2 Pita 1:16 - Oksapmin

¹⁶ Nuhur dire Hanipyah Krais oh kasip hanmuro. Ama kasip han oh it apripramuro ma napotiri meng oh kat han ihir iraire damdapat daham ihtin hanmur potpera daham ambar meng hatin mat naporiyarit na napotirimur. Arpin Got oh Jisas orhe boknong wanohe has yahnapsi matporhan nuhur wandeipti nure ma wamtipa meng orhor napotirimur.

2 Pita 1:16 ပူးပေါင်းရင်းမြစ်များ

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

Matyu 16:28

Noh arpin meng napormur. Mama pati han gur kat gur na haput patin orhor Hanip Brer noh gurnong norhe hrepnong naham napapten han hat apripatin gur wanahatiprimur napongop.

Matyu 17:1

Gahan dophei dah timama Jisas oh Pitao Jemiso arwap Jon oho ama yitir han ihirnongwi ambura yei isip kanong ohot ama ruhpa oh.

Matyu 24:27

Hanip Brer norhe ma apripra oh ihat ahar na apripramur. Nohe ma apripra oh amsama dapeh ritporhan aw pe mong pe ma gonsi kuuhan am haptiru hat orhor noh apriporhan aw pe mong pe gon am hatiprimur.

Matyu 24:3

Jisas oh ameng oh naporpat nuhur susa mong Orip ka oh Jisas oh tongnotporhan orhe namgit napisapat han nuhurwi ohe pat teinong hapti Nohana. Ap yawarnong ma urkamat itipri oh desut urkamat itipri. Go nuhurnong napotinmur. Naporpat gwe it aprin dik ohe kakduup hah ma hapat daham namgitin han oh kian han kis ohri pitap hahrit nuhur Gin Hanipyah oh it aprin kakduup hah ma hapat. Mong pepe timbas matin dik kakduup hah ma hapat daham am hatipri. Ihat gin go napotinmur por dahamtipa.

Matyu 28:18

Ihtiperhan oh nure duupnong apris nuhurnong At oh kakdah mong erer mohsi; aw tei mahat ohe erer ohsi norhe hrepnongwi mar papindin ohe kasip inasi nahat napapatin noh norhe hrepnongwi mar papatmur.

Mak oh yah meng ma brak matip meng oh 13:26

Ihat mandatperhan gur wanahayaoh Hanip Brer noh wanohe kasipo haso ohsi rian tap wanpatin gur wanahatiprimur.

Mak oh yah meng ma brak matip meng oh 14:62

Potporhan Got orhe ap yawar nita han ire duupteinap han oh ameng oh amrapat heisup ham orhe watah an pat moh dahras pora Epe. Mama han ohe giri meng moh Got orhor hatin ham Got orhornong dasei deimur. Gin ohe boknong mar sutin meng oh ti angmatiproheda. Orhordapat orhe boknong mar ma ri meng moh kiwa. Gin Hanipyah ohnong dasei dei meng ma amraya han gur kiano dahaya pongopri. Potporhan ihir gonsi orhe boknong mamter hat mengir han moh orhornong ha haputinoh pongopari.

Ruk oh yah meng ma brak matip ohe meng oh 1:2

Ire ma brak matiri oh kat han ire kintei Jisas Krais ohe gonsi tamreim saporhan Got orhe meng pot pisapti han ihir wandeipti ritperhan ire wamara ritiri meng ohwi brak matirimur.

Ruk oh yah meng ma brak matip ohe meng oh 9:43

Potporhan kuuhan ihir Epe. Got ohe kasip ohsi indei moh Got orhor kasipnap hanmur daham sein bupang ringopari. Kuuhan ihir Jisas ohe ma ihpato meng ma ripato moh yahnapwi hapat han moho gosham da trun trun darhet patin Jisas oh orhe pinggit pisapat han ihirnong

Jon oh yah meng ma brak matip ohe meng oh 1:14

Ama da meng namgitin han oh Got ohsi patdapat kakdah wandasa hanip ina hapat kakdah indipmur. Kakdah ma indip oh Got oh Noh norhe brer tit hanwi moh orhe boknong bapkei mar has dasi matpora daham orhe boknong hassi mat orhorwi papatin dir wamara Moh Got orhe arpin has ohsi mat papat ma hapat daham dir am haptimur.

Rom ihirnong Por oh brak atip ohe meng oh 1:4

Ma tarpatipra oh yahnap hat paten danong oh Moh Got orhe brer ma hapat dahat paten ohe da oh Got orhe kasip oh ohe boknong pitap mara namgitipramur. Imat ma namgitipra oh orhe kasip ohsi mon ohnong pamsaporhan arpin orhe mon ohnong imat pamsa ma hapat dahatiprimur rim brak matpamur. Imat rim ohe boknong mar ma brak matpa oh diradire Hanipyah Jisas Krais orhe bok oh dam timama dam tarpatipmur.

1 Korin 1:17

Krais oh nohnong Go ihirnong tom patitin hanmur napor na nadarhetipmur. Nohnong ma nadarhetip oh Go ihirnong nohe yah meng moh porinmur napor nadarhetipmur. Nadarhetporhan noh dakuu han ire kakdah moh ohe dakuu meng napotporhan dakuu mengnong moh dimtipera daham dakuu han ire naporiya mengnong amram dindeiptiru mat gurnong imat na naporpatmur. Nohe ma naporpat oh irat bok ma sur gartahatip ohe meng oh hanip dire danong kasip nahapat mengo rim ohe meng oh amram ha dimtingwe rim kakdah moh ohe dakuu han ire dakuu meng ripti meng hatin mat gurnong na naporpatmur.

1 Korin 1:23

Oh ire ma dahat sapti ohe meng ohmur. Nure ma Got ohe danong hat patim meng pot ma pisapti meng oh Krais orhe irat bok sur gartahatip meng ohwi pot pisaptimur. Imat pot pisaperhan Juda hat pati han bap ihir Moh er nahatin menghe daham dasei mar mandaptimur. Juda na hat pati bap ihirhe Moh na dahatin menghe daham garmar mandaptimur.

1 Korin 1:7

Orhor imat napripat ohoh ihan orhe Yahsup ohe yah hat sashen ohe da ma napripat da oh na hatip hat patimur. Yah mat orhorwi ma napripat oh Ihir Krais orhornong mama da mohsi hat patim Jisas Krais oh sa pitap hatipra daham napriporhan dir ama napin pat da ohsi kasip ham minhan patimur.

1 Korin 2:1

Nohanhera. Noh rih Got orhe reman paptesuh meng ma napot indip oh gur nohnong Moh dakuu han yah hat meng naporpat han ma hapat ha napotingwe rim noh gurnong meng napot na indipmur.

1 Korin 2:4

Imat ma napot indip oh Noh dakuu han ire dakuu meng yah mat napotperhan dakuu meng naporiya moh arpinnapkin ma dahaptiru ha hatingwe rim noh gurnong na napot indipmur. Nohe ma napot indip oh Yahsup ohe kasip oh arpinhe dahatin ohe da oh namgitporhan arpinhe ha dahatingwe rim ama orhe kasip da ohsi gurnong napot indipmur.

1 Korin 5:4

Da ma adason matipri oh Gur diradire Hanipyah Jisas orhe mengtei tap tei hatinmur. Tap tei hapti gur Dir Por ohe dahe dirsi tap hat pat ma hapat. Diradire Hanipyah Jisas ohe kasip ohhe dirsi tap hat napapat ma hapat dahama ama kasip ohsi ama er hat pat han ohnong mamaru matinmur.

2 Korin 2:17

Nuhurnong ma Got oh ihat son inasi nahat napapat bap nuhurmur. Ihtin inasi ma inahat napapat bap nuhuroh kat han ire Nuhur Got ohe meng moh erer oh han ap mat pisusa yan daripti ohe tan hat meng moh pisaper daham ma meng pisaptiru mat nuhur imat meng na pisaptimur. Nure ma ihat saptinong ohri Krais orhe nitao rim ma Got ohe kis naham nadarhetip han hatin hat orhorwi arpin han hat orhorwi meng pot pisaptimur.

2 Korin 4:2

Garham na mandama pomat orhorwi meng naporiptimur. Pomat orhor ma naporipti oh ahar er hapti ohe dao paham meng napotin ohe dao nuranure meng oh Got ohe meng tapnong mar imat gapa naham napotin dao oh ti na inahaptimur. Ama ihtin dasi hat patim na napora pomat arpin mengwi pitap teinong mar naporiptimur. Gur nuhurnong Ihir yahnap hat orhorwi patihe daham ha am hatingwe rim Got ohe kinteihe pomat orhorwi naporiptimur.

Epesas 4:14

Hanip yah ham orhor hatin hama it brer gar ire dahapti da hatinhe na hapti ohe da ohmur. Brer gar ire dahapti da hatin hat ma pati han ihir mamaru hat dahat patimur. Dasuh han ihir aprisa manap mengtei dakuu meng hatin mat meng poriyao Moh arpin dakuu hanhe dahatin ohe da pinggiyao haptin ihir Arpin dakuu meng naporiya ma hapat daham ti meng ti mengnong oh ihir amram dindeiptimur. Ti meng ti mengnong amram dindeipti ihir tom hru tei ohe manduu kat ma inim oh mer mat pisao popiro deipat hatin hat patin pramar pisaya popriya mar papti han bap ihirmur.

Piripai 3:21

It nambur ma apripra oh erer moh gonsi orhe hrepnong mat papindin ohe kasip ohsi apripramur. Aprisa dire timbas hatin ohe er ina moh orhe gon ina naham Krais orhe yahnap ina hat pat ina hatin nahatipramur.

1 Tesaronaika 2:19

Gure danong ma hat pati oh Jisas Krais oh it ma apripra oh kian hansi tap hat apirit dir wamar amam hatipri. Amam hama nure yan ma dariyahe mohmuro por armi taham daptuhur pinggitipri. Nure ihat daham ma minhan pati danong oh kian danong minhan pati. Guragure mutuh dam ma timapatnong oh minhan patimur.

2 Tesaronaika 2:9

Ama ernap han ohe ihat ahar apris ma pat oh Satan orhe er hat pat orhe kasipnap kasip ohsi kasip matporhan ama kasipnap ohsi apris patim hanip dire pati mutuhnong apripramur. Ama ohe kasip ohsi aprisa arpin tarpatipra ohe kis hano hanip dire na imtin hatin hano oh arpin Got orhe kasip ohsi ha indei hatin mat imtipramur.

1 Timoti 4:7

Inahat napisapatin hanip ihir Got ohnong dasei mar dam na tarpatin ohe meng oh kuu ire ripti meng hatinmat naporiyahanoh gori ama ihtin mengnong oh na amram kom asar sashenmur. Susa Got orhe dahat pat da hatin hatinmat oh kis taham am hat orhorwi sus kasip ham am hat sashenmur.

Taitas 1:14

Ihir Juda ire pohon ma ihapti meng danongo arpin mengnong dasei mar mandama iraire damdapat sawa mengmur rim ripti mengnongo oh ha mandatingwe rim pomat orhor pora baso por imtinmur.

2 Pita 2:3

Ama ihat apripti han bap ihir Nohwi darneng dahat aprisa iraire damdapat daham ama dasuh meng naporiya ohe pe oh be gure mani ruumsan nandariprimur. Ama ihapti han bap ihirnong Got oh rih orhor sama Maihir er han bap ohoh ihan er yan sa datipri daham wamat papat han bap ihirmur. Imat ma wamat papat ohe da oh na kap mar arpin apinmat mamen mat apapat ohoh ihan arpin apripramur.

1 Jon 4:14

Got oh orhe mon ohnong aw pe mong pe gonsi dirnong namburin han darhetporhan nuhur dam wamara gurnong Arpin oh dire namburin han nadarhetipmur napotperhan gur amram am haptimur.

Jut ohe brak mat atip ohe meng oh 1:14

Ama er hat sapti han bap ire boknong sutin meng ma potip oh rih orhor Inok oh kaput komdapat ma apripri han ire boknong mar potipmur. Inok oh Adam ohe puh dimdim dap susa Inok oh bes han ohmur. Ama Inok oh ire boknong matip meng oh mamaru hat patmur. Gur amratin. Hanipyah ohe ma apripra oh han gonsi ihirnong dahamara iraire san hapti pe oh sam imtinmat oh tausen tausen enser ihirsi apripramur. Aprisa gonsi ihirnong dahamara Got ohnong kom asar irair er da hat son ohe danong ham er hat sapti dao Got ohnong dasei meng por kom asaripti dao adanongwi hat ma sapti han ihirnong oh sama iraire ihat sapti pe yan oh er yan apripramur rim ire boknong matipmur.

Erer tarpatipra 1:7

We. Oh rian tap apir hatin hapatmur. Apirit guragure kin wamtiprimur. Ma wamtipri oh bestop hanatsi ma sutpa hano aw pe mong pe ambap ambap ihiro gonsi wamtiprimur. Wamara guragure rangrang teinong bes pungpung pora da er ham yimtiprimur. Arpin iham tarpatipramur. Arpinwa.