apris gonong napanggeitiproho pongopri.

Ruk oh yah meng ma brak matip ohe meng oh 24:21

Sutperhan haputporhan sein it patina yitir dah timda tei moh na pathanoh nuhur Isrer nuhurnong oh nambur yah nahatipra han ma hapat dahat pati ohe da oh mandama da er hat patimur.

Jon oh yah meng ma brak matip ohe meng oh 6:27

Gur den din ohe tamreindin danongwi ham tamreipri. Ama den oh kapkap popor ham ihhapat den ohmur. Gur dipwi paten den ohe danong henmur. Ama den oh eimat eimat paten ohe dasi nahatin den ohmur. Ama den oh Hanip Brer noh naprisipramur. Ma naprisipra han nohe boknong oh At Got oh mon orhornong amam mar bopor mat papat ma hapat dahatin ohe da oh norhe boknong nahat napapatmur pongop.

1 Korin 14:20

Nohe taptem gure meng tunmatin meng danong isip hat ma pati oh brer ire iraire indin danong hat ma patiru hat patim ihaptimur. Ihat brer ire hat pati da hatin hatheri patepri. Hanipyah ham ma gospanggeit sapti da hatin hat orhor sashenmur. Er danong hatipririm brer ire ma er danong hanhan hat pati da hatin hat orhor patenmur.

Epesas 5:17

Gur yah da pinggitinmat oh da hut pati han ire da hatin hat sasipri. Hanipyah orhe dahat pat danong morhorwi am hat sasipora daham am hat sashenmur.

Piripai 1:9

Noh dipwi gure ihat pati meng oh Got ohnong nadahandeipatmur. Nohe dipwi ma gure ihat pati meng ma Got ohnong nadahandeipat oh mamarumur. At Gota. Ire da gosapris bopor goshat ma sapti da oh isip hat ha sashengwemur. Isip hat susa gorhe ma ihat pat ohe da oh isip hat orhorwi sa sasipri.

Piripai 2:12

Norhe boporsi han yah han bap gur noh gursi patim meng napotporhan gur amram dindeiptingweriru hat orhor noh na patinhe atnap Jisas orhe ma namgitip da hatin hat orhor isip hat orhor amram dimar patenmur. Ihat patim Gin dirnong Got oh nambutin ohe da oh rang ohe tan duup naham inahat napapat ma hapat. Ihan dir orhe kasip ohsi amamen matper daham orhornong kasa ham amamen matin ohe danongwi hat patenmur.

Piripai 4:8

Gin pepe meng tit napotiprohmur. Ma napotiproh oh Gur yahnap hat armi goshat paten ohe danong ohwi daham da darher aperinmur. Ama apetiprohe yahnap da oh mamaru hat patmur. Arpinwi ma ripti dao yah hat sapti dao yah mat orhorwi pisapti dao ongeng tahatwi sapti dao boporsi deipti dao yahnapo por winsi deipti dao ama ihat dahatin ohe da oh gonsinong oh da darher aperinmur.

Korosi 1:9

Korosi ihir ihat patimur ritporhan nuhut amrama ma nadahamtipa oh dipwi nadahamtiparu nadahamar orhorwi paptimur. Nadahamar papti meng oh mamaru mat por nadahandeiptimur. At Gota. At Got go gorhe Yahsup ohsi am hat paten ohe dao dakuu hat paten ohe dao oh ihirnonghe aprishenmur. Apriporhan ihir ama da ohsi hat patin Got gwe Ihat ha songwe ma dahapat da oh isip mat orhorwi am mat apisashenmur por nuhut dipwi nadahamarwi patimur.

Korosi 2:3

Got orhe imat nareman ma papatesuh yah da oh Krais orhe boknongwi matporhan orhorwi ama nareman paptesuh yah da oh pitap teinong mat papat han oh Krais orhe bokdapatwi pitap teinong mat papatmur. Imat papatin dir wamar am haptimur.

Hibru 11:6

Got oh hanip dirnong be na amam nahapatmur. Orhornong Ohwi inahatin hatin hanwa ma dahapti ohe pe ohwi orhornong amam hat indin dasi deiptimur. Imat napapat han ohoh ihan hanip dir orhe patnong sapera dahayahanoh mamaru hat daham saptimur Got oh arpin patwa. Ama ihat pat han ohnong Noh angmat sus wamtipora ma dahapti ohe pe oh orhe yah yan oh napriprawa dahamwi ohe patnong saptimur.

Hibru 12:15

Patima gurgur tit han tit Got orhe damdapat ma yah nahapat da oh kap nahatiprarim pomat orhor daham wamat paptenmur. Paptem tit han tit ator gapsi irat kaker oh marasa yah hat patnong asoh er mar bisei matiprarim pomat wamat paptenmur.

Hibru 6:11

Guragure taptem ihirnong ma kasip ham panggeit pisapti da hatin hat orhor Got ohe danong hatin ohe dahe ihat kasip hat orhor saptiru saptin mong pepe dik oh sa hatipra. Ihat sayahan oh guragure Got oh inahatiprawa ma dahapti da oh gonsi dam sa tarpat sasipra.

1 Pita 3:7

Imapir gurdapathe Got oh Inanir ihirnong imat papindinmur ma dahat pat ohe da oh dara imat yah mat papindinmur. Kuu ihir kasip timbas ohoh ihan han gurhe uhe danong hama pomat paptenmur. Got orhe damdapat orhor imat yah matpora daham eimat paten da ma napripra oh han dirnongwi napriprada. Basra. Kuusi hansi tap mat napripra ohoh ihan gur Mama kuu mauh Got ohe eimat paten dasi matipra kuu ma hapat daham uhe danong ham pomar paptenmur. Imat papayahanoh ama imat papti han gur Got ohnong dahamtiperhanhe amram inahat napanggeipat mandap oh na gaheimar tanput orhor pat hatiprohmur.

2 Pita 1:10

Nohe taptema. Gur ire ihapti da hatin hapririm noh tit meng tit napotiprohmur. Got orhor Maihir norhe nita matipra han ihirmur napora kis nahapat orhe nita naham napapat bap gurmur. Gurnong inahat napapat bap gur ohoh ihan ihir wanahama Maihir arpin Got orhe kis mat papat han bap ma hapat ha napotingwe rim gur ire kintei arpin yah mengnong dahama yah hat orhorwi saya apriya hat patenmur. Ihatwi saya apriya hat ayahanoh gurnong ma er naham timbas nahatin mandap oh timbasmur.

2 Pita 1:11

Ihat daham kasip hat orhor ayahanoh ama ihat pati han gurnong oh Got oh Hanipyah namburpat han Jisas Krais orhe eimat dipwi ma napaptepra apteinong ha rongwe rim Marona napor amam da ohsi isip naham nambutipramur.

2 Pita 3:14

Norhe bopor nahat napapat taptem gur ma ihtipranong oh minhan pati ohoh ihan dire da oh ongeng yahnap mat orhorwi orhorsi manap goshat indin ohe da ohsi hat patin orhor oh apris ha wanahatinoh daham ama danong oh kasip hat orhorwi marin patin pepe dik ma tarpatipranong oh minhan patenmur.

2 Pita 3:18

Kasip hat orhor marin paptim ama ihat sapti han ire danong ohri hapri. Diradire Hanipyah namburpat han orhornong Oh ihat pat hanhe daham am hatin ohe dao orhe da orhor bapkei naham yah nahapat ohe dao ohnong titsi titsi dar am hatpora daham ama ohe danong ohwi isip mat pisashenmur. Orhorwi has yahnapsi hat pat han ohoh ihan gino kimsio kaputo dipdipwi armi mar papten han oh orhor pokwimur. Arpinwa.